حاولت اركب سماعات لهوندا سيتى 2008 و فشلت

[washable]

انا معايا هوندا سيتى 2008 1300 سى سى و طبعا بتيجى بالسماعات اللى قدام بس فى الابواب . و رحت لادريان المهندسين الناس فكوا الفرش من ورا و فكوا القوايم على اى امل انهم يلاقوا سلك واصل من الكاسيت للسماعات اللى ورا و طبعا مفيش . و النتيجه النهائيه انهم قالولى و الله مش هنعرف نفك الكاسيت عسان راكب فى الكونسول و الله انا احترمتهم و قالولى لازم اروح التوكيل عشان يطلع لى وصله و يفكوا هما الكاسيت بمعرفتهم ....

اللى انا مستغربه ازاى هوندا تفتح مكان للسماعات فى الصاج و تنسى تعمل وصله ليهم ...


لو حد عنده الحل يقولى !!!!!!!!!! مع العلى ان الكاسيت بتاعى جزء من الكونسول يعنى مش السونى اللى كان ممكن يتفك ....:(

[mshamy]

لو عربيتك لسه في الضمان يبقى الأحسن ان التوكيل هو اللي يشتغل فيها
يعنى هما ممكن يركبولك السماعات او يقولوا لحضرتك تركبها عند مين وإزاي؟
وده الحل الأمثل من وجهة نظري

[washable]

اه لسه فى الضمان انا هروح التوكيل و ربنا يسهل

اشكرك بشده

[NoRmAl]

غريبه فعلا أن فيه مكان للسماعات ومفيش وصله
على العموم التوكيل هيعملهالك أكيد
بس ربنا يستر على الكاش بقى :)

[mezo_88]

فى مركز اسمو المركز اليابانى فى مصر الجديدة دا انا مغير عندو الكاسيت كولو و فاهمين اوى فى العربية دى انصحك تعدى و تسأل

[BrainStorm]

أنا في واحد صاحبي معاه سيتي 2008 برده بس هو ركب السماعات اللي ورا عادي حتى هو ركبهم sony xplode 300 watt و هو ركبهم عند أحمد السُني في شارع دمشق

[thesamer]

انا عندي سيفيك 2007 و مركبلها عند السجان سماعا بكل سهولة

[eng_maged]

انا معايا سيتي 2009 الشكل الجديد وعندي سماعات ادام بس - الباب اللي ورا في مكان سماعات بس مش عارف في سلوك ولا لا
يا ترا لو حاولت تركبهم في التوكيل هيتكلفو كام

[ahmediz2000]

فيها وصلة سماعات ورا يا جماعة .. انا معايا هوندا سيتى 2008 ... فى الاول رحت لواحد وفعلا ملقاش حاجة .. لغاية مارحت لمحل ناحية جسر السويس ..

هقولك تلاقيهم فين بالظبط انت ممكن بنفسك تشوفها ..
افتح الشنطة اللى ورا .. وروح لاقصى الشمال ورا فى سقف الشنطة وشيل الفرش من فوق هتلاقى الفيشة .. بس كده بالبساطة دى :) .. مشكلة السماعات اللى ورا فقط انها دائرية مش اسطوانية .. انا عن نفسى فتحت فى حتة الصاج دى ووسعت الفتحة علشان اركب سماعات اسطوانية كبيرة صوتها هيكون احسن . يإما لو مش عاوز تفتح فى الصاج يبقى اشترى سماعات دائرية من التوكيل صوتها انطف بكتير من اللى موجود بالسوق ..

واى سؤال تانى انا معاك ..

[tarekzein]

فيها وصلة سماعات ورا يا جماعة .. انا معايا هوندا سيتى 2008 ... فى الاول رحت لواحد وفعلا ملقاش حاجة .. لغاية مارحت لمحل ناحية جسر السويس ..

هقولك تلاقيهم فين بالظبط انت ممكن بنفسك تشوفها ..
افتح الشنطة اللى ورا .. وروح لاقصى الشمال ورا فى سقف الشنطة وشيل الفرش من فوق هتلاقى الفيشة .. بس كده بالبساطة دى :) .. مشكلة السماعات اللى ورا فقط انها دائرية مش اسطوانية .. انا عن نفسى فتحت فى حتة الصاج دى ووسعت الفتحة علشان اركب سماعات اسطوانية كبيرة صوتها هيكون احسن . يإما لو مش عاوز تفتح فى الصاج يبقى اشترى سماعات دائرية من التوكيل صوتها انطف بكتير من اللى موجود بالسوق ..

واى سؤال تانى انا معاك ..

هوه ده التفاعل المطلوب

تسلم ياأحمد باشا