استفسار

[M_Nabil]

كبالن الsir بتبقى فيها اختلاف عن كبالن si
ولو فية حد من الاعضاء يقدر يجيبلك صورهم والفرق هاتعرف تشوف اذا كان اللى عندك عفشة عادية ولا sir

ماهو يا باشا اللى راكبه عندة %100 كبالن SiR عشان كبالن الـ Si ما بتركبش على محور دوران مواتير الـ SiR والعكس صحيح

[egyptweed1]

شكرا جدا لأستاذ kalmah بس هى مش مستاهلة تعب حضرتك بس و هى الكبالن بتاعت ال sir لأن الكوبلن بيخبط فى المساعد وهو بيركب والفرامل اللى ورا عادية مش سكاكين

[M_Nabil]

شكرا جدا لأستاذ kalmah بس هى مش مستاهلة تعب حضرتك بس و هى الكبالن بتاعت ال sir لأن الكوبلن بيخبط فى المساعد وهو بيركب والفرامل اللى ورا عادية مش سكاكين

يبقى أنت محتاج تعديل فرامل أمامى وخلفى بس أتأكد برضه من الأمامى لو مقاس 13 يبقى هتحتاج تعديل هتجيب شمعدانين كاملين قدام استيراد SiR (الطنابير + التيل الأصلى) وهتجيب جانبين كاملين سكاكين خلفى بالتيل الاصلى برضه بالوايرات بتاعت الهاند بريك بس هاتهم فيهم Abs طبعاً النظام مش هيشتغل عندك بس الحالة بتكون أفضل وأداءهم أحسن شوية من العادى .. الموضوع ده تقريباً يتكلف 1000 جنية

[egyptweed1]

طيب يا باشا بعد اذنك انا تعبك معايا بس هو كدة ورا اللى هيتغير انى هجيب سكاكين بس ؟؟ ولا هحتاج اغير مساعين ولا ورا ولا قدام ؟؟ و بالنسبة لماستر الفرامل ده هيبقى تبع الفلوس دى ولا مش هيحتاج يتغير؟؟

[egyptweed1]

ومعلشى يعنى ايه شمعدانين ؟؟

[kalmah]

بقولك يا Weed باشا
متيجي معانا يوم الجمعة اللي جاية الاوتوكروس عشان نتعرف عليك اولا و ثانيا نتكلم في الموضوع دة

[M_Nabil]

طيب يا باشا بعد اذنك انا تعبك معايا بس هو كدة ورا اللى هيتغير انى هجيب سكاكين بس ؟؟ ولا هحتاج اغير مساعين ولا ورا ولا قدام ؟؟ و بالنسبة لماستر الفرامل ده هيبقى تبع الفلوس دى ولا مش هيحتاج يتغير؟؟

ياباشا تحت أمرك أيوة في الخلف فقط هتجيب جانبين سكاكين بوايرات الهاند بالنسبة للمساعدين مافيش فرق كبير بينهم يعنى اللى عندك لو حالتهم كويسة تمشى بيهم عادى ماستر الفرامل مش تبع المبلغ اللى قولت لك عليه وأن كان زميلنا أبوالعريف معه ماستر جديد SiR ممكن تشوف هو طالب فيه كام لو عاوزه وشوف اذا كان يركب عندك ولا لأ، هو الأفضل يتغير لكن مش شرط أساسى أعرف ناس مسقطة وماشيه بالماستر العادى بتاع العربية أنما الطنابير قدام و ورا لازم عشان تعرف توقف العربية

ومعلشى يعنى ايه شمعدانين ؟؟

الشمعدان ده بيكون راكب عليه الطنابير وبلى العجل والتيل وكالبرات الفرامل وخراطيم الفرامل أنت بس لما تروح الحرفيين قولوا عاوز شمعدانين كاملين أمامى بتوع SiR بس أهم حاجه تكون حالتهم حلوة والطنابير مليانه والتيل يكون مليان لو الميكانيكى بتاعك يروح معك عشان يشوف بعينه ويختار يكون أحسن وطبعاً أنت هتأخدهم على التجربه قولوا لو طلع فيهم رافه ومش كويسين هرجعهم وأخذ غيرهم وبالتوفيق

[egyptweed1]

انا متشكر جدا لحضرتك وان شاء الله هبقى انزل الحرفين و اقول ايه اللى حصل و يا kalmah باشا ان شاء الله هاحاول اجى الأتو كروس بكره

[kalmah]

دة رقمي
0164769433
انا هبقيء هناك من 9 كدة عشان اللعب هيبتدي في الوقت دة