محتاج استشاره فى شراء سيفيك 93 si

[adelahmed007]

قدامى سيفيك 93 si بموتور sir 170 حصان محتاجه كوبلن وجلد مقصات وشويه صيانه بس حالتها العامه معقوله ب 47000 جنيه .. ياترى السعر ده معقول ؟ وهل تغيير الموتور ده ف صالحها ولا يعيبها ؟ .......ارجو الرد والف شكر لجميع الاعضاء

[M_Nabil]

أكشف عليها كويس جداً والسعر ممكن ينزل شوية

[SAMEH_FOUAD]

-اول حاجة اتاكد من الكنترول انة بتاع الsir
-اتاكد من حالة الشاسية
-اتاكد من حالة الماتور واعملة اختبار كبس
-شوف شغل تسقيط الماتور معمول كويس ولا اى كلام
-اتاكد من لمبة الاعطال وانها مش منورة على طول لان اغلب اللى بيسقطوا مواتير اللمبة بتنور عندهم على طول
-الحالة الداخلية للصالون
-اتاكد ان العفشة بتاعة الsir
-شوف التكيف والكباس هل شغالين بكفاءة ولا لأ
-شوف الشكمان هل بتاع الsir ولا بتاع الsi لانة تمنة لوحدة 1000 جنية او اقل شوية
-شوف علبة الدركسيون لانها غالية جدا ,وتمنها 1200 استيراد و4200 جديدة
-اتاكد من نظام الفرامل والطنابير والسيرفو
-لو السيارة مانيوال ومكتوب على الماتور من فوق غطاء التاكيهات كلمة honda اصغر من كلمة vtech يبقى دة ماتور الb16a الجديد
او تم صنعة مابعد سنة 92 وبيخرج قوة 170 حسب الكنترول اللى فية
ولو عندك السيارة اتوماتيك يبقى اتاكد ان الفتيس كويس وجربة كويس جدا جدا جدا ,وخلى بالك لو السيارة اتوماتيك يبقى الماتور دة قوتة 160 حصان مش 170
بالنسبة للكبالن وجلب المقصات دية اسعارهم
1:سعر الكبالن جديدة يابانى اصلى بس مش من شركة هوندا 275 جنية للواحد ,جديدة من التوكيل 4000 جنية
2:سعر جلب المقصات الخلفية انت عندك 8 جلب تقريبا ب500 جنية بس شوف هاتهم هوندا الاصلى وركبهم وهايقعدوا معاك 20 سنة