سيفيك موديل كام في حدود 50 -60

[MAH22]

السلام عليكم يا شباب
اخوكم في ورطه انا محتاج اشتري عربيه و بعد لف و دوران و تدقيق وتمحيص
و اي بلد احسن و اي نوع احسن
بافكر بشكل كبير جدا في مستعمل سيفك
بس بصراحه مش عارف افضل موديل يناسب الفلوس اللي معايا
و لو في حد عارض حاجه للبيع يا شباب يا ريت
انا ميزانيتي في حدود 50 -60
اجيب سيفيك موديل كام

[SAMEH_FOUAD]

من 55 الى 60 يجيبلك السيفيك موديل من 96 الى 2000

وهتبقى 1500 سى سى كاملة ماعدا فتحة السقف

لو ممكن تزود شوية بتاع 2 او تلاث الاف تجيب الvti 1600 سى سى كامة واحدة 130 حصان بفتحة سقف وايرباج واحدة للسائق + فرامل مزودة بنظام abs اتوماتيك وبتبقى عاملة 62 الف

واهم حاجة تكشف عليها كويس وخصوصا الشاسية + كبس الماتور لو اقل من 78 % ماتخدهاش

السيفيك عموما كويسة جدا كسيارة واعتمادية عالية بس اهم حاجة يكون اللى قبلها محافظ عليها وبيعملها صيانتها عند اللى فاهم يعنى اية هوندا مش اى حاجة وخلاص

واى حاجة اخواتك هنا موجودين

[MAH22]

الف شكر لسرعة ردك انا مكنتش مستني السرعة دي بصراحه
بس الف شكر ليك
بس من الردود ها انا شايف ناس كتير بتشكر في موديل 93 مع انه اقل و ارخص

[SAMEH_FOUAD]

موديل من 92 الى 93 اشد موديل فى السيفيك الصراحة

الهوندا كلها نظيفة الصراحة بس الموديل دة بيبقى مطلوب اكتر لقوتة وثباتة عن الموديل اللى بعدة

[mr_sameh]

انا ابن خالي شاري عربيه 92 وبيشكر فيها جدا

[elosos2002]

اخي العزيز
بالنسبة للاسعار طبعا حسب السوق و حسب حالة العربية وعامة موديلات هوندا ( التسعينات تحديدا ) ممتازة جدا و انا جربت الشكلين (هوندا 93 مانيوال ) وحاليا (98 vti) طبعا الفرق واضح ومحسوم لصالح ال vti و العربية لغاية 180 مسطرة ثبات خرافي مش عارف الاخ الغالي semsem kane جاب حتة ان الثبات والقوة في الموديلات دي مش كويس منين ؟؟؟
(موديل من 92 الى 93 اشد موديل فى السيفيك الصراحة

الهوندا كلها نظيفة الصراحة بس الموديل دة بيبقى مطلوب اكتر لقوتة وثباتة عن الموديل اللى بعدة )
اللهم الا ان كانت مش علي وضع الفبريكة (توطية و تسقيط موتور وعفشة و الكلام دة)
الاتنين معايا وكويسين وطبعا انا بتكلم ع الوضع الاستاندرد انما ال vti زي الفل ومتفوقة بمراحل
فا صدقني اي موديل في الاتنين بس شرط الحالة الكويسة ان شاء الله هاترتاح فية
وطبعا دة رأيي مع احترامي لكل وجهات النظر الاخر و النقاش الغرض منة ان الكل ينقل خبرتة و نستفيد من بعض

[SAMEH_FOUAD]

اخي العزيز
بالنسبة للاسعار طبعا حسب السوق و حسب حالة العربية وعامة موديلات هوندا ( التسعينات تحديدا ) ممتازة جدا و انا جربت الشكلين (هوندا 93 مانيوال ) وحاليا (98 vti) طبعا الفرق واضح ومحسوم لصالح ال vti و العربية لغاية 180 مسطرة ثبات خرافي مش عارف الاخ الغالي semsem kane جاب حتة ان الثبات والقوة في الموديلات دي مش كويس منين ؟؟؟
(موديل من 92 الى 93 اشد موديل فى السيفيك الصراحة

