اسعار سيفيك 92-95

[xoxo]

انا معايا لانوس 2006 بس بحب جدا الهوندا وعايز ابيع الانوس واجيب سيفيك 93
ناوي على 1500 ex بس الخوف بس من قطع الغيار وخاصة ان انا من المنصوره
فمش معقوله كل لما احب اغير تيل الفرامل انزلو مخصوص الحرفيين
واخبار سعرها ايه اليومين دول ياريت لو حد متابع يقلي على اسعار الاتي:
1500 ex
1600 si
1600 sir

[M_Nabil]

طيب ليه أختارت Ex بالذات؟
هقول لك الأسعار للحالات النظيفة،
Ex من 38 - 40 ألف
Si مـن 45 - 48 ألف
SiR أصلية صعب جداً تلقيها، المعدلة لـ SiR من 45 - 55 ألف على حسب كمية الشغل اللى معمول فيها.

[xoxo]

شكرا اخ نابيل على الرد ............
الفكره في ex ان قطع غيارها ارخص
حبيت اسألك هيا قطع الغيار الاستهلاكية اسعارها عامله ايه
يعني انا مثلا جبت طلمبة المية للانوس عندي الاصلي ب 75 جنيه
وتيل الفرامل الاصلي امامي ب 45 جنيه واسطوانه ودسك كل واحد ب 150
طبعا اكيد السيفيك هتبقى اغلى بس مش اروح اجيب تيل فرامل ب600 جنيه يعني بتمن الفتيس في اللانوس
الفكره ان الواحد صعب يلاقي حالة منها كويسه ولو لقيت حالة بودي العربية كويس هلاقي المكنه والفتيس مفوتيين
وياريت لو حد من المنصوره يقولي بيجيب قطع الغيار منين ومتوفره ولا لأ

[M_Nabil]

تحت أمرك دى بعض أسعار قطع الغيار للـ Ex كانت موجودة في موضوع سابق هنا في القسم بالنسبة لتيل الفرامل الأمامى لو هتجيب الأصلى بيكون في حدود 400 جنية وفيه بديل ليه صناعات مختلفة في حدود 90 جنية تقريباً

[zrzr1]

قطع غيار السيفيك متوافره ف المنصوره جديد واستيراد ف الحسينيه ..

[koko2sue]

شكرا يا باشا على الأسعار

[xoxo]

شكرا على الردود

[kero25]

طيب وال sir الى هى كانت si ظروف قطع غيرها اى عشان قدامى وحدة بس عاوز فتيس يعمل كام واية عيوبها واجبيبوة منين وشكرا

[M_Nabil]

طيب وال sir الى هى كانت si ظروف قطع غيرها اى عشان قدامى وحدة بس عاوز فتيس يعمل كام واية عيوبها واجبيبوة منين وشكرا

قطع غيارها بتكون أغلى شوية ده بالنسبة لطقم الدبرياج وأجزاء العفشه والكبالن، لو العربية عاوزة فتيس SiR يبقى أبعد عنها أحسن وشوف واحدة حالة سليمة عشان الفتيس صعب تلقى لوحدة ونادر لو لقيت حد يفكهولك من على مكنه استيراد وعموماً حتى لو لقيته سعره مش هيقل عن 2500 جنية أو 3000 جنية.

[xoxo]

شكرا على الردود ......
انا لقيت عربية ex دواخلها سليمه بس عايزه مكنه الراجل طالب 35 الف وطبعا بما انها عايزه مكنه تبقى عايزه فتيس كمان المهم المكنه والفتيس اوتواماتك بتاع ex الي هوا 1500 عاملين كام ولازم انزل بور سعيد ولا ايه

[khaled_rafea]

يا باشا و عافشة يبقى بورسعيد علطول, المكنة كاملة بالعفشة قدام 1500 فى تك عاملة 3500 و ال 1600 الفى تك تعمل 4000, ممكن تجيب المكنة الاصلى الكاربيراتير 1500 بس دى مش فى تك, و الصراحة هى راكبة عندى و ضعيفة على العربية

[khaled_rafea]

المكنة ال 1500 الفى تك فى بورسعيد عاملة 3500 بالفتيس , قبل الفصال, و ممكن معاها عافشة امامى هدية كمان, و ال1600 تزيد 1000 كمان, الكاربيراتير الاصلى حتبقى ارخص من كده, بس منصحكش بيها, هى راكبه عندى و ضعيفة على العربية(اسف على تكرار المداخلة, بس الاولى مظهرتش عندى علطول)

[xoxo]

شكرا اخ خالد على الرد

[adelahmed007]

هى اسعار ex غير si ولو فى فرق ياريت نعرف اسعار si

[khaled_rafea]

الفرق فى حاجات الموتور (سير كاتينة مثلا) و الفرق مش كتير, العفشة الاستيراد نفس السعر تقريبا, الاختلاف بس فى العفشة الخلفية على سكاكين مش طنابير, لكن نفس الاسعار فى العافشة