سؤال بالنسبة للكبالن

[m3touk_85]

السلام عليكم ورحمة الله وبركاته


انا عندي رجة بتحصل فى السلانسية فقط ولكن لما ازود عن 20 بيبقي كل حاجة تمام والسحب ممتاز , او السبب كبالن واللي عايز اعرفه

اجيب كبالن جديدة ياباني ( بس مش هوندا اصلي ) ولا اجيب استيراد علما باني مش من هواة السرعة يعني اخري 120 130 وده فين وفين ( داخلية وخارجية )

وهل فى تعلية السيارة اثر على الكبالن ( سؤال بره الموضوع ) :)

[M_Nabil]

وعليكم السلام ورحمة الله

الرجه دى ممكن تكون الرشاشات محتاجه تنظيف، الكبالن ممكن تجيبها إستيراد مافيش فيها مشكلة بس أكشف على اللى عندك الأول وأتأكد انهم محتاجين تغيير أعرضهم الخارجى بيطقطق في الملفات ومعروف صوتة والداخلى بيعمل هزة ورجة على الطوالى ولما تعمل كيك داون

[SAMEH_FOUAD]

ياعم محمد عربيتك دية يانجم العيب اللى فيها دة من الكوبلن الداخلى , وبردة اكشف على الكبالن الخارجية بس احنا عملناهم عشان كدة انا استبعدهم

ثانيا : عايزك ترصص الجنوط زى ماقولتلك

[arabmarket]

نفس المشكله عندى بحذافيرها بس انا مكشفتش على الكبالن ممكن تكون السبب

[m3touk_85]

اولا شكرا على الجميع على الردود بس على فكرة يا سامح احنا ما غيرناش الداخلية فقط المقاصات والبيض اما الكوبلن الداخلي تم تغيير فقط الراس مش الكوبلن كله

الرجه دي بتحصل فى الطوالي فقط لما باجي اطلع بس والرشاشات انا نظفتها وكانت المشكلة موجودة قبلها

فهي كبالن داخلية وبالمرة اغير الخارجية علشان بسمه طقة خفيفية خالص مش علطول فى الملفات

انا كنت بسأل الاستيراد كويس ولا هيقرفني

[SAMEH_FOUAD]

الاستيراد كويس بس تجيب الجنب كامل ببرشمة الفابريكة ماتجيبش راس لوحدها وكوبلن داخلى لوحدة كدة يبقى ملعوب فية
وبيعمل الجنب كامل 350 جنية