إعـــــــلان

Collapse

.

,
See more
See less

بورسعيد ........يوم الجمعه

Collapse
X
 
  • Filter
  • الوقت
  • Show
Clear All
new posts

  • بورسعيد ........يوم الجمعه

    السلام عليكم ......
    انا معايا هوندا سيفيك 97 وعايز اشتريلها شويه حاجات ......
    انا من اسكندريه وناوى انشاء الله انزل بورسعيد بكره بس ياترى اللى شغالين فى هوندا فاتحين بكره ولا هاخد المشوار ومش هلاقى حد فاتح .....
    لو حد يقدر يفيدنى ياريت يا جماعه عشان اسافر بكره وانا واثق ......
    انا عايز اشترى فروشات ابواب ومرايات كهربا واكصدام امامي وتيل فرامل ورحايات وكرتيرات
    يا ريت لو حد يقولي عناوين عشان مدخش بكره
    ولكم جزيل الشكر

  • #2
    لأ الناس بتقفل الجمعة في بورسعيد حاول تروح يوم السبت أو اى يوم غير الجمعة و أستاذ محمد الشامى ممكن يديلك أسماء ناس ترحلهم زى الحاج مجدى الدسوقى وغيره
    [CENTER][B]HONDA THE POWER OF DREAMS[/B][/CENTER]

    Comment


    • #3
      الف شكر ليك يا باشا على الرد
      وانا كلمت الحاج مجدي الدسوقي فى التليفون وسألته عن الحاجات االى عايزها بس قالى استنى شويه على فروشات الابواب انا انشاء الله هتابع معاه وربنا يعمل اللى فيه الخير

      Comment


      • #4
        مفيش يا باشا غير فرش الباب اللى ممكن تجيبة استيراد, الباقى حيبقى زى قلته, و مع كامل احترامى, الحج مجدى الدسوقى مش حيرجعلك اى حاجة حتى لو بايظة و ملهاش اى لازمة, و عن تجربة والله

        Comment


        • #5
          المشاركة الأصلية كتبت بواسطة khaled_rafea مشاهدة المشاركة
          مفيش يا باشا غير فرش الباب اللى ممكن تجيبة استيراد, الباقى حيبقى زى قلته, و مع كامل احترامى, الحج مجدى الدسوقى مش حيرجعلك اى حاجة حتى لو بايظة و ملهاش اى لازمة, و عن تجربة والله
          انت قصدك على فرع بورسعيد ,لأن الحاج مجدى الدسوقى اللى فى الحرفيين القاهرة ماشاء الله اى حاجة بيرجعها حتى لو ركبتها ولقيت ادائها مش عاجبك وعن تجربة
          [CENTER][SIZE=6]SEMSEM KANE سابقا[/SIZE][/CENTER]

          [img2]http://nileup.com/up/uploads/nilemotors_13635570671.jpg[/img2]

          Comment


          • #6
            انا قصدى على المستعمل عموما يا باشا, وبعدين هو فى حد بيرجع قطع غيار جديدة بعد تركيبها ؟ لكن المستعمل هو اللى فيه تجربة لأنة مش مضمون

            Comment


            • #7
              المشاركة الأصلية كتبت بواسطة khaled_rafea مشاهدة المشاركة
              انا قصدى على المستعمل عموما يا باشا, وبعدين هو فى حد بيرجع قطع غيار جديدة بعد تركيبها ؟ لكن المستعمل هو اللى فيه تجربة لأنة مش مضمون
              ايوة مجدى الدسوقى رجع لواحد صاحبى بلية كاتينة ,وكنت جايب من عندة فلتر بنزين قالى ركبة لو ماعجبكش هاتة ,اللى فى الحرفيين القاهرة بجد ناس محترمة جدا فى تعاملاتهم
              [CENTER][SIZE=6]SEMSEM KANE سابقا[/SIZE][/CENTER]

              [img2]http://nileup.com/up/uploads/nilemotors_13635570671.jpg[/img2]

              Comment


              • #8
                طيب يا سيدى انا خدت منه جمبين عافشة قدام كاملين و مساعدين ورا كاملين و طلع كله بايظ, الطنابير و المساعدين و قالى بنفسه العافشة المستعملة مبتتبدلش, وبرده واحد صاحبى معانا هنا فى المنتدى أخد منه فتيس و لما راح بيه للميكانيكى لقاه متنفض , ولا قواعد ولا اى حاجة, اضطر يشتريله حاجات بأكتر من 700 جنيه, والحاج مجدى مجابلوش الحاجات الناقصة, هو اسمة محمود, اعتقد انك عارفة يا استاذ سمسم

