العربية جابت وش سلندر

[kalmah]

السلام عليكم
العربية عملتها و جابت جوان وش سلندر و الله اعلم وش السلندر اية ظروفة
العربية سيفيك 92 SI مانيوال انا كنت ببيع فيها و جة الموضوع دة في النص الحمد لله
انا كنت عاوز اخد رأيكوا اية افضل حاجة ممكن تتعمل دلوقتي ? مع العلم اني راكن العربية لسة مبعتهاش الحرفين
1-اسقط مكنة و ابيع؟ ولا اجيب وش بس و السلام مع العلم ان موضوع الوش دة شكلة هيعدي ال الف و نص و حالة الموتور اصلا كانت تعبانة بيرزع و ياكل زيت بس كان طلقة لله يرحمة

الموتور ال vtec 1.6 سمعت انه عامل3 و نص في بورسعيد كامل كلة من غير تركيب

2- اية رأيكوا, ابيع ع الوضع الحالي? و في الحالة دية هتجبلي كام مع العلم انها فابريكة دواخل!
3- في طريقة اعرف منها اذا كان دة جوان بس ولا الوش كلة راح؟
عشان انا مش عايز اروح لمنير يفتح المكنة يلاقي الدنيا بايزة جوة يقوم مقفلها تاني و يقولي هات مكنة و اضيع وقت ع الفاضي.

[SaberMan]

باشا شوف أذا كنت هتغير موتور بعدها مش تبيع فده حل كويس
شوف القرارك اذا كان موتور ان شاء الله أجيبلك سعر احسن من 3 و نص أن شاء الله

انما لو بيع خلاص حاول متصرفش كتير أوى عشان الهيشترى بيحدد فى دماغه رينج و فى الغالب بيكون مركز تحت أتفاهم معاه ان حالة الموتور و أوصفله حالتها ظبط السعر و بالتوفيق ان شاء الله

[kalmah]

ابو العريف باشا
اي اخبارك,مختفي بقالك كتثير

انا كنت لسة بفكر في الموضوع دة امبارح اني الم كل اللي فيها و اخليها معايا بدل ما ابيع و اخسر جامد و اجيب واحدة تانية مش عارف ظروفها
العربية عندي فيها عيبين ارخم من بعد
1-القنطرة اللي ماسكة العجل اللي ورا معوجة من زرجينة اتعملت ف المفروض ابقيء اعملها عند سمير علي بالكمبيوتر
2-عندي ناحية المساعد اليمين شرخ في الصاج, انا كمنتش عايز اعملة لاكن مدام الحوض عندي هيفضي يبقيء اخلص منة و الحمة

هوا الموتور اللي حضرتك ممكن اتجيبة يا ابو العريف هيبقيء من القاهرة ولا بورسعيد؟ و الكود بتاعة اية؟

[SAMEH_FOUAD]

حضرتك بتقول المنة اصلا خفيفة طيب مااللى كان هيشتريها كدة كدة كان هينزلك من تمنها عشان الماتور وكان ابسط حاجة انا هجيب مكنة جديدة واسقطها
ودلوقتى حضرتك لو عملت العمرة بالجوانات هتتكلف فى حدود 2000 جنية والماتور اللى حضرتك جايبة هيبقى عامل 3500 ومش عارف هو فية اية ,يبقى قدامك حاجة من الاتنين
1:لائما توقع ماتور حالتة نظيفة اوى عشان ماتفكرش بعد كدة وطبعا بالضفيرة بكل حاجة
2:لائما تعمل ماتورك صح وتصرف علية وترجعة جديد وبردة هتنساة

بس حضرتك شكلك هايين العربية

[M_Nabil]

الماتور ده للأسف هو و قطع غياره شبة نادرة والعمرة فيه مش بتنجح تقريباً أعتقد مش هيكون قدامك حل غير التسقيط مش المكنة اللى عندك الأصلية d16a9 ؟

[kalmah]

حضرتك بتقول المنة اصلا خفيفة طيب مااللى كان هيشتريها كدة كدة كان هينزلك من تمنها عشان الماتور وكان ابسط حاجة انا هجيب مكنة جديدة واسقطها
ودلوقتى حضرتك لو عملت العمرة بالجوانات هتتكلف فى حدود 2000 جنية والماتور اللى حضرتك جايبة هيبقى عامل 3500 ومش عارف هو فية اية ,يبقى قدامك حاجة من الاتنين
1:لائما توقع ماتور حالتة نظيفة اوى عشان ماتفكرش بعد كدة وطبعا بالضفيرة بكل حاجة
2:لائما تعمل ماتورك صح وتصرف علية وترجعة جديد وبردة هتنساة

بس حضرتك شكلك هايين العربية

لية الفضايح دة يا حج سمسم
الفكرة مش هاينة بس انا العربية مكنتش كاشف عليها كويس فمستحملتش فقلت اسيب الموتور لحد ما يموت و اقلبة بعد كدة لاقيت حاجات تانية طلعتلي في النص زي موضوع الشرخ و القنطرة الخلفية
انا بصراحة اللي بفكر في حاليا اني اجيب موتور تاني و اعمل شغل القنطرة و السمكرة اللي فيها و يبقيء كدة حيت العربية من جديد بدل ما ابيع عشان الخسارة كدة شكلها هتبقيء كبيرة
الموتور اللي عندي يا نبيل باشا d16y9

