اخيرا بقيت هونداوى

[kero25]

الحمد لله جبت هوندا هاتشباك 93 اتوماتيك ex حالتها كويسة
المهم انا اقول مجبتها نزلت جبتلها جنبين للعفشة عشان كانت مش حلوة بس هى عاوزة شوية تظبيت وعاوزة علبة دركسيون اخدت المكانيكى بعد مفكها ونزلنا الحرفيين ملقناش حاجة نظيفة خالص قلبنا الدنيا وبيتكلموا فى 1300 او اكتر انا مش عارف الكلام كدا صح واجبها منين مضمونة ونظيفة وطبعا شكر خاص للباشمهندس M_Nabil والباشمهندس mshamy لانهم سعدونى كتير اوى اوى بس مش هى دية العربية الى كلمت حضرتكم عليها دية وحدة تانية بس هحتجلكم كتير بقى الفترة الى جية استحملونى لانى جديد فى الهوندا ومش اوى فى العربيات بس العربية مرفوعة عند المكانيكى دلوقتى لانى مش لاقى العلبة نظيفة خالص اعمل اية ؟؟؟

[Amr81]

Congratualtions

[kero25]

thanks 4 u

[Horsepower]

ألف مبروك أولا, ربنا يديك خيرها و يكفيك شرها.
شوف أستاذ مجدي الدسوقي في الحرفيين مدينة السلام,
تليفونه 0123406486

[mshamy]

الف مبروك وربنا يديلك خيرها ويكفيك شرها و شر طريقك
اقترح فعلا زي ماقلك الزميل احمد سامي انك تكلم مجدي الدسوقي لانه مكن يوفرعليك مشوار بورسعيد
لو مفيش امل في القاهرة يبقى حضرتك تشرفنا في بورسعيد يوم من اوله ونجيبلك كل اللي انت عايزه

[kero25]

الف شكر لحضرتك وفعلا انا ناوى اعمل كدا ولو ملقتش عندوة هكلم حضرتك

[kalmah]

انتا جبت الجنبين خلاص؟ انتا لو كنت جبت العفشة كلها بعلبة الدركسيون كانت عتقف عليك ارخص
هوا فعلا زي ما الاستاذ محمد قال مجدي الدسوقي ممكن يجبلك حاجة كويسة بس هوا سعرها عموما ما بين 900-110
هوا انتا بتتعامل مع انهي ميكانيكي؟
دة رقمي كلمني اي وقت لو عاوز تسال علي اية حاجة و الف مبروك و اهلا بيك في عيلة الهوندا

[kero25]

اولا الله يبارك فيك المهم انا روحت اجيب العلبة بتاعت الدركسيون من عند مجدى الدسوقى قالى انا لسة مطلع اخر وحدة والى عندى تيوانى المهم انا جبتها من عند واحد اسموة ابو قصة على ما اعتقد ب 1100 بلعفية بس ركبتها ولسة مرجبتهاش وجبت سيور كاملة وفلاتير وبجهات من عند توشكى المهم وانا جين نركب سير الكاتينة لقيت موصيبة ومش عارف اعمل اية بجد مش عارف المسمار الى رابت الكرنك مع الترس الى بيتحت فية السيور بايز والكرتيرة جايبة زيت من تحت على ماعتقد المهم بقول للمكانيكى ودة مكانيكى عادى مش متخصص هوندا بس بتعامل معاة من زمانننن قلى انتى عاوز نص ماتور تحتانى انا صعقت وقلتلوة سيب العربية كدا ورحت ومش عارف اعمل اية بجد حسبنا الله ونعما الوكيل فى بعلى العربية مقليش على كل ده اغير الماتور كلة ولا نص الماتور ولا استنى وامشى بيها كدا لحد ميفرق المسمار ده وابقى اشوف
انا صارف عليها حوالى 3500 ولسة مركبتهاش فى يومين بس ولسه مركبتهاش معى العلم انها عاوزة سمكرة وبوية وشيت تظبيت فى الصالون زهقان اخر حاجة واللهى اسف طولت عليكوا

[viper911s]

طبعا هو حسبى اللة ونعم الوكيل لكن مش محتاجة يأس بص انا مش خبرة اوى فى الهوندا
بس عاشق ليها وللموديل دة تحديدا
رئى شخصى وتوركامل افضل حل هتوفر معاك نسبيا خصوصا المصنعيات علشان فى العمرة الصنايعية بيغالو اوى لكن موتور كامل هيبقا شغلة فك وتركيب (شيل وحط )
وبردو الاخوة هنا هيساعدوك اكيد
عقبالى

[kalmah]

ابو قصة حاجتهم كويسة بس سعرهم و تعاملهم زفت
وبالنسبة للترس دة اسمة اية؟
عشان انا بردة اول ماجبت العربية كانت السيور كلها بتتفك معدا الكاتينة طبعا
فلما رحت لواحد غيرلي طنبورة في المنطقة بتاعت سير الكاتينة كدة وبعديها الدنيا زبطت الحمدلله
و نصحية مني خلييييييك مع حد بتاع هوندا متخصص

[kero25]

انا روحت للمكانيكى بتاع هوندا انهردة اسموة محمد هوندا فى الحدائق المهم قلى انت عايز بلوك كامل عشان المسمار دة الى ماسك الكرنك بايز ولازم تغيرالبلوك كلة والترس ده الى ماسك سير الكاتينة واللهى ناسى اسموة
او تجيب ماتور بس الماتور كويس مفهوش مشاكل والعربية انا لما جبتها مشاء الله كنت راجع بيها بجربها ومقرصتش ماشية 150 ولسة فيها فمش عارف اعمل اية اجيب بلوك ولا ماتور بس الميزانية خرمت خالصصصص :(

[kero25]

طبعا هو حسبى اللة ونعم الوكيل لكن مش محتاجة يأس بص انا مش خبرة اوى فى الهوندا
بس عاشق ليها وللموديل دة تحديدا
رئى شخصى وتوركامل افضل حل هتوفر معاك نسبيا خصوصا المصنعيات علشان فى العمرة الصنايعية بيغالو اوى لكن موتور كامل هيبقا شغلة فك وتركيب (شيل وحط )
وبردو الاخوة هنا هيساعدوك اكيد
عقبالى

عقبالك وربنا يديك احسن منها

[M_Nabil]

ألف مبروك ولا يهمك كل حاجه تتصلح طيب أنت سئلت على البلوكة سعرها كام وموجودة ولا لأ؟

[kero25]

الله يبارك فيك ياباشمهندس هى موجودة فى حدود 1300 من غير الجونات وخلافوة بس رقم الماتور هيتغير وانا لسة مرخص !!!!

[kalmah]

ماتجرب تعدي علي رفعت اللي في الحرفين ادام توشكي و منير اللي في بلوك 8؟
اسال بردة مش هتاخسر حاجة يمكن تلاقي حد معلومة زيادة تزبط بيها الدنيا عندك