مشكله التطويل فى الدواره

[arabmarket]

حصل معايا اكثر من مره حاجه غريبه امبارح والنهارده زادت عن حدها وهى تطويله فى الدواره مره حصلت من فتره وكانت العربيه سخنه كنت بطلت وبعيدن دورت ما درتش وبكم محاوله دارت ومرات تانيه قريبه بقه من كام يوم والعربيه بارده الصبح ادور ابدا مش بتدور وعلى فكره البطاريه جديده لسه شاريها والبوجيهات لسه متغيره مفيش شهر يعنى مش عيب منهم

المهم رحت للميكانيكى النهارده فك السربنتينه ونضفها وقالى وحك الملح الى على الغطا وقفل ونضف فلتر الهوا وكشف عليها اجمالى وقالى تمام ودور دارت

ودلوقتى وانا رايح اصلى التهجد بدور مش بتدور تانى والمهم بقه المره دى فهمت ازاى ادورها وهو انى افضل دايس على المفتاح فى الكونتاكت فى وضع التشغيل لغايه ما تلقط ( بتغيب بس فى الاخر بتلقط )

لو حد يعرف بقه ايه العيب يقولى عشان اقول للميكانيكى يعملوه بدل ما يفتيلى فيها

[handoussa]

دى غالبا حاجة من التلاتة
1- شاكوش الاسبراتير اتاكد انه مش متاكل و ريشه سليمة
2- شوف طرمبة البنزين و ضغطها فى المسطرة اللى موصلة للرشاشات
3- اتاكد من المارش و شوف الشاربون لأنه ممكن يكون اتاكل

شوف كده و طمنى وانا تحت امرك

[koko2sue]

دي حاجه بتحصل عندي أنا كمان ... اللي بعمله إني بحضرلها بنزين قبل ما أدور و لما بعمل كده بتلقط على طول ... مؤقتا لغاية ما أروح للأخ هاني وتامر في السواح

[M_Nabil]

تمام الكلام ده بالاضافة ممكن يكون كتاوت طلمبة البنزين ضعيف و محتاج يتغير

[arabmarket]

دى غالبا حاجة من التلاتة
1- شاكوش الاسبراتير اتاكد انه مش متاكل و ريشه سليمة
2- شوف طرمبة البنزين و ضغطها فى المسطرة اللى موصلة للرشاشات
3- اتاكد من المارش و شوف الشاربون لأنه ممكن يكون اتاكل

شوف كده و طمنى وانا تحت امرك

شكله كده فعلا شاكوش الاسبراتير انا كنت كتبت فوق السربنتينه معلش انا على قدى شيه فى العربيات هو فعلا اسمه الاسبراتير هحاول ارفع صورته عشان يكون قصدى سليم وعموما انا فكيته الصبح هو شبه المروحه كده صح ؟؟ وفيه فعلا ريشه واحده وكانت متاكله بس انا برده مش عارف اذا كانت كده متاكله ولا لأ لانى مش عارف شكله الاساسى ايه ؟


المهم كان معايا واحد صاحبى نزلنا الحرفين عندنا فى اسكندريه وش صلاح الدين ندور علي الاسبراتير كله ومش عارف صح ولا لأ يعنى نغير الاسبراتير كله ولا الريش بس هى الى بتتغير ؟ وتعملها كام تقريبا لانى سمعت ان الاسبراتير كله بيكلف 3000 جنيه ده صحيح ؟ وسمعت كمان ان ممكن اصلح الريش بس فهل تصلحيها هو الصح ولا تغيرها اصلا ولا كله بقه هيتغير

وممكن ندور العربيه ازاى انا النهارده طلع عينى فى المواصلات وعرفت ان الله حق فى الصيام ده عاوز ادورها بس اروح للميكانيكى

المساعده يا هونداويه

[Yones]

بصراحة معرفش سعر الاسبراتير قد ايه
بس صعب قوى يبقى غالى كده 3000 جنيه كتير جدا ده كده بسعر محرك

