لراكبى سيفيك 96 - 00: مقارنة بين السيفيك و الكورى الحديث

[houbaz]

رجالة الهوندا، انا كان معايا سيفيك هاتش باك 93 SiR، و قبل ما اشتريها كنت بحلم انى اركبها، بس بعد ما اشتريتها اكتشفت ان الحلم كان احلى من الحقيقة، مع الاستخدام لقيت فيها عيوب مش فنية لأ، عيوب عشان الزمن و الموديل القديم و بصراحة زهقت منها بسرعة و بعتها بعد سنة بس مقدرش انكر انى كنت بحب الموتور جدا وكنت اتمنى لو اركب الموتور دا فى عربية جديدة.. و بعدين قررت انى ابعد عن الموديلات القديمة و اجيب اوبترا او الانترا موديل 2005 - 2006 استعمال نضيف على اساس انهم لسه بحالتهم، بس لما بشوف السيفيك vti 97 فى الشارع بتشد ليها جدا و بفضلها عن الكورى كعربية و كموتور و دا عشان انا من هواة الهوندا جدا.. سؤالى بقى للى ركب سيفيك 96 هل ممكن الاقى واحدة نضيفة تبقى لقطة من اول مالك و ركوبتها تبقى زى موديلات الكورى 2006 ولا المعادلة دى صعبة؟ حاسس انى لو هشتريها هبقى بجازف ممكن اكسب و ممكن اخسر و الخسارة نسبتها اكبر، انا مش بتكلم على الاساسيات انا بتكلم على حالة الصالون و التكييف و العفشة و انى ابقى راكب عربية ناعمة و سلسة مفيهاش اصوات طأطأه تجننك، عربية تقعد معايا سنتين تلاتة من غير ما تزهقنى، ممكن تحتاج سيرفيس ماشى بس مش احلال و تجديد.. تنصحونى بايه؟ واسف على الاطالة بس فعلا محتاج ارائكو معايا .

[houbaz]

انا عملت الموضوع دا هنا فى قسم الهوندا مش فى قسم المقارنات قصد، عشان اللى ركب هوندا هوا اللى يتجاوب معايا، مع احترامى طبعا لكل زمايلى الاعزاء فى المنتدى :)

[M_Nabil]

هتلقى حالات نظيفة في الموديل ده بس المطلوب منك الصبر والبحث

[houbaz]

شكرا نبيل باشا على الرد السريع :) سؤال صغير، معظم العربيات السيفيك المعروضة للبيع عاملة اكتر من 120 الف كيلو، فى مشكلة فى كده، ولا العبرة بالحالة؟ انا لقيت اعلان على واحدة 97 vti شكل الصورة بيقول انها نضيفة بس مش متشجع اروح اشوفها عشان عاملة 190 الف كيلو، انت ايه رأيك؟

[M_Nabil]

شكرا نبيل باشا على الرد السريع :) سؤال صغير، معظم العربيات السيفيك المعروضة للبيع عاملة اكتر من 120 الف كيلو، فى مشكلة فى كده، ولا العبرة بالحالة؟ انا لقيت اعلان على واحدة 97 vti شكل الصورة بيقول انها نضيفة بس مش متشجع اروح اشوفها عشان عاملة 190 الف كيلو، انت ايه رأيك؟

طبعاً العداد الكبير مش مقياس للحالة بس المهم تكبس الماتور وتشوف كفاءته كام بالاضافه لباقي الاجزاء ممكن تروح تشوفها عادى ولو في قبول يبقى تكشف عليها كويس ولو مكنش يبقى تصبر شوية وتشوف واحدة غيرها عموماً مواتير العربيه دى موجودة وسعرها مش غالى اوى

[SAMEH_FOUAD]

رجالة الهوندا، انا كان معايا سيفيك هاتش باك 93 SiR، و قبل ما اشتريها كنت بحلم انى اركبها، بس بعد ما اشتريتها اكتشفت ان الحلم كان احلى من الحقيقة، مع الاستخدام لقيت فيها عيوب مش فنية لأ، عيوب عشان الزمن و الموديل القديم و بصراحة زهقت منها بسرعة و بعتها بعد سنة بس مقدرش انكر انى كنت بحب الموتور جدا وكنت اتمنى لو اركب الموتور دا فى عربية جديدة.. و بعدين قررت انى ابعد عن الموديلات القديمة و اجيب اوبترا او الانترا موديل 2005 - 2006 استعمال نضيف على اساس انهم لسه بحالتهم، بس لما بشوف السيفيك vti 97 فى الشارع بتشد ليها جدا و بفضلها عن الكورى كعربية و كموتور و دا عشان انا من هواة الهوندا جدا.. سؤالى بقى للى ركب سيفيك 96 هل ممكن الاقى واحدة نضيفة تبقى لقطة من اول مالك و ركوبتها تبقى زى موديلات الكورى 2006 ولا المعادلة دى صعبة؟ حاسس انى لو هشتريها هبقى بجازف ممكن اكسب و ممكن اخسر و الخسارة نسبتها اكبر، انا مش بتكلم على الاساسيات انا بتكلم على حالة الصالون و التكييف و العفشة و انى ابقى راكب عربية ناعمة و سلسة مفيهاش اصوات طأطأه تجننك، عربية تقعد معايا سنتين تلاتة من غير ما تزهقنى، ممكن تحتاج سيرفيس ماشى بس مش احلال و تجديد.. تنصحونى بايه؟ واسف على الاطالة بس فعلا محتاج ارائكو معايا .

