لسه جايب سيفيك 2008 وعايز مساعده من الناس الخبره

[refaat78]

أولا انا هونداوى قديم جدا لأنى ركبت أكورد 78 وسيفيك 84 وسيفيك 92 وسيفيك 2001 وأخيرا جبت واحده 2008 الحمد لله
عندى كذا استفسار يا ريت اللى معاهم العربيه يساعدونى فيهم:
1- سحب العربيه مش عاجبنى قوى زى ما الناس كانت بتحكى لدرجة انه قريب من العربيه 2001
2- اقصى سرعه للعربيه لأنى بعربيتى ال2001 بجيب 190 وفى الجديده جابت 195 بالعافيه
3- ايه العيوب الدارجه اللى فى العربيه عشان انا سمعت ان فيها عيوب زى الطنابير والتيل والبطاحات والتوكيل بيغيرها هى لسه فى الضمان وعايز استفيد من الضمان لأنه لسه كتير عليه
4- العفشه ايه اخبارها لأن عفشة ال2001 اريح منها
5- استهلاك البنزين لأن استهلاك البنزين للقديمه احسن منها
6- النقلات ايه نظامها لأنى لما بزود عن ال160 بتنزل للنقله الرابعه ومش بتنقل تانى للخامس
ويا ريت لو اقدر اكلم حد يفيدنى فى المواضيع دى

[Horsepower]

أولا انا هونداوى قديم جدا لأنى ركبت أكورد 78 وسيفيك 84 وسيفيك 92 وسيفيك 2001 وأخيرا جبت واحده 2008 الحمد لله
عندى كذا استفسار يا ريت اللى معاهم العربيه يساعدونى فيهم:
1- سحب العربيه مش عاجبنى قوى زى ما الناس كانت بتحكى لدرجة انه قريب من العربيه 2001
سحب العربية من 0 - 100 كم /ساعة بالضبط 12.5 ثانية ... لو عندك غير كدة ممكن تكون لأكتر من سبب (فلتر هواء - ضغط العجل - رشاشات البنزين - مستوى الزيت للموتور ... إلخ)

2- اقصى سرعه للعربيه لأنى بعربيتى ال2001 بجيب 190 وفى الجديده جابت 195 بالعافيه
أنا جيبت بعربيتي 216 كم/ساعة على الدائري عند الجزء إللي بيدخل لمطار القاهرة الجديد وكان ممكن أجيب أكتر بس التسارع بعد كدة بطيء والطريق مش مساعد.
شوف العربية ماشية قد إيه الأول لو أقل من 50 ألف يبقى تشوف فلتر الهواء وتتأكد من نضافته ... لو معدية ال 50 ألف يبقى هتحتاج تغير فلتر هواء ... لو ولا ده ولا ده يبقى جرب تحط complete fuel system cleaner وجرب نوع إسمه stp علبه لونها رمادي هتلاقيها في بنزينة الإمارات مصر, حطه على تفويلة كاملة للعربية و تمشي بيها لحد ما التنك يفضى تقريبا و شوف النتيجة بعد كدة.

3- ايه العيوب الدارجه اللى فى العربيه عشان انا سمعت ان فيها عيوب زى الطنابير والتيل والبطاحات والتوكيل بيغيرها هى لسه فى الضمان وعايز استفيد من الضمان لأنه لسه كتير عليه
أنا سمعت زيك ... بس الحمد لله لم تظهر عندي العيوب دي ... وعلى أي حال العيوب بتتصلح في التوكيل بالضمان ... يبقى مافيش مشاكل.

4- العفشه ايه اخبارها لأن عفشة ال2001 اريح منها
ماعرفش عفشة ال 2001 عاملة إزاي بس عفشة السيفيك ناشفة شوية مقارنة بعربيات نفس الفئة (جيتا - أوكتافيا) ... بس أنا جربت ال 316 لقيتها أنشف من السيفيك (بسبب كاوتش ال 316 run-flat tiers)
شخصيا مقتنع إن عفشة السيفيك مناسبة تماما لأداء العربية في الثبات و المناورة ... جرب أداء الجيتا في المناورة (الغرز) وإنت تفهم قصدي.
الجولف فيها 3 مستويات لضبط التعليق للسيارة (يتم التنقل بينهم يدويا من خلال السائق) لتحديد الأداء المطلوب (رياضي - داخل المدن - سفر) ... الوضع الرياضي في الجولف نفس مستوى السيفيك.