[SAMEH_FOUAD]

لية الفضايح دة يا حج سمسم
الفكرة مش هاينة بس انا العربية مكنتش كاشف عليها كويس فمستحملتش فقلت اسيب الموتور لحد ما يموت و اقلبة بعد كدة لاقيت حاجات تانية طلعتلي في النص زي موضوع الشرخ و القنطرة الخلفية
انا بصراحة اللي بفكر في حاليا اني اجيب موتور تاني و اعمل شغل القنطرة و السمكرة اللي فيها و يبقيء كدة حيت العربية من جديد بدل ما ابيع عشان الخسارة كدة شكلها هتبقيء كبيرة
الموتور اللي عندي يا نبيل باشا d16y9

ياباشا ولا فضايح ولا حاجة انتا هنا فى وسط اخواتك مافيش اى احراج

بس المشكلة ان حضرتك معاك عربية بس الله ماشاء الله جميلة جدا كثبات وراحة وسرعة واوبشن وشكل فلازم تحافظ عليها اكتر وماتسيبش الحاجات دية عشان ممكن تكبر واكتر حاجة الشرخ اللى فى الحوض لازم تعملة وماتسكتش علية عشان مايزيدش هو والقنطرة

[M_Nabil]

الـ y9 ده كامة واحدة أعتقد أنما لللى بينزل في الـ Si كامتين a9 وأنت عندك كامتين صح؟ عموماً لما نتقابل ان شاء الله نشوفها مع بعض

[SaberMan]

هوا الموتور d16 بس بقيه الكود الحرف الفاضل مش عارف باظبط الموتور مش عندى بس ممكن اجيبلك من الناس الفى الحرفيين بسعر أحسن ممكن تروح و تجيب أحسن اسعار و بعدين أنزلك معاهم شويه كمان نمرتى بعتهالك ممكن ندردش شويه أحتمال متحتاجش تغير مكنه و متقلقش الموقف بتاع وش السليندر ده حصلى قبل كده و رجعت من الساحل جابه طحينه كان بالمكنة si الستوك وصلتنى لغاية البيت بعدها كمان غير الجوان مغيرتش مكنه على طول .

[kalmah]

في واحد صاحبي كان عند منير و قلوا علي العربية
منير قال ممكن ياخدها علي 35
انا عمل حسبة تقربية للتكاليف بتاعتي كاالاتي
3500 الموتور بالمصنعية
1000 علبة دركسيون
800 عفشة
500 سمكرة
يعني 6000 تقريبا

فا اية رأيكوا يا رجالة؟
هوا لو فعلا هياخدها علي المبلغ دة انا بفكر جديا اني ابيع

[SaberMan]

اتوكل على الله بيع دييل كويس

[kalmah]

تم بحمد لله البيع
34 بس خلصت منها بس مفتقدها جداااااا
انا دلوقتي بقيء محتار مش نافع انزل من هوندا و في نفس الوقت الهوندا مش بتخليني اعرف اوفر تمامم
انا فية واحدة ستروين Xsara هروح ابص عليها انهاردة المفروض اناه حاجة بيتي اوي
انتوا اية رأيكوا في العربية دية؟

[SAMEH_FOUAD]

ابعد عن سيتروين خالص

وقول انت عايز تجيب عربية فى حدود كام

وبعدين حضرتك بيعت si 34 دة قليل جدا جدا كنت ظبتها احسن انت مش هتعرف تركب حاجة خالص لانك عمرك ماهتلاقى الثبات ولا السحب فى اى عربية تانية ,دة غير انك بايعها بسعر قليل يعنى عشان تجيب عربية كويسة هتزود كتير مش اقل من 25 الف
لائما بقى تزود وتجيب فيرنا اقرب اختيار ليك واقل فلوس هتزودها 15 الف بس

[kalmah]

انا نزلت جامد فيها يا سمسم باشا عشان العربية كانت محتاجة مصاريف كتير اوي داخللها في 7-8 و في حاجات مش هترجع تاني زي الاول زي موضوع القنطرة الخلفية
انا مش قادر بصراحة اطلع من الهوندا خلاص بقت ماشية في دمي d:
انا ناس كتير قالتلي بردة موضوع ابعد عن الستروين بس لية ؟

[kalmah]

انا عايز حاجة في حدود 40-45 اللي هوا رنج السيفيك
صحيح نسيت اقلوكوا خبر كويس
في كونتنر نازل كمان اسبوع في بورسعيد فية مواتير
Sir and Type R
و تعديلات رياضية كتير و اسعارة غريبة واحد صاحبي قالي علية امبارح فالوحد محتاج حاجة ممكن ابقيء اديلوة رقم التليفون يكلمة