ممكن تفاصيل عن صيانة هوندا سيفيك 90

[nanoelzainy]

بسم الله الرحمن الرحيم

السلام عليكم ورحمة الله وبركاته

ممكن اعرف معلومات وتفاصيل عن هوندا سيفيك 90 يعنى عن الصيانه وازاى اتعامل معاها
وازاى احافظ عليها وافهمها لانى مش فاهمها ومعايا بقالها اكتر من سنه ونصف وحتى الميكانيكى والكهربائى بتاعها بحس انهم مش فاهمين كويس عاوز اعرف معلومات علشان اعرف اتكلم معاهم
وشكرا

[SAMEH_FOUAD]

معلوامات عن اية بالظبط وانت بتتعامل مع انهى ميكانيكى

وياريت تقول المشاكل اللى مواجهاك وحنا ان شاء الله نقدر نحلهالك

[nanoelzainy]

شكرا على ردك بس انا عاوزة اعرف تفاصيل ومعلومات عن عربيتى علشان انا مش عارفه اكتر من انها هوندا 90 هيدروماتيك وبس وكنت عاوزة اعرف اكتر عن امكنيتها وازاى اتعامل معاها

[ahm128]

انا كان معايا (ولمدة 7 سنوات )موديل 91 وهى نفسها 90 وكانت ex تكييف وباور وسنتر ومرايات كهرباء وفتحتة سقف كهرباء واوتوماتيك و محرك 1500 90 حصان وايه اسفسار تحت امركم

[SAMEH_FOUAD]

شكرا على ردك بس انا عاوزة اعرف تفاصيل ومعلومات عن عربيتى علشان انا مش عارفه اكتر من انها هوندا 90 هيدروماتيك وبس وكنت عاوزة اعرف اكتر عن امكنيتها وازاى اتعامل معاها

اولا حضرتك لازم تقولى العربية اللى عندك اوبشنها اية عشان نقولك معلوماتها

بالنسبة للتعامل معاها

اولا بالنسبة للمحرك :

حضرتك لو لسة شاريها بتغيرى سيور

وعندك سير كاتنية او سير( تقسيمة ) ودة لازم يتغير كل 35000 الف عشان تبقى فى السليم وتجيبة( اصلى )

وتكتبة غيرتية وعداد العربية عند كام وتزودى عليهم 35000 الف وتغيرية

* وضع نوع زيت حسب حالة المحرك يعنى لو الماتور خفيف يبقى تحطى معدنى واللى بيتغير كل 3000 الف كيلو

لكن لو حالتة حلوة ممكن تحطى زيت نصف تخليقى هيبقى حلو اوى

ويتم تغير فلتر الزيت كل 10000 كيلو فى حالة وضع نوع زيت 3000 او كل 15000 كيلو فى حالة وضع زيت كل 7000 كيلو

* سيور التكييف ان وجد والدينامو والباور ودةل بيقعدوا 30000 الف ومش لازم اصليين

* تغير بوجيهات بنفس نوع كود الماتور بتاعك لضمان افضل اداء

* الاهتمام بالكشف الدورى على المياة فى الردياتير والقربة كل اسبوع واذا كان فية نقص يبقى تروحى فورا تشوفى السبب فين او تقولى اللى بيحصلك وانا هنجاوبك

ثانيا الفتيس :

للمحافظة على الفتيس لاطول فترة ممكنة اولا اهتمى جدا بتغير الزيت كل 25000 الف كيلو وحطى زيت شيل او موبيل عندك الفتيس بياخد 3.5 لتر زيت يعنى هتجيبى 4 عبوات سعر العبوة 35 جنية ×4 هيبقى المجموع 140 جنية

* ماتعمليش كيك داون كتير للمحافظة على اجزاء الفتيس

* ماتنقليش نقلة غير اللى انت ماشية عليها فجأة دة بيلغبط برمجة الفتيس مثال :

لو ماشية على d4 على اى سرعة , وفجأة نزلتى للنقلة رقم 2 او d3 دة غلط على الفتيس على المدى القريب مش البعيد

ثالثا الاضواء التحذير الموجودة فى التابلوة

1: اذا اضيئت لمبة الزيت اثناء المشى : يبقى تقفى فورا على جنب وتبطلى العربية وماتحاوليش تدورى خالص
2: ضوء اشارة فرملة اليد لو نور وانت ماشية دة معناة قلة مستوى زيت الباكم عن الحد فى خزنة الباكم و لازم تتملى لحد ماتشوفى المشكلة فيها اية

