اصلاح تكيف هوندا جاز

[cladonell]

بقول لحضرتك اية
انا عايز اعرف منك هل فية زيت ضرب فى دورة التزييت ولا لأ عشان كل واحد اسالة يقولى السؤال دة

للأسف مش عارف لأن كل اللى كشفوا عليه كان من بره بس و لسه محدش فحص الدورة بالكامل. أنا قلت الأول أجيب الكمبريسور و السربنتينة قبل أى حاجة علشان الشغل ييقى مرة واحدة. يس لسه مش متأكد إذا كنت حأعملها عند ديافيا ولا فيه حد أحسن.

[ahmediz2000]

انت قلقتنى اوى 11000 جنيه علشان التكييف !!! ... يعنى تبقى ماشى فى امان الله وفجأة يقولك زيت الكمبرسور ضرب .. طب ايه السبب وازاى احافظ على التكييف واتأكد ان مفيش حاجة زى دى ممكن تحصل .. ارجو الافادة لو سمحت يا جماعة

وطمنا عليك يا cladonell وقولنا عملت ايه

[SAMEH_FOUAD]

على فكرة تكييف الهوندا كل تمنة كدة تقريبا

2500/3000 جنية كمبروسير جديد يابانى اصلى ,سربنتينة 1200 جنية ,كويل 1200 جنية وبقيت المكونات بتعمل فى حدود 4000 جنية يالمواسير والخراطيم والمصنعية ,لانة لاقدر الله لو الزيت ضرب فى دورة التكيف يبقى لازم يتغير كلة

[cladonell]

انت قلقتنى اوى 11000 جنيه علشان التكييف !!! ... يعنى تبقى ماشى فى امان الله وفجأة يقولك زيت الكمبرسور ضرب .. طب ايه السبب وازاى احافظ على التكييف واتأكد ان مفيش حاجة زى دى ممكن تحصل .. ارجو الافادة لو سمحت يا جماعة

وطمنا عليك يا cladonell وقولنا عملت ايه

كمان لغاية أخر لحظة كان بيبرد. أنا قفلته بس علشان لقيت صوته عالى جدا و بعدين رحت للتوكيل بعدها. و السير بتاعه هو نفس سير الدينامو ففيه طبع مخاطرة إنى أمشى بيه كده.

إن شاء الله لو فيه جديد حبعت على طول على المنتدى.