                Comment


                • #9
                  المشاركة الأصلية كتبت بواسطة khaled_rafea مشاهدة المشاركة
                  طيب يا سيدى انا خدت منه جمبين عافشة قدام كاملين و مساعدين ورا كاملين و طلع كله بايظ, الطنابير و المساعدين و قالى بنفسه العافشة المستعملة مبتتبدلش, وبرده واحد صاحبى معانا هنا فى المنتدى أخد منه فتيس و لما راح بيه للميكانيكى لقاه متنفض , ولا قواعد ولا اى حاجة, اضطر يشتريله حاجات بأكتر من 700 جنيه, والحاج مجدى مجابلوش الحاجات الناقصة, هو اسمة محمود, اعتقد انك عارفة يا استاذ سمسم

                  والله ياباشا انا حكيت اللى حصل معايا وانت كنت المفروض تتفق معاة او تجيب الميكانيكى يبص عليهم ,ولو فيهم حاجة كنت شيلهوملة انت لانة هو اللى واخدهم ووافق عليه ,وربنا يعوض عليك ومحدش بيتعلم ببلاش
                  [CENTER][SIZE=6]SEMSEM KANE سابقا[/SIZE][/CENTER]

                  [img2]http://nileup.com/up/uploads/nilemotors_13635570671.jpg[/img2]

                  Comment


                  • #10
                    على رايك يا جميل, بس فعلا فيه حاجات يا باشا متنفعش مستعمل, وادينا بنتعلم, مثلا المرايات الاستيراد كلهم للدركسيون اليمين, مجال الرؤية مختلف, ففعلا ملهاش لازمه

                    Comment


                    • #11
                      صباح الفل يا سمسم باشا
                      انا محمود الخطيب لو كنت فاكرنى
                      مع احترامى الكامل لكل الناس اللى بتشكر فى مجدى الدسوقى و مع احترامى الشديد لية هوه شخصيا
                      فهوه بياع زى اى بياع ميهموش الا انة يبيع و خلاص و هوه شاف ان الكلام اللى بيكتبة هنا ده عملة سمعه فشغال فية حلاوة
                      بس التجربة الشخصية بجد خير دليل
                      انا مش هاتكلم على انى اشتريت فتيس متشال منة كل حاجه
                      و لا ان فية 2 اولسيل عايزين يتغيروا
                      بس انا هاتكلم على اسلوب
                      يعنى لما اشترى فتيس و متكلمش فى فلوسة زى ما قال خد
                      و اروح للميكانيكى الاقى الفتيس متقلب من كل حاجه قواعد و كل حاجه فى الفتيس
                      ده حتى الحديده اللى بتسند سلك الكيك داون متشالة منة
                      و بعدين اكلم مجدى الدسوقى يقولى الحاجه هاجيبهالك منن بورسعيد بكرة بس بفلوس
                      و قولتلة ماشى ماعترضتش
                      كلمتة تانى يوم ده الصبح قاللى الحاجه اتبعتت من بورسعيد و هاتوصل على الساعه 4
                      كلمتة يوميها الساعه 4:30 و مكنش متخيل الاسلوب اللى كلمنى بية
                      و الله العظيم انا لو بشحت منة الحاجه دى ماكان هايعاملنى كده
                      بيرد عليا بزعيق و يقولى هى مش قصة و الحاجه مانا قولتلك اتبعتت من بورسعيد و ده مكنش فتيس ده و لو مكانش اصلا فى ماتور مبعوت اصلا من بورسعيد مكنتش الحاجه دى جاتلك
                      طيب يعنى انا المفروض انى اعرف انها وصلت ازاى
                      المهم انى قررت بجد من يوميها ان لو وقوف عربيتى متوقف على مجدى الدسوقى فانا مش عايزها
                      هابيعها خرده
                      اه بقى بعدها نزلت جيبت الحاجات اللى اصلا المفروض تيجى مع الفتيس
                      جبتها قطعه من كل حتة
                      يعنى قاعدة من مكان و القاعدة التانية من حتة تانية خالص و طلع عينى و جبتهم تقريبا بحوالى 800 او 900 جنية
                      و بعد ما ركبت الفتيس لقيت فية 2 اولسيل عايزين يتغيروا
                      و مع ذلك و لا كلمتة و لا قولتلة و لا عايز منة حاجة
                      انا مشكلتى مش فى ده كلة
                      انا مشكلتى كلها فى الاسلوب
                      و الله العظيم يا جماعة انا صعبت عليا نفسى من اسلوبة فى التليفون
                      و اخيرا ده رأى شخصى عن تجربة شخصية منى و من خالد
                      اللى هوه العضو khaled_rafea
                      بردو نفس الكلام فى حاجه العفشة اللى جابها منة
                      اسف انى طولت عليكم

