حاجز السيفيك وعندى مشكلة

[احمد عزت]

طبعا ان شاء الله ربنا ما يجيب مشاكل بس فعلا عندى حاجة قلقانى انا طول عمرى ما فكرت انى اعلم ولادى السواقة لانى بصراحة كنت بخاف عليهم وكمان بخاف على العربية الصراحة ودلوقتى وبعد ما ابنى احمد اللى انا بتكلم اساسا من النيك نيم بتاعة بقى ماشاء الله عندة عشرين سنة وللاسف مش بيعرف يسوق خالص وملوش اى تجربة فى السواقة.....وانا دلوقتى ان شاء الله هجيب سيفيك جديدة....وبصراحة عايز بردك ابقى اديهالة واعوضة عن اللى فات بس مش عارف هل لو اتعلم فى مركز سواقة نضيف لمدة اسبوعين تلاتة وبعد كدة خليتوة يمشى بالعربية شوية شوية فى مكان السكن بتاعنا فى زايد والشوارع حولينا فاضية جدا وشوية شوية يتعود ولا لازم قصة ان اشتريلة عربية مستعملة يخبط فيها مع العلم انى شايف التجربة دة فاشلة جدا لان اقل عربية 128 ممكن تمشى فى مصر لاتقل عن 25 الف وطبعا كل اسبوع لازم زيارة للميكانيكى.........ارجو ردكم على الاقل الواحد يتصرف ازاى لحد ال3 شهور بتوع الاستلام ما يعدوا خاصة وانى محتاجة بعد كدة علشان يريحنى الصراحة من السواقة فى مصر.....
دكتور عزت

[محمد عز]

هاتله عربية 127 او سيات قديمه صغيرة يتعلم عليها احسن
لان الغلطة مع العربيات الجديدة وخصوصا انها عربيات بتغرى اللى سايقها بالسرعه وما بالك بالسيفيك على طول بتكلفة عالية جدا فى التصليح
هاتله عربية ب 10 تلاف يتعلم عليها وبعد 3 شهور لما يبقى سواق كويس وتستلم العربيه خليه يسوق السيفيك وربنا يحفظه ويحفظك من كل سوء

[fahd_628]

بص يا باشا انا رأى انك عارف ابنك اكتر مننا اذا كان حريص و عاقل و غير متهور و بيتحمل مسؤلية العربية يبقى استنى السيفيك و ابقى علمة عليها اصل هية اوتوماتيك و سهلة القيادة المشكلة فى الزوايا و هوة واحدة واحدة و بالراحلة حيتعود و لازم هوة يكون عاوز يتعلم السواقة و ياريت فى الأول تقولة ازاى يسوق و توريلة انت و تقولة شايف كذا و كذا و خد بالك من كذا و بعدين روحو فى حتة فاضية خالص و خلية يطلع و يرجع و يلف بالعربية كذا مرة لمدة 3 ايام كدة و بعدين خدة فى الشوارع تحت البيت و طبعا تكون جمبة و ياريت متوتروش و هوة سايق يعنى متقولوش حاسسسسسسسسسسب مرة واحدة او خد بالك بصوت عالى و كدة خلية هوة يتولى الأمور و لو فية اى ملاحظة ياريت تبقى بالراحة و بهدؤ و واحدة واحدة بعد ما يكون خلاص عارف الزوايا و قادر يسوق على الطريق تطلع معاة فى شوارع ضيقة يعنى حارة واحدة ( زى الترام عندنا فى الأسكندرية ) و تعودة انة يبص فى المرايات و ازاى يظبطها و واحدة واحدة تخلية يخش فى مناطق زحمة و بتمشى بالراحة و تخلية يسوق و برضة و انت جمبة و بعدين تبدأ بقى تقولة لما تتأكد انة خلاص بيسوق كويسة انزل مثلا اركنلى العربية فى الحتة دية او غيرلى مكانها او لفها و كدة و يكون لواحدة و انت متبقاش جمبة اقصد انك تبقى مثلا واقف على الرصيف و تشوف حيتصرف ازاىو بعدين تبدأ تخلية يمشى فى طرق سريعة شوية ( مش قصدى الصحراوى لأ فى مناطق السرعة فيها كويسة مش بطيئة ) زى البحر عندنا فى الأسكندرية و تبقى جمبة و تقولة ازاى يمشى فى حارتة و ازاى يغير الحارة و لازم يدى اشارة و الكلام دة و يبص كويس فى المرايات و تفضل معاة كام يوم كدة و بعد ما تتأكد انة خلاص بيسوق كويس ابقى سيبة بقى هوة حيتعود لواحدة على الطريق و الكلام دة و لو انت خايف على السيفيك و دة طبعا حقك :) تشتريلة مثلا 127 فى الأول حالتها جيدة و بعدين تبقى تبيعها و الميزة فى الحكاية دية انك مش حتخسر فيها يعنى لو اشتريتها ب 17 حتبيعها ب 17 برضة او 16 و بلاش مثلا 128 حتكون اغلى و ال127 عربية كويسة يعنى معقولة