مع احترامى لكلامك حضرتك انت ممكن تكون السيارة اللى انت جيبتها كان فيها مشاكل فى السيارة نفسها ومعلش حضرتك جايب هاتشباك بابين يعنى ماتقارنهاش بأى عربية سيدان سواء كورى او يابانى بس لان دية حاجة ودية حاجة
شوف ياباشا انا الحمد لله معايا sir موديل 1995 سيدان انا بجد لما بركب اى عربية كورى او حتى يابانى حديث مش بحس بأى اختلاف ابدا بالعكس انا عندى مميزات مش موجودة عندهم ,ثبات ,سرعة تفوقهم بكتير ,دة غير كل الرفاهية اللى موجودة فى السيارات
انا اللى عايز اوصلة لحضرتك انك ممكن تكون جيبت عربية وطلعت وحشة فيها عيوب ودة امر طبيعى جدا حتى ممكن دة يحصلك مع الجديد
يبقى حضرتك كل اللى انت تعملة انك تفكر كويس وتختبر السيارة قبل ماتجيبها وتقدر العيوب اللى فيها
بس صدقنى افضل موديلات برعت فيها هوندا فعلا موديلات من 92 الى 2000 بجد سيارات ترفعلها القبعة وكفاية سعرها اللى اغلى من الكورى موديلات 2007
ونصيحتى ليك ماتركبش كورى بعد ماتركب يابانى حتحس بفرق فى كل حاجة

[houbaz]

شكرا semsem باشا على ردك و نصيحتك، انا فعلا نفسى اركب هوندا تانى مش اى عربية بس خايف تانى تجربة ليا فى الشراء تعقدنى.. احب اسمع نصيحتك فى الشراء، اعمل ايه عشان اوقع vti نضيفة؟
معلش يا باشا انا مفهمتش وجهة نظرك فى الفرق ما بين الهاتشباك بابين و السيدان؟

[S H @ F T]

ممكن تلاقي كتير حالات نظيفة في الموديل ده وكمان ممكن تجيبها 99/2000
العزل فيها اتحسن كتير والصالون بتاعها أحسن شوية من 96

[houbaz]

شكرا يا باشا على ردك، بس هوا العزل فى 96-98 فى مشاكل؟ و ايه الفروقات اللى فى الصالون ما بين الموديلين؟

[SAMEH_FOUAD]

شكرا semsem باشا على ردك و نصيحتك، انا فعلا نفسى اركب هوندا تانى مش اى عربية بس خايف تانى تجربة ليا فى الشراء تعقدنى.. احب اسمع نصيحتك فى الشراء، اعمل ايه عشان اوقع vti نضيفة؟
معلش يا باشا انا مفهمتش وجهة نظرك فى الفرق ما بين الهاتشباك بابين و السيدان؟

اللى اقصدة ان الهوندا الهاتشباك الموديل دة بابين بس ,واى عربية تانية سواء كورى او يابانى اكيد هتحس فيها براحة افضل نظرا لانها هتبقى واسعة واطول

[SAMEH_FOUAD]

اهم حاجة فى العربية :
1:ماتكونش رشة دواخل
2:شاسية سليم ,العربية مش عاملة لاقدر الله حادث مؤثر
3:صالون سليم ومش متهان
4:سيارة يكون صاحبها بيحافظ عليها ودة هيبان من السيارة وحالتها

ولعلمك الهوندا من السيارات اللى كل ماتعمل حاجة فيها بتركبها وبتنساها وفى نفس الوقت بتريح نفسك من الفلوس ,لانك لو اجلت تغير قطع الغيار هيجى وقت عليك وهتلاقى نفسك بتدفع مبالغ جامدة
وربنا يوفقك

[houbaz]

الف شكر يا باشا على النصايح االغالية، و ان شاء الله ساعة الشراء هبقى اكلمك للاستشارة :)

[SAMEH_FOUAD]

الف شكر يا باشا على النصايح االغالية، و ان شاء الله ساعة الشراء هبقى اكلمك للاستشارة :)

ياباشا انت تأمر وربنا يوفقك

[houbaz]

سمسم و نبيل باشا و رجالة الهوندا كلهم، انا كلمت صاحب ال vti 97 اللى عاملة 190 الف كيلو و اتفقت معاه اشوفها يوم الجمعة ان شاء الله، بس عايز اخد رأيكو فى سعرها قبل ما اروح اتفرج عليها عشان لو عجبتنى اعرف اتكلم مع صاحبها.. هوا طالب 65 نهائى، هيا فابريكا جوع بالكامل و عربية بيتى كل حاجة فيها original و صالون الفابريكا، و على كلام صاحبها هوا كان لسه صارف عليها 7000 جنيه رش بيهم العربية و غير العفشة كلها و على كلامه برضه ان العربية مش محتاجة اى مصاريف عشان هوا كان شاددها لمزاجه و بعد كده جاتلو فلوس و حابب يغير.. العربية لونها الأصلى كان زيتى و هوا رشها سلفر و ثابتها على الرخصة، و هوا تانى مالك للعربية من الزيرو و الرخصة باسمه..
انا حاسس 65 كتير عليها حتى لو حالتها نضيفة عشان العداد عالى و عشان مغيره لون، 65 ال vti 97 تجيبهم لو فابريكا بالكامل و حالة شاذة ولا ايه، انتو ايه رأيكو؟ يعنى لو العربية عجبتنى و الراجل هاود معايا اتكلم معاه فى كام؟

[Kazzaz]

انا شايف بال65 ممكن تجيب ياباني موديلات فوق ال 2000 بدل ما تجيب حاجه قديمه و تتعبك ... شوف مثلا السوبارو بس موتورها مش بتاع شد او مثلا اللانسر... و في اختيارات افضل و ده من وجهه نظري