انا طهقت سيتى 2009 بتتزحلق وتطير

[maraaawan]

لا انكر ان السيتى الجديدة تحفة فى كل شيئ لكن العربية فيها مصيبة تجنن العفريت العربية على طريق مفتوح زى طريق شرم الشيخ مثلا ويعبرة رياح شديدة من الجانبين تحس ان الهواء بيزقها من الجنب وبتتزحلق بالجنب من قوة الهوا والاسبوع اللى فات وانا راجع من اسكندرةي على الصحراوى كنت ماشى على 140 وعديت جنب اوتوبيس سياحى لقيت العربية كان حد حط ايدة تحتها من الجنب وشالها وحركها بالجنب فاهمين قصدى ؟؟؟ اتحركت بالجنب مش عامت لا اتحركت كلها دفعة واحدة بالجنب انا كان هايجيلى القلب ساعتها وربنا ستر
رحت التوكيل وبابتسامة زى كل مرة مافيش مشكلة يا فندم واضح انها ضبط زوايا ظبطوا الزوايا العربية بقت بتحدف شمال وبتعوم دة غير ان التقرير اللى ادهولى مكتوب فية سيتى 2002 ولما سالت المهندس قالى لا دة البرنامج بس اسمة كدة على الجهاز لكنة بتاع 2009 ؟؟؟؟
العربية خفيفة موت بعد ال 120 اى شوية هوا جامدين بيزحلقوها يمين وشمال مافيش اسبويلر بجد مش منظر يظبطها لانى سالت ومافيش كلة منظر وبس اغير الجنوط مش هاتفرق كتير زى ما سمعت اوطى العربية هى طبيعى مع شوية شنط واتنين ركاب فى الخلف بتحك فى المطبات اعمل اية ؟؟ ما لازم نلاقى حل وبعدين يا جماعه لو فى حد حس بنفس المشكلة بدل ما بيسكتوا كل واحد فينا ويحسسوة فى التوكيل انها مشكلة فى عربيتة او وهم عندة نتجمع كلنا ونكبس عليهم كبسة رجل واحد فى يوم واحد بعربيتنا كلنا لو كل الى معاهم سيتى حاسين بنفس المشكلة
ارجو الافادة من الىل معاهم ستيى الجديدة هل حسوا بنفس المشكلة ؟؟؟وهل ليها علاقة بالزوايا واظبط الزوايا فين اذا كان التوكيل بيبوظها مش بيظبطها

[SAMEH_FOUAD]

طيب ماتروح توطيها شوية بأن تركبلها سوست ومساعدين كونى النوع النورمال عشان تحس بتعليق هادى وفى نفس الوقت هتبقى اوطى من العادية, وهتديك ثبات اعلى

[Horsepower]

السلام عليكم أستاذ maraaawan,
الشكوى دي أنا أول مرة أسمع عنها في السيتي ... و أصلا إن العربية تحدف لما عربية تعدي جنبها مالوش أي علاقة بضبط الزوايا ... الزوايا تخلي العربية تحدف إما يمين أو شمال بغض النظر فيه عربية جنبها واللا لأ ... السيتي وزنها 1130 كج يعني مستحيل العربية تحدف للأسباب إللي حضرتك ذكرتها ... أمال لو راكب كوري واللا صيني إللي عربياتهم أقل من ال 1000 كج هاتطير بجد على كدة ولو حصل يبقى كان ممكن حضرتك تشوف العربيات الكوري و الصيني إللي ماشية وقتها معاك على الطريق طايرة فعلا أو مقلوبين على جنب الطريق ... دول وزنهم مبيجيبش ال 1000 كج.
ممكن حضرتك لو شاكك في التوكيل تشييك على شغله برة ... يعني لو التوكيل قالك مشكلة زوايا وضبطهالك و إنت شايف إن الزوايا لسة فيها مشكلة وإن التوكيل معملش حاجة إكشف على الزوايا برة التوكيل الأول قبل ما نقول إنهم غلط.
و إن شاء الله هتلاقي الموضوع كله إنك بس بتحس بتأثير الهواء على العربية زيادة شوية و إن شاء الله مايكونش فيه حاجة.

