عملت حادثة...... ومش عارف اعمل ايه.. افيدونى بالله عليكم

[abd_el_7amid]

السلام عليكم
انا لله وانا اليه راجعون...
كنت نازل من نزلة المنيب من على الدائرى وبعدين تقريبا مكنتش ماشى لان المكان دائما ما يكون زحمة ومرة واحدة ببص على الشمال لثانييتين وبصيت تانى للامام وطخ .... لبست فى ظهر عربية نقل
لا فى فوانيس ولا اى حاجة... المهم استعوضت الله تعالى ...
انا معايا سيتى 2009
ومش عارف اعمل ايه..العربية لسه شاريها وكان متامن عليها... ولكنى سالت فى موضوع التامين ... وعرفت انه حرام حتى الانتفاع به... الحمد لله
طبعا التوكيل هيدبحنى... فمش عارف فعلا اعمل ايه ..اجيب سمكرى كويس... طب دا هيؤسر على الضمان؟؟؟؟ طب حد يعرف مبدئيا هتكلف كام؟؟؟
افيدونى بالله عليكم







هوا مبدئيا الريداتير اتنى لحد الموتور والفانوس اليمين دخل لجوه ودا اللى انا عرفته...

وجزاكم الله خيرا

[abd_el_7amid]

ImageShack Album - 9 images

بصراحة الصور مش عارف ماترفعتش ليه بس على العموم دا الينك

[KoDaK_Gti]

ان شاء الله بسيطة
عندك فوق اعلان العقيد للسمكرة
دى ورشة العقيد خالد للسمكرة تقدر تكلمه وهو هيفيدك ان شاء الله

[abd_el_7amid]

يعنى حتى ماودهاش التوكيل ..عشان اعمل كشف مبدئى؟؟؟؟؟؟؟؟؟؟؟؟؟؟؟؟؟ظ

[mmffor]

وديها التأمين و بلاش هزار

[janjon1978]

اولا اوعى تمشى بيها .. ممكن الرادياتير يكون اتخرم و المياة مافيش و العربية تسخن جدا و تبوظ حاجات تانية ... اتاكد من مستوى المياة و السخونة الاول
التوكيل احسن طبعا طالما انت مامن عليها

[menocomp]

وديها التأمين و بلاش هزار

طبعا وديها التأمين وربنا يسهل والحمد للة على كل شئ.

[passat]

حمد الله على سلامتك...حضرتك يمكنك الإطلاع على الموضوع التالى للإستفادة http://www.nilemotors.net/Nile/129752-2009.html

[VTEC]

قدر الله وما شاء فعل
اسمحلى احط الصور هنا على طول :

[KoDaK_Gti]

ايه ده
طيب ماهى متأمن عليها انا مخدتش بالى
وديها التأمين وريح نفسك

[washable]

احسن حاجه يا بيه انك توديها التوكيل طبعا حرام عليك ده العربيه لسه بورقتها و متوديهاش لاى صنيعى و الله هيخربوهالك و انت حر ... سيبك من التامين حرام و الكلام ده و اللى بيحصل فينا و فى عربيتنا ده مش حرام .. المهم اطلع على التوكيل و كلم التأمين انا عملت كده و العربيه رجعت احسن من الاول.. اسمع الكلام...

[washable]

ده فى تحت صورة الحادثه بتاعتى من اسبوعين وانا مش مامن عليها و العربيه total loss عشان تحمد ربنا,

[Horsepower]

وديها التأمين و بلاش هزار

طبعا وديها التأمين وربنا يسهل والحمد للة على كل شئ.

السلام عليكم,
قدر الله و ما شاء فعل والحمد لله إنك بخير.
ممكن حضرتك توضح إزاي "الإنتفاع بالتأمين حرام".
(أحمد سامي)

[abd_el_7amid]

السلام عليكم
والله انا اتصلت بشيخ فى البيوع وقالى ان التامين حرام لانهم بيجمعوا الفلوس منا جميعا وبيشوفوا المتضررين منا ويدوهم .. وقالى انه ضرب من الميسر
وادخل الينك دا هيوضحلك اكتر ليه
ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ - ط§ظ„ط§ظ†طھظپط§ط¹ ط¨ط§ظ„طھط£ظ…ظٹظ†

ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ - طظƒظ… ط§ظ„ط£ط³ظ‡ظ… ظپظٹ ط´ط±ظƒظ‡ طھط£ظ…ظٹظ† ط³ظٹط§ط±ط§طھ

المهم الحمد لله الذى بفضله تتم الصالحات
العقيد خالد جاه وشاف العربية ربنا يجزيه خير ... وان شاء الله مش هتحتاج اغير حاجة غير فانوس الباقى كله متنى بس وان شاء الله هيترد...
واعلموا من ترك شيئا لله عوضه... وان الله هوا العاطى الوهاب

[Horsepower]

السلام عليكم
والله انا اتصلت بشيخ فى البيوع وقالى ان التامين حرام لانهم بيجمعوا الفلوس منا جميعا وبيشوفوا المتضررين منا ويدوهم .. وقالى انه ضرب من الميسر
وادخل الينك دا هيوضحلك اكتر ليه
ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ - ط§ظ„ط§ظ†طھظپط§ط¹ ط¨ط§ظ„طھط£ظ…ظٹظ†

ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ - ط.ظƒظ… ط§ظ„ط£ط³ظ‡ظ… ظپظٹ ط´ط±ظƒظ‡ طھط£ظ…ظٹظ† ط³ظٹط§ط±ط§طھ

المهم الحمد لله الذى بفضله تتم الصالحات
العقيد خالد جاه وشاف العربية ربنا يجزيه خير ... وان شاء الله مش هتحتاج اغير حاجة غير فانوس الباقى كله متنى بس وان شاء الله هيترد...
واعلموا من ترك شيئا لله عوضه... وان الله هوا العاطى الوهاب

طيب الحالة الأتية مش تعوضك شويه ... أكيد إنت دافع حوالي 3500 جنيه سنويا تأمين و ممكن التصليح في التوكيل يعمل 4000 في الحالة دي إبقى إتبرع ب 500 جنيه.

ثانياً :
إذا اضطررت إلى دفع التأمين ثم حصل حادث فيجوز لك أن تأخذ من شركة التأمين بمقدار الأقساط التي دفعتها ، وما زاد عنها فإنك لا تأخذه فإن ألزموك بأخذه فإنك تتبرع به في أوجه الخير.