الى مالكى السيفيك....حاجز السيفيك و محتاج مساعدتكم جدا جدا جدا جدا

[veriano]

سلام
أنا حاجز السيفيك و قربت أستلم و معجب بالعربية جدا بس قلقان جدا من المطبات و مستوى ارتفاع السيارة خصوصا ان العربية غالبا هيبقى فيها أسرتى المكونة من 4 أفراد
هناك من نصحنى و قال لى "عمرى ما حكيت فى مطب بس باخد بالى من المطبات و بطلعها بدون سرعة و تهور"
و هناك من قال " بخبط دايما فى المطبات"
أرجوكم قولولى خبراتكم الشخصية
شكرا

[omar_megane]

السلام عليكم ورحمة الله وبركاته
اولا الف مبروك مقدما وان شاء الله تستلم قريب
انا مقدرش انكر ان العربية واطية على الارض بس خلى بالك انها اعلى سيفيك نزلت مصر
انا بحك فى مطبات بس عادة بتكون مطبات متوحشة انما لو اخدت المطب بالعرض عمرك ماحتحك فيه يعنى المطبات المتوحشة دى لما بعديها بالطول بتحك انما بالعرض بتعدى من غير ولاحكة انما المشكلة انى اغلب الوقت بضطر اعدى بالطول علشان العربيات اللى راكنة
ثانيا وده المهم هوة انه الحك فى المطبات ده مش نهاية الدنيا يعنى صحيح انه بيضر العربية انما اخره انه يشوه منظر العربية من تحت مش اكتر اما موضوع الشاسيه يبوظ والكلام ده فده بيكون فى الحكات العنيفة اوى يعنى العربية تتعلق فوق مطب وده صعب يحصل.
الف مبروك ثانيا ومتخافش من حاجة

[mostafa.sharkawy]

فعلا يا عمر الهوندا القديم واطى اوى و انا معايا ال 2005 بس بردة باخد بالى من المطبات كويس اوى و دايما باخدها بالوارب عشان امان اكتر . اتكل على الله يا فيريانو متقلقش إن شاء الله .

[veriano]

متشكر على الرد باستفاضة و منتظر ردود أخرى و تجارب شخصية أخرى لكى أطمئن تماما

[م/محمد صلاح]

شوف يا باشا
اولا الف الف مبروك على الطياره الجديده واختيار موفق لن تندم عليه باذن الله
وربنا يعطيك خيرها ويكفيك شرها
انا معايا السيفيك 2007 العربيه توحيلك انها واطيه قوى بس هى مش واطيه قوى يعنى
انا كنت راكب العربيه والمدام حامل جمبى (يعنى 2 ) وورا كانت بنت خالتى ومعاها 3 اطفال واحد فى ثانوى وواحد فى اعدادى والصغير فى ابتدائى (انا شرحتلك بالتفصيل علشان تتصور الموقف) والله الحمد لله العربيه ماحكيتش فى اى مطب بس برضه زى ماعمر قاللك ابقى واحده واحده على المطبات ولو الطريق يسمح خدها بالوارب
انا كمان مانكرش انها اتحكت منى من تحت بس كانت العربيه محمله مش اقل من 450 كيلو (اصل اللى كانو فيها كانو تقال) بس برضه الحكه ماتخضش
لما باكون انا والمدام بس فى العربيه عمر العربيه ماحكت حتى فى المطبات المتوحشه الللى قاللك عليها عمر