اخيرا والحمد لله

[احمد عزت]

لحمد لله وبعد لف ودوران وفرجة لمدة 6 شهور ومعاناة فى عالم السيارات التى لا اكاد افهم فيها الاالقليل وبعد استشارة الاخوة الاعزاء
على هذا المنتدى احكى تجربتى حتى يستفيد منها كل من ينوى شراء سيارة جديدة حتى لايعانى مثل ما عانيت
قد تكون خطوة شراء سيارة جديدة تمثل معاناة شديدة ولكنها فى النهاية قد تكون بسيطة وحتى لا اطيل انا كانت مشكلتى انى كان معايا حوالى 150 الف ونفسى
اجيب سيارة محترمة تعيش وتستحمل معايا وتكون حمالة اسية ويكون توكيلها محترم مع الاعتبار ان قطع غيارها غالية لان بردك الفئة السعرية دة مش قليلة
وطبعا تكون مضمونة وحتى لو فكرت ابيع تتباع
اولا كانت العربيات كالاتى:
تويوتا كورولا 2008 اللى ما شفتش غير اليابانى منها وشكلها الخارجى ما عجبنيش اساسا
الهوندا سيفيك واللى كنت مبهور بيها ومازلت
المازدا 3 الجميلة
الفوكس برستيج اوى وفخامة
المتسوبيشى الانسر اللى من الجنب شبة سمكة القرش ....ما علينا
سوبارو امبريزا
اوكتافيا a4
دايهاتسوا تريوس دفع رباعى
بيجو 307 ستيشن فاضية
رينو ميجان
طبعا كل العربيات دة كانت على الورق وبعد اسئلة ومشاورات كتيرة كانت النتيجة الاولى
استبعاد الفرنسى لاعطالة الشكوك والظنون حولية غير كدة الرينو السنة الجاية هتتغير والبيجو 307 اخر سنة وبعد كدة هتنزل 308
السوبارو جامدة بس معجبنيش شكلها اوى وخاصتا انى كبير فى السن شوية وعايز برستيج مع حتة روشنة صغيرة
الاوكتافيا اخر سنة 2009 وشكلها خلاص قدم
دايهاتسو اركبها وانت تعرف انها من جوة غير عاطفية بناتى ممكن تمشى
الفوكس عربية امكانيات وثبات وشكلها بسيط حلو بس فى نقطتين الموتور المانى ما قولناش حاجةبس التسارع بتاعة الى حد ما مقبول بس طبعا مش وحش
غير كدة العربية على موقع فورد شكلها اتغير السنادى فقلقت ما استريحتش ليها الصراحة
المازدا 3 تحفة بجد من جوة وبرة بس قصة التوكيل الصراحة مقلقة جدا جدا بالنسبة لية....
واتفضل معايا 3 عربيات همة السيفيك والكورولا والانسر ودة كانت الخطوة الثالثة
وهية كانت محاولة انى اركب العربيات دة واشوفها ونزلت بالفعل التوكيلات
والصراحة الكلام غير الحقيقة
اولا استبعدت التويتا بالرغم من السمعة الطيبة والكلام اللى كلكم عارفينة بس الصراحة الشكل الخارجى انا حسيتة عادى جدا مش دة بردك اللى ننتظرة من تويتا
ركبت الانسر عجبتنى اوى من جوة وبرة وان كان الشكل الخارجة انحنائاتة زايدة حبتين تميل اكتر الى الشبابية بس لقيت حد معايا فى الشغل جايبها بس الصراحة ما عجبتنيش فى السواقة او مش زى ما كنت متخيل
واخيرا ركبت السيفيك فى المعرض وانبهرت بشدة بالعربية بالرغم ان الجنب بتاع الكاسيت وبكر التكيف شكلة قديم شوية بس بردك شكل العدادات ووضع الكراسى ووسع العربية يعوض دة
وكمان قدرت انى الاقى حد معاة العربية اسوقها واجربها وفعلا كان انبهارى فى محلة والحمد لله انا نويت عليها واستقريت عليها ورايح احجزها يوم 15 /1 والاستلام فى اول 4 والسعر 140 الف...بس فى النهاية عايز اقول حاجة عن السيفيك
لما تكون عربية يابانى بالكامل شكل جديد ومواكب لمدة 5 سنين قدام الشكل على الاقل ثابت لمدة سنتين او 3 ممكن يزودولها جنوط يعدلو تعديلات بسيطة مش اكتر واسعة من جوة بطريقة مبالغ فيها
فخمة وشبابة فى نفس الوقت قطغ غيارها يعنى على الاقل احن من الاوربى
استهلاك بنزين كويس ولما تفكر تبيع تبيع بسهولة ومعمرة اوى
وعفشتها وتعليق العجلات قوى جدا بتستحمل اما عن موضوع انها واطية وانهم بيخوفوا الناس بدة
اولا العربية مصفحة تانى حاجة انا سقتها ومشيت بيها على يجى 100 مطب ما حكتش فى ولا مطب وكنا 4 فى العربية بس طبعا باخد المطب براحة
غير كدة والاهم انهم مش بيهزروا اللى مصنعين العربية وعلى فكرة الموديل دة نسبة الخلوص عن الارض اعلى من كل الوديلات السابقة...واخيرا اسألكم الدعاء الى بالتوفيق وان يكفينا الله شرها واوعدكم بعد استلامها ان شاء الله ابلغكم بكل حاجة ...اسف للاطالة اخوكم فى الله