[janjon1978]

اولا: اى ريح جامدة شوية لازم هتحس باللى انت حسيتة حتى لو سيفيك و ماشى بسرعة عالية يعنى 160 او 170

ثانيا: السيتى من اسمها عربية معمولة للسواقة داخل المدن اساسا و علشان كدة هتبقى فى الهاى واى خفيفة و مع الهواء الجامد قوى هيحصل اكتر من كدة
احساسى انى عربيتك سليمة مفيش مشكلة بس هى كدة

عايز تضبطها يبقى جنوط وكاوتش عريض و مساعدين وسوست كونى هتحس بفرق بس على حساب نشوفية العفشة

[bob12345]

طبيعي جدا الموضع ده و ملاهاش علاقة بالكوري و الياباني
الموضوع طبيعي في الفئة دي

[Ralliart]

غريب الموضوع ده واول مره اسمع عنه في السيتي
هي كانت عند واحد صاحبي نفس المشكله في هيونداي الانترا وحلها بتغيير الجنوط والكاوتش العريض
ممكن تجرب جنط وكاوتش عريض واعتقد ان دا كفايه لحل المشكله لان مساحة الكاوتش المحتك بالارض هتزيد فهيمنع ان العربيه تتزحلق
ولو محتاج ثبات اكتر غير المساعدين والسوست لحاجه سبورت

[bob12345]

غريب الموضوع ده واول مره اسمع عنه في السيتي
هي كانت عند واحد صاحبي نفس المشكله في هيونداي الانترا وحلها بتغيير الجنوط والكاوتش العريض
ممكن تجرب جنط وكاوتش عريض واعتقد ان دا كفايه لحل المشكله لان مساحة الكاوتش المحتك بالارض هتزيد فهيمنع ان العربيه تتزحلق
ولو محتاج ثبات اكتر غير المساعدين والسوست لحاجه سبورت

انا اعتقد ان الجنوط والكاوتش هيحسن ولكن مش هيحل الموضع
و الموضوع دا موجود في كل العربيات من الفئة دي و الاكبر منها
يارس ستي اكسنت لانسر سيراتو الانترا كورولا سيفيك كلهم فيهم الموضوع ده بدرجات طبعا

[spiderbaz]

انا معايا السيتي الحمدلله بقالي سنة و محستش ابدا بالمشكلة دي
و ببقي علي 150 و 160 ولحمد لله محستش ب ده
حاول تتاكد من المشكلة برة التوكيل
و ان شاء الله يكون خير

[Rsarabia]

السيتى زى اليارس الاتنين بيقل ثباتهم مع السرعات العالية بالذات فى حالة لو فى ريح ضدك او على جانب السيارة
عكس سيارات تانية ثابنة جدااااااا زى لانسر سيفيك ميجان كورولا الجديدة

عربيتك عالية من ورا عشان كدا مش هتبقى ثابتة بس دا بيديلك ميزة انك هتلف جوة البلد بنعومة اكتر
عاوز ثبات وطى العربية
عاوز نعومة سيبها زى ما هى و امشى بالراحة

[pharonicking]

دى طبيعى من تفريغ الهوا اللى بيحصل لما بتكون ماشى جمب مركبة كبيرة
وملوش علاقة بالزوايا متشغلش بالك بالموضوع

[abd_el_7amid]

بص ياباشا
من يومين كنت راجع من طريق السويس القاهرة وكنت ماشى على 140 وبعض الشبابيك مفتوحة وفعلا حصل اللى انت بتقول عليه تحس فعلا ان العربية زى مايكون بتتزق بالجنب ودا بفعل الهواء واتجاه .. لما قفلت الشبابيك الموضوع قل كتير
والنهاردة كنت فى طريقى لمطروح وكنت ماش ساعات على 160 ومفيش اى حاجة كنت حاسس بيها العربية ما شاء الله ثابتة .. لكن فعلا لما تعدى من جنب ترلة او اتوبيس كبير تحس زى مايكون العربية اتزقت ورجعت بعد ماتعديه ... وارشح فعلا انه نتيجة لضغط الهواء
ودى وجهة نظرى الشخصية

[maraaawan]

شكرا يا جماعه

اولا شكرا لكل من تفاعل وشارك بالرد واحب اقول شوية حاجات :
اولا استاذ Horsepower احب اوضحلك شئ انت بتقول " ممكن حضرتك لو شاكك في التوكيل تشييك على شغله برة ... يعني لو التوكيل قالك مشكلة زوايا وضبطهالك و إنت شايف إن الزوايا لسة فيها مشكلة وإن التوكيل معملش حاجة إكشف على الزوايا برة التوكيل الأول قبل ما نقول إنهم غلط."
الموضوع زى ما حضرتك شايف ردود باقى الاعضاء انا مش موسوس ولا بفتكس دى مشكلة حقيقية وبتحصل فعلا ان العربية يتغير ضغط الهوا من تحتها فتتحرك بالجنب بالكامل مش تحدف وممكن لاقدر الله تتقلب والمشكلة دى الىل بيعالجوها فى اوروبا والدول المتقدمة باللاسبويلر لكن للاسف الاسبويلر فى مصر مجرد حلية ومنظر تجميلى لانة بيبقى له حسابات خاصة علشان يبقى له تاثير حقيقى وايجابى مش سلبى ومايعملش نتيجة عكسية ويقلبها بدل ما يثبتها لذلك الحل الاخر الاسهل فى مصر هو تعريض الكاوتش والجنوط وتسقيط العربية لكن ليهم مشاكلهم بردة على العفشة وفى المطبات الجبلية فى شوارعنا العربية هاتخيش من تحت

