::.لملاك السيفيك:. فوج لايت الهوندا سيفيك 2008 ::. ينفع يركب بسهولة ولا ؟!

[ahmad7610]

فى معرض الفورميولا كان فى فوجات هوندا معروض للبيع خاصة بالسيفيك الجديدة 2008 كاملة بملحقاته بسعر 550 جنيه -
-
لكن السوال لملاك الهوندا ؟؟ هل الضفيرة فى العربية فيها مكان لتركيب الفوج . وكمان الزرار له مكان فى الطيارة أأقصد العربية ولا حيتركب ازاى
......
ياريت اى حد عنده خبرة فى الموضوع ده يقولنا .. واكيد الافضل نركبه فى التوكيل قبل الشراء ولا ايه !؟!؟!

[أبو عبدالله]

اي سيارة بيبقى لها فوجات ومش نازله فيها بيبقى الفيش والتوصيلات بتاعتها موجوده خلف الاكصدام
يعني عادي هتجيبها وتركبها عادي
اما الزرار فغالبا كل السيارات بتبقى فيها اماكن لزراير زياده وبيبقى تحت الدركسيون شمال غالبا

فلا تقلق من الموضوع ده عادي مش جديد

[Hisham_ElFeky]

بالظبط زي ما أبو عبدالله قال كده وعادي جدا تتركب بس الفرق في التوكيل انهم بيغيرو الدراع كله ولا زارير ولا اي حاجة

[Hassan]

فعلا فى التوكيل يتم تغير الذراع بالكامل , لذلك التكلفة 2200جم , و اخبرونى ان تركيب الفوجات الغير اصلية تسقط الضمان

[theking2690]

فى التوكيل الدراع بيتغير بالكامل و الصراحه والدى مركبهم و هما مفيدين جدا بليل