دية اهم حاجات موجودة فى تابلوة العربية

ثالثا العفشة :

* الاهتمام بتربيط العفشة كل فترة والمراجعة عليها ( 6 شهور )
* مراجعة ضغط الاطارات كل اسبوع
* تيل الفرامل يتم تغيرة فى مواعيدة

دية الحاجات المهمة جدا فى السيارة واى استفسار انا فى الخدمة

[nanoelzainy]

اشكرك جدا
العربيه بتسخن منى لدرجه انى بنقط عرق
وف سحب العربيه بتنقل بصدمه وساعات بتتاخر ف النقل
العربيه معايا بقالها حوالى سنتين بس خبرتى فيها قليله جدا
وبشم ريحه بنزين محروق وانا ف العربيه
يعنى ايه 2d

[nanoelzainy]

العربيه هوندا سيفيك 90 هيدروماتيك
1300 cc

[nanoelzainy]

ماتعمليش كيك داون كتير للمحافظة على اجزاء الفتيس ???????يعنى ايه سورى

[nanoelzainy]

المفروض انقل ازاى انا بمشى على d4 ,ولما بقف فى الاشاره n ولما بركن p وخلاص

[nanoelzainy]

عاوزة اتعامل مع ميكانيكى وكهربائى كويس انا فى الحدايق القبه

[SAMEH_FOUAD]

اشكرك جدا
العربيه بتسخن منى لدرجه انى بنقط عرق
وف سحب العربيه بتنقل بصدمه وساعات بتتاخر ف النقل
العربيه معايا بقالها حوالى سنتين بس خبرتى فيها قليله جدا
وبشم ريحه بنزين محروق وانا ف العربيه
يعنى ايه 2d

العربية نفسها اللى بتسخن ولا عشان التكييف

لو مؤشر النفسة هو اللى بيرتفع يبقى كدة عنك مشكلة فى دورة التبريد لائما فية تسريب , كفاءة ثرموستات الحرارة ضعيفة فمش بتشتغل فى وقتها

تأخير النقل دة اولا هنجرب حاجة انك تغيرى زيت الفتيس وهتجيبى زيت شيل الخاص بالفتيس الاتوماتيك هتجيبى 4 عبوات سعر الواحدة 35 ×4 يعنى 140 جنية

بالنسبة لريحة البنزين يبقى حضرتك هتجيبى بوجيهات ngk يابانى اصلى واحد شمعة الخاصة بالكربراتير وكودها بيبقى BKR5E-11/ OR BKR6E-11

ماتعمليش كيك داون كتير للمحافظة على اجزاء الفتيس ???????يعنى ايه سورى

كيك دوان معناة تسقيط نقلة ودة بيحصل مثلا لما تكونى ماشية على 80 بيبقى طبيعى عندك الفتيس جايب النقلة الرابعة فحضرتك لو ضغطى مرة واحدة على اخر دواسة البنزين وشيلتيها سنة وضغطى تانى هتلاقى العربية سقطت نقلة وبدل ماتبقى على الرابع هتبقى على الثالث ودة بيحصل فى وقت الشد والسرعة

ودة طبعا بيبهدل الفتيس

المفروض انقل ازاى انا بمشى على d4 ,ولما بقف فى الاشاره n ولما بركن p وخلاص

تمام اولا ماتحركيش عصاية الفتيس غير لما تدوسى على الفرامل حتى لو واقفة دة بحافظ على الفتيس قوى عشان الحركة المفاجئة للفتيس

ثانيا ماتجيش جنب الفتيس غير لما تكونى واقفة ,او تدوسى على الفرامل

عاوزة اتعامل مع ميكانيكى وكهربائى كويس انا فى الحدايق القبه

اقرب حد ليكى من الحدايق

علاء حفنى اللى فى جسر السويس دة كويس جدا ومش غالى
تليفونة

010 999 77 85
012 36 16 848
011 44 55 889

[nanoelzainy]

اشكرك جدا انت بجد ساعدتنى كتير وها حاول اعمل اللى قولتلى عليه وانشاء الله خير