5- استهلاك البنزين لأن استهلاك البنزين للقديمه احسن منها
داخل المدن 10 ليتر لكل 100 كم
على الطرق السريعة بمتوسط سرعة 100 كم/ساعة 7 ليتر لكل 100 كم

6- النقلات ايه نظامها لأنى لما بزود عن ال160 بتنزل للنقله الرابعه ومش بتنقل تانى للخامس
ده حسب دوستك على بدال البنزين و ميل الطريق ... جرب تجيب أكتر من 160 كم/ساعة ... مثلا 170 كم/ساعة ... كدة على كلامك العربية على الغيار الرابع ... خف رجلك من على البنزين خالص ... لازم العربية تجيب الخامس وإنت بتخف رجلك.
عندي العربية بتفضل على الرابع لحد ال 200 تقريبا وبعد كدة بتجيب الخامس علشان تريح الموتور مش للتسارع.


ويا ريت لو اقدر اكلم حد يفيدنى فى المواضيع دى

أولا أهلا بحضرتك,
أنا ما عنديش معلومات كافية للمقارنة بموديل 2001 ... بس إللي أقدر أفيدك بيه مكتوب باللون الأزرق تحت كل إستفسار.

[kemo0o]

الاستاذ أحمد سامي كفى ووفى بالاجابة

[engahmed82]

ممكن يا اشا أسألك جبتها بكام؟؟؟

[haythamkmal]

مفيش كلام بعد كلام الدكتور احمد سامى طبعا ، بس هو موضوع الفتيس ده برده عندى من ساعة مجبت العربية ، بعد ال 160 العربية بتجيب الرابع وبتفضل ماشية علية لغاية 218 (اعلى سرعة جبتها طبعا فى منزل) لاكن على الطرق العادية (مش المطالع ولا المنازل) متوسط السرعة 195 .

أولا انا هونداوى قديم جدا لأنى ركبت أكورد 78 وسيفيك 84 وسيفيك 92 وسيفيك 2001 وأخيرا جبت واحده 2008 الحمد لله
عندى كذا استفسار يا ريت اللى معاهم العربيه يساعدونى فيهم:
1- سحب العربيه مش عاجبنى قوى زى ما الناس كانت بتحكى لدرجة انه قريب من العربيه 2001
2- اقصى سرعه للعربيه لأنى بعربيتى ال2001 بجيب 190 وفى الجديده جابت 195 بالعافيه
3- ايه العيوب الدارجه اللى فى العربيه عشان انا سمعت ان فيها عيوب زى الطنابير والتيل والبطاحات والتوكيل بيغيرها هى لسه فى الضمان وعايز استفيد من الضمان لأنه لسه كتير عليه
4- العفشه ايه اخبارها لأن عفشة ال2001 اريح منها
5- استهلاك البنزين لأن استهلاك البنزين للقديمه احسن منها
6- النقلات ايه نظامها لأنى لما بزود عن ال160 بتنزل للنقله الرابعه ومش بتنقل تانى للخامس
ويا ريت لو اقدر اكلم حد يفيدنى فى المواضيع دى

[refaat78]

شكرا للاستاذ احمد والاستاذ هيثم ...على الاهتمام بالرد
وللمعلومات العربيه عامله 14000 كم وتقريبا كان بقالها سنه مش ماشيه وصاحبها راجل كبير ومش بيشد خالص وده تقريبا مخلى الموتور مقفول وانا بحاول انى اقرص عليها شويه عشان يتفتح شويه..انا جربت شوية حاجات كده :
1- بالنسبه للتسارع العربيه جابت من 0-100 فى 11 ثانيه
2- استهلاك البنزين فى السفر عملت حوالى 8,5 لتر فى ال100 كيلو بس ده وانا حارق كتير والتكييف شغال علطول فأعتقد ان العربيه عايزه تتظبط بالجهاز لأن ده كان بيفرق مع استهلاك البنزين قوى فى العربيه ال2001 اللى بتستهلك 7 لتر فى ال100 كيلو فى السفر
3- موضوع النقلات ده اللى عاملى مشكله مش عارف احلها كل ما ازود عن ال160 العربيه تيجى على الرابع لغاية 180 مثلا بعدين لو خففت رجلى من على البنزين لغاية ما أشيلها خالص حتى عمرها ما بتنزل للخامس الا لما العربيه تهدى لغاية 160 تقريبا وده بيبان قوى لما بشغل المثبت ,,يعنى لو ثبت السرعه على 170 بتفضل العربيه على الرابع ومش بتنقل خالص,,,,مش عارف اعمل ايه فى الموضوع ده

[refaat78]

على فكره ...معلومه لكل الهونداويه...بعد المقارنه المبدئيه احب اقول ان السيفيك موديل 2001-2005 احسن من العربيه الجديده فى كذا حاجه ومنها:
1- العفشه انعم كتير
2-استهلاك البنزين احسن
3- الفراغ الداخلى اوسع والشنطه كمان
اما ال2008 تتفوق فى:
1- الشكل طبعا(داخليا وخارجيا)
2-السحب والسرعه اسرع نسبيا
3-الكماليات تقريبا واحده ما عدا مثبت السرعه