أريد معلومات عن سيفك 1998

[eslam0071]

لو سمحت عايز أعرف هو فرامل السيفك ال 98 قويه وكان فيه نظام ال abs ده ولا ساعتها ماكنش في والعربيه عامتا حلوة ولا ايه ؟

[M_Nabil]

الفرامل بتاعتها كويسة بالنسبة للمواتير اللى عليها، ونظام الـ ABS موجود فقط في الـ SiR الاصلية للموديل ده

[SAMEH_FOUAD]

معلش انا بس عايز اوضح حاجة ياستاذ نبيل
نظام الabs موجود فى موديلات العربية دية حتى لو مش sir لانهم بصراحة فى الخارج عندهم انظمة السلامة اهم
وعندى فيديوهات موجودة للسيارة العادية وفيها abs ,ebd,2air bag

[M_Nabil]

معلش انا بس عايز اوضح حاجة ياستاذ نبيل
نظام الabs موجود فى موديلات العربية دية حتى لو مش sir لانهم بصراحة فى الخارج عندهم انظمة السلامة اهم
وعندى فيديوهات موجودة للسيارة العادية وفيها abs ,ebd,2air bag

هو حتى في الخارج الموديلات دى مش بتنزل كلها بنظام ABS بصفة اساسية بعضها فقط، لكن انا كنت بقصد الفئات اللى كانت بتنزل في التوكيل هنا أيامها اللى هيه SiR , Vti , Exi , Lxi مافيش غير الـ SiR اللى فيها النظام ده

[SAMEH_FOUAD]

بس على فكرة ياباشا الفطيم اصلا مابيجيبش الsir مصر انت العربية دية تجيبها من الخارج
ومعاك حق ان مش كل الموديلات نازلة فيها abs بس انا كنت شايف حضرتك كاتب ان مافيش Abs غير فى الsir فحبيت بس اناقشك فى الجزئية دية

[M_Nabil]

أعتقد موديل سنة 96 نزل منه SiR تبع التوكيل لكن برضه مش متأكد عشان أيامها كنت خارج مصر

[SAMEH_FOUAD]

مافيش sir نزلت تبع الفطيم ,او حتى typr r الحالية بردة مابتنزلش
لانة عارف ان مافيش حد هايشتريها بسبب قطع غيارها الغالية جدا جدا وثمنها اللى هايعدى ال400 الف دة غير استهلاك الوقود ,وماتورها 2000 سى سى وانت طالع

[mshamy]

معلش يا سمسم اسمحلي اختلف معاك
التوكيل وقتها -1996-كان مع ابوغالي على ما اتذكر
وعدد العربيات ال SiR اللي اتباعوا من التوكيل كانوا في حدود 10-15 عربية بالكتير و المعلومة دي انا واخدها من كبير مهندسي الصيانة بعد انتقال التوكيل للفطيم حتى هو كان فاكر منهم 3 اصدقاء كانوا شاريين 3 عربيات مع بعض بالإضافة الى سمية الألفي و كانت عربيتها حمراء اللون
والدليل على كده انه ايام ما كنت بادور على واحدة اوريجينال كنت طبعا باشوف ارقام الشاسيهات و فعلا كانت الأرقام متسلسلة

مافيش sir نزلت تبع الفطيم ,او حتى typr r الحالية بردة مابتنزلش
لانة عارف ان مافيش حد هايشتريها بسبب قطع غيارها الغالية جدا جدا وثمنها اللى هايعدى ال400 الف دة غير استهلاك الوقود ,وماتورها 2000 سى سى وانت طالع

[SAMEH_FOUAD]

معلش يا سمسم اسمحلي اختلف معاك
التوكيل وقتها -1996-كان مع ابوغالي على ما اتذكر
وعدد العربيات ال SiR اللي اتباعوا من التوكيل كانوا في حدود 10-15 عربية بالكتير و المعلومة دي انا واخدها من كبير مهندسي الصيانة بعد انتقال التوكيل للفطيم حتى هو كان فاكر منهم 3 اصدقاء كانوا شاريين 3 عربيات مع بعض بالإضافة الى سمية الألفي و كانت عربيتها حمراء اللون
والدليل على كده انه ايام ما كنت بادور على واحدة اوريجينال كنت طبعا باشوف ارقام الشاسيهات و فعلا كانت الأرقام متسلسلة

سيبك من اى حاجة نورت ياباشا قسم هوندا واكيد طبعا الباسات خدتك مننا ربنا يباركلك فيها يارب

انا اتكلمت على الفطيم مش ابو غالى وبعدين انا كلمت التوكيل عشان اسأل عن قطع غيار ليا وكنت هاروح اعملها عندهم الكلام اللى اتقالى من المهندس الى هناك "احنا مش بنشتغل فى الsir لانها مش نازلة تبعنا واحنا مابنجيبهاش "
اية رأى حضرتك بقى وبعد كدة رجع فى كلامة وقالى روح توكيل اللى فى طريق التجمع الخامس عند الدائرى وقالى يمكن يشتغلوا فيها بس خلى بالك عشان قطع غيارها هتبقى غالية جدا
ودة كان الفطيم

[mshamy]

يا باشا الهوندا منورها برجالتها دايما

شوف ياسيدي
الكلام اللي انا كتبته فوق ده حصل سنة 2002 ايام ما كان التوكيل في طريق النصر..و المهندس لسة موجود و اعتقد انه كان اسمه احمد و هو حاليا على ما اعتقد كبير مهندسي الصيانة..
بالنسبة للصيانة أنا كنت رحت للتوكيل من سنتين بال SiR و قبلوها عادي و كشفوا عليها و عملوا اللازم و محدش جاب سيرة انهم مش مسؤلين عن العربية

سيبك من اى حاجة نورت ياباشا قسم هوندا واكيد طبعا الباسات خدتك مننا ربنا يباركلك فيها يارب

انا اتكلمت على الفطيم مش ابو غالى وبعدين انا كلمت التوكيل عشان اسأل عن قطع غيار ليا وكنت هاروح اعملها عندهم الكلام اللى اتقالى من المهندس الى هناك "احنا مش بنشتغل فى الsir لانها مش نازلة تبعنا واحنا مابنجيبهاش "
اية رأى حضرتك بقى وبعد كدة رجع فى كلامة وقالى روح توكيل اللى فى طريق التجمع الخامس عند الدائرى وقالى يمكن يشتغلوا فيها بس خلى بالك عشان قطع غيارها هتبقى غالية جدا
ودة كان الفطيم

[SAMEH_FOUAD]

والله ياباشا دة اللى اتقالى ,فى مركز صيانة اللى فى ميت عقبة جنب نادى الزمالك