                      Comment


                      • #12
                        المشاركة الأصلية كتبت بواسطة dodo_mk مشاهدة المشاركة
                        صباح الفل يا سمسم باشا
                        انا محمود الخطيب لو كنت فاكرنى
                        مع احترامى الكامل لكل الناس اللى بتشكر فى مجدى الدسوقى و مع احترامى الشديد لية هوه شخصيا
                        فهوه بياع زى اى بياع ميهموش الا انة يبيع و خلاص و هوه شاف ان الكلام اللى بيكتبة هنا ده عملة سمعه فشغال فية حلاوة
                        بس التجربة الشخصية بجد خير دليل
                        انا مش هاتكلم على انى اشتريت فتيس متشال منة كل حاجه
                        و لا ان فية 2 اولسيل عايزين يتغيروا
                        بس انا هاتكلم على اسلوب
                        يعنى لما اشترى فتيس و متكلمش فى فلوسة زى ما قال خد
                        و اروح للميكانيكى الاقى الفتيس متقلب من كل حاجه قواعد و كل حاجه فى الفتيس
                        ده حتى الحديده اللى بتسند سلك الكيك داون متشالة منة
                        و بعدين اكلم مجدى الدسوقى يقولى الحاجه هاجيبهالك منن بورسعيد بكرة بس بفلوس
                        و قولتلة ماشى ماعترضتش
                        كلمتة تانى يوم ده الصبح قاللى الحاجه اتبعتت من بورسعيد و هاتوصل على الساعه 4
                        كلمتة يوميها الساعه 4:30 و مكنش متخيل الاسلوب اللى كلمنى بية
                        و الله العظيم انا لو بشحت منة الحاجه دى ماكان هايعاملنى كده
                        بيرد عليا بزعيق و يقولى هى مش قصة و الحاجه مانا قولتلك اتبعتت من بورسعيد و ده مكنش فتيس ده و لو مكانش اصلا فى ماتور مبعوت اصلا من بورسعيد مكنتش الحاجه دى جاتلك
                        طيب يعنى انا المفروض انى اعرف انها وصلت ازاى
                        المهم انى قررت بجد من يوميها ان لو وقوف عربيتى متوقف على مجدى الدسوقى فانا مش عايزها
                        هابيعها خرده
                        اه بقى بعدها نزلت جيبت الحاجات اللى اصلا المفروض تيجى مع الفتيس
                        جبتها قطعه من كل حتة
                        يعنى قاعدة من مكان و القاعدة التانية من حتة تانية خالص و طلع عينى و جبتهم تقريبا بحوالى 800 او 900 جنية
                        و بعد ما ركبت الفتيس لقيت فية 2 اولسيل عايزين يتغيروا
                        و مع ذلك و لا كلمتة و لا قولتلة و لا عايز منة حاجة
                        انا مشكلتى مش فى ده كلة
                        انا مشكلتى كلها فى الاسلوب
                        و الله العظيم يا جماعة انا صعبت عليا نفسى من اسلوبة فى التليفون
                        و اخيرا ده رأى شخصى عن تجربة شخصية منى و من خالد
                        اللى هوه العضو khaled_rafea
                        بردو نفس الكلام فى حاجه العفشة اللى جابها منة
                        اسف انى طولت عليكم
                        ياباشا مقدرش انساك واحشنى والله انت عامل اية واية اخبارك يارب تكون بخير

                        ربنا معاك والحمد لله انك خلصت حاجتك وانا عارف انك بية او من غيرة ان شاء الله كل حاجة هتتعمل .

                        وانا من رأئى ماكنتش سكتلة ورديت علية بنفس اسلوبة
                        وبردة انت غلطان انك تنزل تجيب فتيس لوحدك وفاضى من غير اى حاجة ياعم كنت كلمنى انزل اجيبة معاك انا عارفهم هناك ,والميكانيكى بتاعى عارفهم بس الى انا مستغربلة
                        ان واحد صاحبى كان جايب بلية سير كاتنية واشتراها ولما غير السير ماحتجش يغيرها ورجعهالة على طول من غير مايتكلم
                        دة غير انى جيبت من عندة فلتر بنزين وقالى على ضمانتى لو معجبكش هاتة وانا هارجعهولك
                        انا الصراحة مستغرب لانى قعدت فترة بكلمة كل يوم عشان مستنى يجبيلى مصفة vtec والراجل ماعترضش خالص وكل يوم بكلمة والراجل بيكلمنى بل ادب واحترام وكمان بينزلى فى الاسعار لما بشترى من عندة

                        على العموم ماتشتريش من عندة طالما عاملك بالاسلوب دة وهو اللى خسران لانة بيخسر سمعة وزباين
                        واى استفسار او اى حاجة انا موجود ياباشا ابقى خلينا نشوفك وابقى ادخل على الميل
                        [CENTER][SIZE=6]SEMSEM KANE سابقا[/SIZE][/CENTER]

                        [img2]http://nileup.com/up/uploads/nilemotors_13635570671.jpg[/img2]

                        Comment


                        • #13
                          ازيك يا سامح باشا و الله انت واحشنى اكتر
                          معلش يا باشا انا مبقتش ادخل كتير عالمنتدى و لا عالميل و و الله الموبايل بتاعى كان ضاع و الارقام كلها راحت
                          ياريت لو تبعتلى رسالة خاصة برقمك يا سامح باشا
                          و ربنا يخليك يا باشا

                          Comment

                          Working...
                          X