هنداوي جديد

[Waeel]

الحمدلله وففني الله واشتريت هوندا سيفيك 2010
.
طبعا العادي استلمتها السبت وخدت خبطة صغيرة في العتبة اليمين في رصيف الجراش بس الحمدلله هي بس رضة خفيفة بس عندي سؤال هو العتبة ديه انا لقيتها فيبر فهل هي بتتغير كجزء منفصل لوحده ولا لازم مع الرفارف لأني شايفهم متصلين ببعض
.
شكرا لكل اخوتي هنا في المنتدى واللي ساعدوني في أسألتي الكتيرة عن السيفيك

[motoxp]

الف مبروك و متزعلش و دى اكيد عين

ربنا يكفيك شرها

ايه اخبار ارتفاع العربية عن الارض ؟ ولو ممكن صور وتقرير كامل تبقى انت كده تمام اوى

[Waeel]

الف مبروك و متزعلش و دى اكيد عين

ربنا يكفيك شرها

ايه اخبار ارتفاع العربية عن الارض ؟ ولو ممكن صور وتقرير كامل تبقى انت كده تمام اوى

الله يبارك فيك ياباشا

شكلها كده عين والله
هي كابسة خفيفة لجوا بس مش عارف هل قطنة سخنة خفيفة ممكن تردها ولا لأ ؟
.
بالنسبة للإرتفاع مجربتش بعدد ركاب كتير ، بس اتنين راكب فقط خدت بيها مطبات من النوع المصري الحاد بدون مشاكل وقالوا لي في التوكيل ان موديل 2010 أعلى ب 1.8 سم عن موديل 2009

[SaberMan]

الف مبروووك يا باشا ربنا يعطيك خيرها و يكفيك شرها و شر عين الناس

ما شاء الله اختيار موفق يا رايس .. معلش هنستنى حد من عتولة الهوندا يكون عنده معلومه عن العتب عشان كنت فاكره صاج بصراحه.

[Waeel]

الف مبروووك يا باشا ربنا يعطيك خيرها و يكفيك شرها و شر عين الناس

ما شاء الله اختيار موفق يا رايس .. معلش هنستنى حد من عتولة الهوندا يكون عنده معلومه عن العتب عشان كنت فاكره صاج بصراحه.

الله يبارك فيك

أنا مش متأكد بس أنا مع خربشة اللون طلع اللون اللي وراها أسود مش لون الصاج عموما مستني حد من الشباب يفيدونا



.

[kemo0o]

لا لا العتب صااااااااااااج

ولو انت مش عاوز تسمكرة ممكن تشتري العتب الفيبر Side Skirts من اي مكان وتركبه على العتب الاصلي

[saeed85]

مبروك عقبالي انا نازل اخلص في واحده 2007 كمان 3 ايام و ادبح عليها بدري بدري يا باشا عشان ربنا يستر طريقك

[amr2007]

الف مبروك على السيارة العتبه صاج انا خبط العتبه مرة وذهبت الى السمكرى وصلحتها انا سيارتى 2009 vti اما الارتفاع موديل 2009 هو هو 2010 والسيارة تقربيا واطيه على الارض ولكن بعد فترة من القياده تستطيع السيطرة على السيارة والتعامل معها فى شوارع القاهرة والمطبات ربنا يبارك لك فى السيارة ويحميك من العين