سؤال لرجالة هوندا

[lord_samir]

معلش كنت عايز اسئل سؤال وياريت حد يجاوبنى عليه بالتفصيل
انا اسمع ان الهوندا سيفيك مصفحه من تحت
مصفحه ازاى؟
وايه فايدة التصفيح ده فى المطبات الغبيه بتاعت مصر
ولو اخدت مطب معتبر التصفيح ده هيحمى العربيه والا لا؟
وجزاكم الله كل خير

[SAMEH_FOUAD]

التصفيح بيحمى العربية من المطبات وخصوصا طلمبة الزيت لانها بتكون اسفل كارتيرة المحرك
ثانيا بيساعد على مرور الهواء اسفل السيارة بدون عائق لها اثناء سيرها وبالتالى تحسين السحب والتسارع واستهلاك الوقود
حماية الفتيس من الخبطات من المطبات المفاجئة او الصناعية

[Yones]

بجد ياجماعة اول مرة اعرف المعلومة دى
متشكر قوى ياشباب
بس هل ده بالنسبة لل Civic
الموديل الجديد 2010 ولا كل الموديلات؟؟

[omarse]

انا معايا 2009 vti و مصفحه من تحت
و ده فادني في موقف حصلي اول ما جبت السياره
كنت طالع من جراج الشركه و المطلع اعوذ بالله عالي بغباء و لما تطلع منه مش بتشوف الرصيف و الفكره ان الرصيف بلف فالمعندوش خبره في المطلع لازم يخبط في الرصيف

المهم انا بقى كنت طالع المطلع الغبي ده لاول مره و مش واخد خوانه فا طالع بسرعة و فجئه لقيت نفسي دب طخ و انا مش فاهم اه اللي حصل نزلت من السياره لقيت نفسي عديت الرصيف و في الحديقة اما الشركه طبعا كنت هعيط لان السياره ماكنتش لسه عملت 1000 كيلو بس الحمد لله محصلش حاجه خالص من تحت

[anasr]

al hamd lelah