ستاير الهوندا سيفيك الكبس

[م/محمد صلاح]

السلام عليكم يا جماعه وكل سنه وانتو طيبين
طبعا انا كنت مفيم العربيه والمرور طلع عينى زيى زى اى مواطن مصرى مقهور بيتعب من الشمس
بعد طول تفكير قررت ان شاء الرحمن انى اجيب ستاير كبس
السؤال هنا ياترى الستاير الكبس للهوندا سيفيك 2007 اجيبها منين وهلاقيها بكام؟
شكرا مسبقا للرد والاهتمام

[h_zahra]

التوفيقية فيها كل حاجة
وتقريبا سعرهم 150 طقم من 3 قطع
بس نصيحة دور على الخامة الجيدة
يعنى افتح الكيس وانت واقف قبل ما تدفع فلوس وشوف الخامة
علشان فى اكتر من مصنع

[DrMax]

انا جايب طقم 3 قطع للانسر والستارة خامتها دبل يعنى معتمة شوية ب 60
بس عشان يبقى عندك خلفية المرور بيرخم عليها برضو خصوصا اللى فى الجناب...وقفونى مرة فى عباس العقاد وكانو هيسحبو الرخص لولا الظابط استزوق معايا عشان طلع من طنطا زيى :) ودانى الرخص وقالى خد بالك عشان الستاير بيتسحب عليها الرخص
انا دلوقتى شايل الجناب وبحطهم بس لو فى مشوار سفر طويل فابقى خد بالك من اللجان

[nazekbakr]

طبعا الستاير ياباشا بيتسحب عليها الرخخص لانها منافية للقانون زيها زي الفامية ينطبق عليها حاجب الرؤيوةة انصحك بلاش يا تخلي بالك وربنا يسترهاا معاك

[م/محمد صلاح]

هو حصل مع كذا واحد صاحبى ان الظابط رخم بس شالوها فى ساعتها ومشيو عادى ... اللذيذ انها بتتشال وتتركب تانى .. يعنى ممكن لو فى مكان عارف ان فيه قلق اشيلهم وبعد كده اركبهم عادى
ممكن بس اعرف التوفيقيه دى فين؟ واروحلها ازاى؟ وهل هلاقى طقم للعربيه كلها ولا الزجاج الخلفى والخلفى الجانبى بس؟ انا عايز 5 قطع مش 3

[م/محمد صلاح]

يا جماعه انا كلمت حماده غزى وقاللى الطقم ال 3 قطع ب 180 والخمس قطع ب 280
كده غالى ولا ايه؟
بصراحه انا جربت حماده فى الفوانيس السبورت بتاعة الهوندا الجديده ولقيته اغلى 200 جنيه عن بره ومابيرضاش يفاصل ومعاملته واقفه مش عارف ليه

[mshamy]

يا جماعه انا كلمت حماده غزى وقاللى الطقم ال 3 قطع ب 180 والخمس قطع ب 280
كده غالى ولا ايه؟
بصراحه انا جربت حماده فى الفوانيس السبورت بتاعة الهوندا الجديده ولقيته اغلى 200 جنيه عن بره ومابيرضاش يفاصل ومعاملته واقفه مش عارف ليه

انا كنت شاري طقم 3 قطع للسيفيك ال 2005 من عند واحد معرفة ب 150 جنيه وكان حماده بيبيعه ب 175
بالنسبه للفوانيس اسعار حمادة فعلا غالية عن السوق في حدود 100 جنية (بس أتأكد يا باشمهندس من ان السعر يشمل التركيب )