الشيئ الاهم والكوميدى وان التوكيل اللى حضرتك واثق فية جدا وزعلان انى بشكك فية مدينى تقرير عن عملية ضبط الزوايا والاتزان للعربية مكتوب فية سيتى 2002 ولما سالت المهندس اية دة انتوا استخدمتوا برنامج بتاع 2002 وهى مواصفتها حاجة تانية الاول تنج وبعدين خطف التقرير وقراة وبعد كدة قالى لا اكيد فى حاجة غلط وسابنى ورجع قالى لا هو البرنامج بتاع 2009 لكن هو انطبع من الشاشة الاسم غلط اصلة متسيف باسم تانى لكن هو بالمواصفات الجديدة جربها بس وقولى لو فى مشكلة ؟؟؟؟؟؟؟؟؟؟؟؟ وخرجت جربتها لقيتها بتحدف شمال لكن كانت الساعه 4ونصف وبيقفلوا وانا للاسف ماعنديش وقت اروح غير يوم السبت وكنت مضطر انتظر للسبت دة وماروحتش لان كان عندى مشكلة فى الفيرنا فى الفتيس ودى قصة تانية وكانت اولى بالتظبيط لانها هاتقف تماما فاجلت انى اروح للسبت القادم والتقرير موجود .

يعنى المهندس فتى فتوتين الاولى ان الحدف دة بسبب الزوايا ثانيا ان زوايا 2002 هى 2009 او انطبعت غلط وجرب وقولنا رايك.؟؟؟

اخر شئ شكرا للاستاذ abd_el_7amid على ردك علشان الناس تصدق انى مش بقول اى كلام لانها اتكررت معايا على طريق شرم الشيخ وطريق الغردقة وطريق اسكندرية وفعلا المشكلة انها عالية من ورى وعلى رايى الاستاذ janjon1978 ان اسمها سيتى يعنى سيارة ولا اروع ولا اجمل داخل المدينة وعلى الطريق لحد 140 بعد كدة ربك هو اللى بيستر والله عموما نظرا لانتشار اللجان وارتفاع المخالفات وخوفا على الارواح مالوش لزوم الواحد يزود عن كدة :)
ومرة اخرى شكرا لكل الاعضاء على مساهمتهم

[silicon25]

yes maraaawan
i noticed that too, specially at 140( without cement barriers) side winds is a big deal
it is mainly due to high side profile, though it is stable and well handeled on easy curved pumpy roads like ring road nasr-maadi up to 160 km, int straight line with moderate wind i went to 180km and felt safe, but didnt find courage to manuver.

Any way keep us informed about actions and solutions.


Sorry, my keyboard is english.

[magdycity]

على فكرة ده تقريبا عيب فيها عشان انا عندي سيتي 2005 فيها نفس العيب و غيرة الكوتش وخليتوا عريض 13\185\70 و وطيت العربية شويه بردوا ولسه فيعا نفس العيب ده و بصراحة بيحصل بعد ال 120 او 130 و مش عارف لو ركبت جنط 15 و كوتش 15\205\45 هيكون فيه فرق ولا لأ

[Horsepower]

أستاذ مروان أنا لا بدافع عن التوكيل ولا ضده,
بس إلي حضرتك بتقوله مافيهوش أي خطأ يثبت على التوكيل,
مهندسي التوكيل لما بيكون فيه عميل عنده مشكلة محتاجة تجربة العربية وهي ماشية بيجربوها معاه ... وده حصل معايا ... بس في مشاكل ما ينفعش يبعت فيها مهندس يجرب العربية عليها زي الزوايا ... المشكلة إللي حضرتك قلتهالهم ممكن يكونو فهموها إنها مشكلة زوايا ودي مش غلطتهم و أكيد العربية بعد سنة إستخدام هاتكون محتاجة ضبط زوايا ... فا شرح حضرتك للمشكلة مع فهم مهندس الصيانة إنها زوايا و جات بظروفها إن العربية فعلا ممكن تكون محتاجة ضبط بسيط للزوايا كل ده بالصدفة إجتمع مع بعضه و تم ضبط الزوايا (كما قال مهندس الصيانة) ... موضوع البرنامج والكلام ده مش دليل إن العربية باظت جوة التوكيل ... وعلشان كدة قلت لحضرتك تتأكد برة وكمان ممكن تجيب تقرير من برة التوكيل إن الزوايا كانت بايظة علشان لو حابب ترجعلهم وتاخد حقك وتحط صباعك والتقرير في عينهم يبقى معاك حق ومحدش يرفع عينه فيك و يتشدو على الإستهتار ده لو فعلا طلع كدة.

والمقصود إن ماحدش يقرأ الموضوع هنا ياخد إنطباع سيء عن التوكيل بدون حق.