الهوندا كلها نظيفة الصراحة بس الموديل دة بيبقى مطلوب اكتر لقوتة وثباتة عن الموديل اللى بعدة )
اللهم الا ان كانت مش علي وضع الفبريكة (توطية و تسقيط موتور وعفشة و الكلام دة)
الاتنين معايا وكويسين وطبعا انا بتكلم ع الوضع الاستاندرد انما ال vti زي الفل ومتفوقة بمراحل
فا صدقني اي موديل في الاتنين بس شرط الحالة الكويسة ان شاء الله هاترتاح فية
وطبعا دة رأيي مع احترامي لكل وجهات النظر الاخر و النقاش الغرض منة ان الكل ينقل خبرتة و نستفيد من بعض

اذيك ياباشا يارب تكون بخير

اولا طبعا انا من كلامى على هوندا الموديلين دول هنقول ان مافيش فرق مابين العفشة ولا المواتير لان دة بيركب هنا ودة بيركب هنا سواء ماتور او عفشة , الاختلاف كلة فى التقفيل بقى احلى , السيارة تم اضافة شبكة للمقدمة الامامية وتغير فى الفوانيس الامامية والخلفية

لكن الفرق بقى فى قوة الماتور لصالح السيفيك 93 لانة 1600 مقابل 1500
الثبات خلى بالك ان المويل دة اوطى من الموديل اللى بعدة ودة اللى مديلة ثبات , دة غير وزن الماتور اتقل من الجيل السادس , وكمان الطنابير فى الجيل الخامس ديسكات خلفية بعكس الموديل اللى بعدة طنابير واكيد انت عارف الفرق بين الاتنين
لكن السياراتين ماعليهمش اى خلاف الاتنين اعتماديين جدا جامدين جدا , ثبات عالى

بالنسبة للvti طبعا احلى من ال93 من حيث مواصفات الامان لكن كقيادة واحد

تقبل تحياتى ياباشا

[elosos2002]

ربنا يكرمك يارب الحمد لله والشكر لله بخير ونعمة
اعتقد ان حضرتك تقصد بموديل 93 ال sir تحديدا لانها هيا اللي 1600 في الموديل دة وكمان هيا اللي العفشة ورا ديسكات مش طنابير
وباقي الموديلات المتعارف عليها بخلاف ال sir في الجيل الخامس في حدود معرفتي بتبقي1400او 1500 وطنابير ورا مش ديسكات وكمان فية منها هاف بور وغالبا ما قبل ال 93 بتبقي كربراتير وهاف انجكشن مش فل انجكشن زي الجيل السادس اللي هوة برضة تقريبا نفس قواعد المكنة مع اختلافات بسيطة في شكل الموتور والاسبراتير والعفشة تقريبا واحدة و برضة ماعدا ال sir بتبقي برضة في الجيل السادس 1600 2 كامة وديسكات و abs وطبعا ال vti بتبقي 1600 كامة و احدة في تك وطنابير مش ديسكات وباقي الموديلات(lx-dx-ex-........) ايضا 1500 و 1400
وموضوع ان موديل اوطي من التاني معتقدش ان الفرق كبير بين الاتنين للدرجة اللي تعمل الفرق اللي يخلينا نقول ان دي ثابتة و دي اكثر ثباتا و برضة كلة بقي في متناول الجميع بالعفشة الرياضية او بقص اليايات والهوندا الموديلين دول بيليق عليها اوي لما بتكون متهبطة
وطبعا لو حد من اخوانا الخبراء يحب يضيف حاجة نكون شاكرين وادينا بندردش سوا
شكرا

[M_Nabil]

بخلاف الـ SiR موديل 93 الـ Si بتكون ماتور 1600cc و 2 كامة بدون نظام الـ Vtec والفرامل الخلفية ديسكات

[elosos2002]

شكرا علي الاضافة والتوضيح اخي الكريم