[handoussa]

ليييييييييييييييييه 3000 جنييه ليييييييييييه انت هتغير شورت بلوك و لا ايه اخره يوم ما يتنطط 500-600 جنيه وانت مش محتاج تغيرو اصلا انت اخرك تجيب الشاكوش ده وتغيره و مش هيفرق اذا كان استيراد ولا جديد هاته واتاكد من شكله و ريشه و ركبه و العربية هتدور من لدعة

[handoussa]

الشاكوش ل 100 جنيه بس و لو غنوا عليك قولى وانا انزل اجيبلك واحد و ابعتهولك مع يجو 7 راكب ور حاجة ده الناس بقت اسنغفر الله العظيم عاوزين يشمطوا وخلاص

[arabmarket]

تسلم يا صاحبى الله يخليك ويبارك فيك السعر الى قولتهولك ده الميكانيكى قالو لاخويا وهو بيسألو على موضوع الدوراه ده وهتلاقيه ملوش فى الهوندا

عموما بكره هنزل اشوفه وهقولك عملت ايه ولو احتجتك اكيد هرجعلك الله يكرمك ويخليك بس عشان اكيد متأكد الشاكوش ده الى هو جوه العلبه الى على شمال الموتور صح ؟الى بتوصل على البوجيهات صح ؟

الشاكوش ل 100 جنيه بس و لو غنوا عليك قولى وانا انزل اجيبلك واحد و ابعتهولك مع يجو 7 راكب ور حاجة ده الناس بقت اسنغفر الله العظيم عاوزين يشمطوا وخلاص

[arabmarket]

هو الصور بتترفع هنا ازاى اا بحاول ارفع صوره عاوز اوريك السربنتنه مش عارف كل ما ارفع الصوره يقولى فشل رفع الملف زهقنى بجد !!

[hondaman]

مفيش اسبرارتير لعربيتك تمنة 3000 جنية دى اشتغالة

[M_Nabil]

هو الصور بتترفع هنا ازاى اا بحاول ارفع صوره عاوز اوريك السربنتنه مش عارف كل ما ارفع الصوره يقولى فشل رفع الملف زهقنى بجد !!

هتدخل على الموقع ده

العملاق لتحميل الصور

بعد كدة هتكنب الثلاثة أرقام وتعمل Browse وتحدد الصورة من على جهازك وتدوس رفع الصورة بعد كدة تعمل copy لنسخ رابط الصورة بعدها تيجى هنا في الموضوع تدوس على الشكل ده وتعمل paste و ok وشكراً على كدة

هاا فهمت حاجه؟

[arabmarket]

عيييييييب يا ابو نبيل

مش هو ده الاسبراتير الى فى الصوره وهو ده الى فيه شاكوش الاسبراتير الى بيكون اول ما افك الغطا ؟؟

هتدخل على الموقع ده

العملاق لتحميل الصور

بعد كدة هتكنب الثلاثة أرقام وتعمل Browse وتحدد الصورة من على جهازك وتدوس رفع الصورة بعد كدة تعمل copy لنسخ رابط الصورة بعدها تيجى هنا في الموضوع تدوس على الشكل ده وتعمل paste و ok وشكراً على كدة

هاا فهمت حاجه؟

[handoussa]

ايوه هو مضبوووووووووط

[arabmarket]

معلم handoussa انت اسمك ايه الاول يا صاحبى معرفتك كنز يا كبير :)

بعد الفطار هجيب الميكانيكى يجى يبص يتاكدلى بس انه هو السبب عشان ما افكش وروح اشتريه ويطلع مش منه وربنا يجيبها خفيفه باذن الله

وهريح نفسى وهجيبه من التوكيل وخلاص انت بتقول 100 ج يعنى اعتقد هلاقيه اغلى شويه فى التوكيل وبرده هبص بره للمعرفه اصل بتوع الهوندا هنا قليلين مش كثير