مشكلة بعد ما غيرت الزجاج الامامى سيفيك 2009

[hima1975]

غيرت الزجاج الامامى فى التوكيل ... بعد التغيير حسيت ان العزل قل يعنى بسمع الصوت برة اكتر شوية
وكمان لما امشى فى ال 120 او ال 130 بسمع صوت هوا مش عارف منين روحت التوكيل تانى بس معملوش حاجة جديدة اتأكدوا ان الزجاج متركب صح وخلاص
روحت البنزينة وعملت ضخ شديد بالمية على الزجاج بس ملقتش اى تسريب خالص
ومش عارف اعمل اية .... حد يقولى صوت الهوا ده جى منين ؟!!

[mohabelnegm]

أنا برضه بعد ما غيرت البربريز القدمانى قعدت فترة بحس أن العزل قل فى العربية و أن فى صوت هوا خفيف أوى بس بعد فترة بسيطه الصوت أختفى لوحدة و العزل أصبح زى ألأول . ممكن البربريز الجديد لسة مامسكش مكانه بنسبة 100% و مع الوقت السليكون هايمسك بشكل كامل و العزل هايرجع ان شاء الله زى ألأول.

[Moustafa_Kamel]

أنا برضه بعد ما غيرت البربريز القدمانى قعدت فترة بحس أن العزل قل فى العربية و أن فى صوت هوا خفيف أوى بس بعد فترة بسيطه الصوت أختفى لوحدة و العزل أصبح زى ألأول . ممكن البربريز الجديد لسة مامسكش مكانه بنسبة 100% و مع الوقت السليكون هايمسك بشكل كامل و العزل هايرجع ان شاء الله زى ألأول.

انا برده حصلت معايا لما غيرت الازاز بتاع بيجو 406 فى التوكيل و بعد فتره صوت الهوا راح

[Fadi Ezzat]

دة بيرجع لسوء نوع السليكون
بجد لو حد جرب سليكون البناء الحديث هيعرف الفرق كويس فى العزل وطبعا قوتة

[hima1975]

دة بيرجع لسوء نوع السليكون
بجد لو حد جرب سليكون البناء الحديث هيعرف الفرق كويس فى العزل وطبعا قوتة

انا صبرت شوية ولغاية دلوقتى نفس القصة ... اقلهم جربوا سيليكون البناء الحديث ؟ هجرب وهشوف !
وهبقى اقولكم النتيجة... هم بصراحة متعاونين جدا وقالى تعالى تانى وانا اشيل الزجاجواركبه تانى قدامك.