[fahd_628]

اختيار موفق يا باشا و السيفيك عربية ممتازة جدا بشهادة كل الناس و الف الف مبروووووووووك مقدما بس عارف لو كانو يزودو شوية كماليات فيها كدة تبقى عربية ملهاش حل حتى و لو يعلو السعر يعنى يعملو موديل فية كماليات عالية و بسعر عالى شوية و صدقتى حتنتشر جامد جدا جدا بس ما شاء الله العربية تستاهل و الف مبروووووووووووووووووك كمان مرة

[Chicco]

ألف مبروك يا باشا و إختيار موفق إن شاء الله
في إنتظار الإستلام و التقييم :)

[أبو عبدالله]

ربنا يباركلك ان شاء الله واختيار طبعا موفق وانا لو مكانك كنت هعمل كده لن العربيه قاعدتها بيدفع لها فلوس بجد والله

وربنا يباركلك ان شاء الله وانصحك بكثرة الاستخارة ليكون لك الخير

[mohamed ibiza]

Rbna Ywf2k Ya Basha Bs Fi 7agat Tanya Fi Al S3r Dh 150 Alf Mmkn Trkbk German 3ndk Seat Toledo W Altea W Leon W Toledo A3tkd Anha Mmkn Tlbilk Tlbatk W Ll 3lm S3rha Nzl Mn 148 L 136 3shan Isa B3d 3na2 M3 7komtna Al 3rbyat Btnzl 3shan 2orb Ttbi2 Al Gatt Ana 3ndi Tgrba Gamda M3 Shrkt Seat W Toledo 1600 Motor Mpi 72n Mt3dd Al Nekat 102 Hp Kamleen Bnzin 92 Kbira Awe Msh Bt7k Fi Al Mtbat Stability Mn Alli 2lbk Y7bo Shkl Mmiz Gedan L2nha Msh Mntshra L2n Alli Nzl Mnha T2dr T3do 3la Swab3k Hia Nfs Al Motor W Al Chasis W Al 3fsha W Al Gear Box Alli Fi Golf W Audi A4 W Audi A3 W Jetta W Skoda A4 W A5 Ana Arsh7lk Al 3rbya Di 3n Tgrba M3 Shrkt Seat W 7awel Ank Tro7 W Tshof A3tkd Anha Ht3gbk




Ibiiiiiiiiiiizzzzzzzzzzzzzzzzzzzzaaaaaaaaaaaaaaaaa aaaaaaaaa For Ever

[omar_megane]

الف مبروك وده احسن اختيار
انا برده كنت فى نفس حيرتك والحمدلله اشتريت السيفيك ولو رجعت بالزمن ماكنتش حاجيب غيرها
وبصراحة العربية لسة بتبهرنى كل يوم وكل يوم بيزيد اعجابى بيها.انا عن نفسى كنت بقارنها بالميجان (اللى بحبها جدا بس الناس خوفتنى لما قالوا حاجات غريبة بتحصل وده غير الresale value )والاوكتافيا اللى بصراحة مش حاسس انها تستاهل تمنها ودى اراء ده غير ان اول فئة المانويل ب150 دلوقتى على ما اعتقد.
المهم الف مبروك وان شاء الله تستلمها وتعجب بيها

[hazem_khidr]

الف الف مبروك و ربنا يزيدك.
اول ما ركبت السيفيك كنت في الامارات سنه 2006 و كان انطباعي عنها انها احلي عربيه متوسطه ركبتها في حياتي!!!!!!!!

[MoToRiZeR]

انا و انا بقرا الموضوع و الله كنت بقول يا ريت يكون جاب السيفيك او الامبريزا !
قبل ما اخد بالي ان الموضوع في منتدي هوندا

الف مبروك علي العربية و انشاء الله تستمتع بيها

[tutankhamoun]

أختيار موفق جدا
و يكفي أنها هوندا
ألف مبروك يا باشا و عقبال الإستلام و إن شاء الله تكون فتحة خير عليك
:)
:)
:)
:)

[TAG_Turbo0]

أختيار موفق ان شاء الله
وربنا يكملك على خير

[اسلام المصرى]

ألف مبروك يا أستاذ أحمد :) ربنا يباركلك فيها و يعطيك خيرها و يبعد عنك شرها.
ان شاء الله أختيار موفق :)

[Eng.Osama.Afifi]

إختيار موفق جدا جدا جدا جدا جدا !!

لو كنت مكانك ماكنتش حتردد أبدا !!

وربنا يباركلك فيها ويكفيك شرها ويديك خيرها !!

[Hisham_ElFeky]

نحن السابقون وانتم اللاحقون ان شاء الله
الف مبروك مقدما وربنا يباركلك فيها ويكفيك شرها

[marsguy]

السلام عليكم ورحمة الله وبركاته،،،

ألف مبروك مقدما على العربيه وربنا يباركلك فيها إن شاء الله.

أنا عاوز أقولك خبر حلو، في واحد صاحبي غاوي هوندا من زمان، وكان معاه هوندا 92 و94 وهو بيقول إن هوندا 2007 أحسن بكتير من الهوندا القديمه في موضوع الإرتفاع عن الأرض والمطبات.

هو ما إشتكاش من الهوندا 2007 خالص، مع العلم إن هو إستلم العربيه مع أول دفعة سيفيك 2007 في مصر.

[الريس]

عربية ممتازة طبعا و اختيار صحيح
ربنا يباركلك فيها