و فى النهاية دة رأى الشخصى و ممكن يكون لحد تانى رأى اخر و شكرا

[شاهين - بنز]

لو حتديله السيفيك لازم تأمن عليها أول سنة على الأقل لإنه مهما إتعلم كويس حيكون ناقصه موضوع الخبره إللي مبتجيش بالتعلم وربنا يسلم العربية من الخبطات لكن برضه الإحتياط واجب
ونصيحة علمه السواقة بنفسك

[احمد عزت]

ممكن

طيب ممكن اخلية يروح مركز تعليم سواقة يعلموة هناك على السواقة والركن والمرايات والشوارع والكلام دة ولما يجى يركب السيفيك اكيد هتبقى العملية اسهل مجرد تعود على الابعاد مش اكتر وهوة الحمد لله عاقل ملوش فى الشد والكلام دة بس فعلا بجد قصة العربيات المستعملة دة انا متعقد منها وكمان مش عايز او لما يتعلم سواقة يكرها على العربيات دة وكمان فى مركز تعليم السواقة هيتعلم على 128 وكمان الواحد ممكن يأمن فعلا على العربية وربنا يستر.....انا عارف انى واجع دماغكم بس اعمل اة اخوكم ومحتاجلكم

[boty50]

عزيزي

مريت بنفس تجربتك ولكن اصعب لأن اللي كان في مكان ابنك هو بنتي
اشتريت اوبترا 2006 وخلصت اقساطها بالكويت ونزلتها الصيف اللي فات
طبعا معظم الأباء لاينفعوا يعلموا ابناءهم السواقة لخوفهم الزائد عليهم

علشان كدة دخلتها مدرسة تعليم سواقة علي عربياتهم حسب نصيحتهم لي
واتدربت والحمد للة كويس وابتدت تسوق كويس والحمد للة وانشاء اللة
ابنتي الوسطي اتبعت نفس الأسلوب معاها

وللعلم المشكلة الأساسية للمبتدئين في السواقة هي دوسة الدبرياج ونقل
الفيتيس مع التركيز في السواقة بنفس الوقت ، ودة انت استريحت منة
في النقل الأوتوماتيك.

علشان كدة انصحك بالمدرسة لغاية ماتستلم العربية

وارجو انك اول حاجة تقولها لية النصائح التالية:
1- اي كورة لازم يكون وراها طفل!!!
2- اي خشبة في الشارع فيها مسمار!!!
3- اي واحد واقف في وسط الشارع ممكن يعدي!!!
4- لاتدخل في معاندة مع سائق ميكروباص!!!
5- شغل الأضاءة المنخفضة او الفوج افضل ليلا" حتي لو اتشتمت!!!
تخلي الناس اللي مكبرة دماغها تشوفك في الملفات ودخلات الشوارع

وربنا يسترها معاهم كلهم

[oshy]

سيدى الفاضل صاحب الموضوع
أولا :- مبروك على السياره و ربنا يديك خيرها و يبعد عنك شرها
ندخل بقى فى الموضوع
علمه السواقه بنفسك على السيفيك فى أى منطقه واسعه و فاضيه بالطريقه اللى هقولك عليها
فضى نفسك ساعتين فى اليوم لمده يومين
هات عوائق على قد ما تقدر ( أقماع صغيره أو كبيره اللى بيحطوها فى تدريبات الكوره أو أزايز ميه بلاستيك مليانه أى حاجه تبقى ثابته على الأرض و متضرش العربيه لو خبطت فيها أو داست عليها ) و خليه يعدى ما بينها بطريقة الزجزاج
هات نفس العائق اللى استخدمته و اعمل بيه مكان للركن و خليه يركن فيه بضهر العربيه ( بواسطة المرايات متخليهوش يبص ورا )
اعمل حرف S بواسطه استخدام نفس العوائق و خليه يروح عادى و يرجع بضهره ( برضه بالمرايات ) و كرر الموضوع ده كتير لحد ما تحس انه بقى بيلعب بالعربيه و بعدين اعمله حرف M و كرر الموضوع ( يروح بوشه و يرجع بضهره ) و بعدين خليه يلف بيك بين العمارات اللى جنب البيت فى وقت يكون فيه الشارع فاضى و بعدين اطلع معاه على طريق عادى و متخليهوش يجرى و اتفرج على تحكمه فى العربيه مع العلم انك تقوله سيب مسافه بينك و بين اللى قدامك و تعرفه كيفية استخدام الاشارات مثلا قبل ما يلف يدى اشاره بمسافه كافيه و قبل ما يركن يشغل الانتظار و الحاجات دى
بعد اليومين
مبروك
ابنك بقى أستاذ سواقه و هيسوق أحسن منك و هتنبهر فى تحكمه الرائع بالعربيه
و هتديله العربيه و أنت مطمن عليه و على العربيه

[marsguy]

1- اي كورة لازم يكون وراها طفل!!!
2- اي خشبة في الشارع فيها مسمار!!!
3- اي واحد واقف في وسط الشارع ممكن يعدي!!!
4- لاتدخل في معاندة مع سائق ميكروباص!!!
5- شغل الأضاءة المنخفضة او الفوج افضل ليلا" حتي لو اتشتمت!!!
تخلي الناس اللي مكبرة دماغها تشوفك في الملفات ودخلات الشوارع

نصائح مهمه جدا

شكرا

[Karim_Monir]

الشوار بتاعتنا غير مامونة العواقب
الافضل تجيبلة حتة صغير مهما كانت حتى ولو سيات
تخليه يعرف قيمة العربية ويعرف اساسيات المكانيكا مش اول ما يسوق يسوق سيفك زيرو
في حاجات في شوارعنا لازم تكوزن متمرس سواقة عشان تتطلع منها وابعاد السيفك صعبة قوي وبكرة تشوف
وانا اللي بسوق من سنين طويلة لما قعدت فيها قلقت منها
الافضل تجيبله حاجة صغير يخبط فيها وتخبط فيها
لان التعويرة في السيفك هاتوجع
حتى ولو التامين عملهالك هاتؤبقي معيوبة ومخبوطة ومرشوشة قبل كدة
ربنا يسترها معاك ومعاه

[cpt_shawky]

هاتله ماروتى جديدة

36 الف

[hazem_khidr]

سيدى الفاضل صاحب الموضوع
أولا :- مبروك على السياره و ربنا يديك خيرها و يبعد عنك شرها
ندخل بقى فى الموضوع
علمه السواقه بنفسك على السيفيك فى أى منطقه واسعه و فاضيه بالطريقه اللى هقولك عليها
فضى نفسك ساعتين فى اليوم لمده يومين
هات عوائق على قد ما تقدر ( أقماع صغيره أو كبيره اللى بيحطوها فى تدريبات الكوره أو أزايز ميه بلاستيك مليانه أى حاجه تبقى ثابته على الأرض و متضرش العربيه لو خبطت فيها أو داست عليها ) و خليه يعدى ما بينها بطريقة الزجزاج
هات نفس العائق اللى استخدمته و اعمل بيه مكان للركن و خليه يركن فيه بضهر العربيه ( بواسطة المرايات متخليهوش يبص ورا )
اعمل حرف S بواسطه استخدام نفس العوائق و خليه يروح عادى و يرجع بضهره ( برضه بالمرايات ) و كرر الموضوع ده كتير لحد ما تحس انه بقى بيلعب بالعربيه و بعدين اعمله حرف M و كرر الموضوع ( يروح بوشه و يرجع بضهره ) و بعدين خليه يلف بيك بين العمارات اللى جنب البيت فى وقت يكون فيه الشارع فاضى و بعدين اطلع معاه على طريق عادى و متخليهوش يجرى و اتفرج على تحكمه فى العربيه مع العلم انك تقوله سيب مسافه بينك و بين اللى قدامك و تعرفه كيفية استخدام الاشارات مثلا قبل ما يلف يدى اشاره بمسافه كافيه و قبل ما يركن يشغل الانتظار و الحاجات دى
بعد اليومين
مبروك
ابنك بقى أستاذ سواقه و هيسوق أحسن منك و هتنبهر فى تحكمه الرائع بالعربيه
و هتديله العربيه و أنت مطمن عليه و على العربيه

ايه يا اوشي الكلام الجامد دا:) و الله انا استفدت منه كتير شكرا ليك

[oshy]

ايه يا اوشي الكلام الجامد دا:) و الله انا استفدت منه كتير شكرا ليك

و الله يا حزومه أنا فرحان أخر حاجه ان كلامى عجبك :):):)
يا باشا احنا نطول نفيدك كفايه انك قرأت كلامى و علقت عليه ده عندى بالدنيا :):):)

[mohamed ibiza]

wallahi ya regala ana walde 3lmni wla ibiza 94 mn moda 3 4 senin keda kant ndefa mfihash 7aga ayn3m dlw2ti mbhdla aked nas shaftha 3la albom syarat al a3da2 w ana nfsi at5btt mni mara bs 5bta bseta al civic al gdida htkfk fi tsli7ha gamed lw 7sl feha 7aga a3tkd an 3rbya s3'ira keda 7ala 7elwa y5bt feha bra7to mttklfsh 7aga tb2a kwisa













IBIIIIIIIIIIIIIIIIIIIIIIIIIIIIIIIIIIZZZZZZZZZZZZZZ ZZZZZAAAAAAAAAAAAAAAAAAAAAAA FOR EVER

[hazem_khidr]

و الله يا حزومه أنا فرحان أخر حاجه ان كلامى عجبك :):):)
يا باشا احنا نطول نفيدك كفايه انك قرأت كلامى و علقت عليه ده عندى بالدنيا :):):)

ازي يا حبي عيب عليك
انا بقولك من زمان انك بتفكرني بشبابي بجد ربنا يسترها معاك :)

[oshy]

ربنا يخليك يا حبيبى و يسترها معانا كلنا