ميكانيكيه الهوندا فين؟

[شريف]

السلام عليكم
حد يعرف ميكانيكى بيفهم كويس فى الهوندا عشان لو يكشف على عربيه

[sab3aawy]

فيه واحد مشهور اوى فى الحرفيين بتاع هوندا ، هو سودانى واسمه رفعت قلينى

ويعتبر وفقا لشهادة من تعاملوا معه من افضل الميكانيكية فى مصر فى السيارات اليابانى عموما والهوندا خصوصا

هو من النوع اللى بيلبس بالطو وجوانتى، ولما هتتعامل معاه هتحس انك بتتعامل مع دكتور بس هو فعلا دكتور فى الهوندا

بس تنبيه بسيط جدا، لازم تغسل العربية كويس قبل ما تروحله، متروحلوش بعربية موتورها مزيت بقاله سنين متغسلش، او لو هاتشتغل فى العفشه برضه متكونش بقالها سنين متغسلتش علشان هو إنف شوية ، بس برضه وفقا لكل اللى اتعاملوا معاه النتيجة اللى بتطلع بيها من عنده تستاهل

موبايله:0101818170

[شريف]

متشكر جدا جد االحمد للة انا كنت حاطط اسبوع عقبال محد يرد و فى اليوم السادس سبعاوى بنفسة خيب ظنى و رد علية
انا محتاجة عشان كنت هودى عربية يكشف عليها بس مش شغل تصليح
بس اى واحد ممكن يكشف مش شرط يكون شغال فى الموديل
وبكرر شكرى ياباشا

[kimoboy]

There is also one that works only in Honda in Harafyeen his name is Adly, he used to work at the Honda dealer, and he owns the fastest Honda in Egypt ;)

[Adham]

بص في الحرفيين فية كذا حد كويس بيشتغل في الهوندا

منهم محمود فريد اللي في الأول جنب البنك

و فية محمد سعيد اللي جنب موقف السوبر جيت و دة كان بيشتغل اصلا في توكيل هوندا

و فية واحد اسمة محمد عيد جنب المطراوي بتاع الشكمانات
ودة بيفهم كويس قوي في الهوندا من سنين بس من كذا سنة بقى بيستورد قطع غيار استيراد من برة(هولندا) بس استااااذ في العربيات الهوندا

وكمان فية واحد تاني مش عارف اسمة هو في البلوك اللي ورا محمد عيد على طول برضة ميكانيكي هوندا كويس قوي و بتاع تعديلات

و بالنسبة لبتوع قطع غيار هوندا برغم انك مسألتش بس انا حاقولك

في الحرفيين عندك توشكي (المهندس محمود) اللي جنب المزرعه
و جنبة علي عبد الرحيم
الاتنين كويسين قوي و فاهمين و اسعارهم كويسة جدا جدا

و في شارع السودان من ناحيه الكيت كات فية الشركة الاسلامية (البخاري) بس خللي بالك لو انت مش عارف الاسعار كويس و حاتلابط معاه حايغللي عليك

و فية التونسي برضة في شارع السودان تحت كوبري المحور بس اسعارة غالية

و فية حفني اللي في الاميرية برضة اسعارة غالية و بتاع اشتغالات شوية

و فية قورة اللي في جسر السويس قدام عمارات الميريلاند دة كويس قوي و اسعارة كويسة و محترم و مش بيغللي

ولو حضرتك عاوز اي مشورة في قطع غيار هوندا انا تحت أمرك

اصل بقالي من سنة 1991 راكب هوندا

[شريف]

متشكر جدا جد يا استاذ ادهم

[valenteeno80]

محدش يعرف بتوع اسكندريه مين؟
:?:

[discman]

بارك الله فيك انت فعلا افدتنى

[AOMARA]

وفي واحد أسمه محمود و دا كويس و متخصص في الهوندا و ميزته أنه قريب.

دا لو أنت أخدت كوبري القبه من أمام الكليه الفنيه العسكريه و رايح على حدائق القبه و مشيت علطول لحد ما تنزل أخر منزل في شارع سكة الويلي.
أول ما تنزل من الكوبري أول شارع شمال في أول شارع يمين، و أسأل عن محمود بتاع الهوندا.
و جمبه واحد بتاع قطع غيار هوندا لو أحتجت أي قطعت غيار.

[SNIPER_333]

في الشافعي اللي في شارع دمشق شغال ! ومش بيغلي
لان حفني تحسه واثق زيادة عن اللزوم
وبالنسبة للميكانيكة في ناس كتير موجودة وبتفهم
بس في واحد وانت رايح علي ميدان المطرية من بعد ما بتعدي بنزينة موبل السواح(سواح الاميرية) -اللي ناحية القصر الجمهوري والروماني بتاع الجنوط -اديلوه ظهرك ومن جنب موبيل علي طول كانك رايح للمطرية عند مسمط المظلوم اسمه علاء ومسمي نفسه دكتور علاء ونظام لاب توب وسنتر وحركات بس بحس انه غالي بطريقة مش ولا بد !
ياريت حد يفيدنا اكتر

[refaat78]

يه دكتور للهوندا فى المهندسين جنب سور نادى التوفيقيه اسمه الأمير..هو محل قطع غيار وعنده ورشه..وكان شغال فى توكيل دبى

[ahm128]

انا أعرف واحد منذ فترة طويلة دكتور هوندا هو وااخواته وكانوا فى التوكيل اسمه فاروق واخوه محمود ده فى المعادى فى عمارات الشركة الكويتية وفى ميزة انه محترررررررررررررررررم جددددددددددددددددددددددددددددددا واسعاره رائعة

[El Prince]

طب سؤال لكل الاخوة اللى مجربي الناس دول
هل الميكانيكيه دول بيفهموا فى موضوع المواتير الـ V-tec بتاعت الهوندا و الحرق المذدوج و المستمر و الثمانية بوجيهات و الحاجات المعقدة دى ؟ و اخبار اسعارهم ايه فى الحاجات دى ؟
و لا لازم التوكيل ؟

[ahm128]

هو ده بيشتغل طبعا فى vtec لان من 92 محرك ال si كان كدة ومن بعد95 اعتقد هوندا كلها vtec ولكن معنديش فكرة عن الحرق المزدوج والحاجات دى

[ysalah]

في واحد اسمه منير خلف الوليد لقطع غيار السيارات ود صنايعي بجد تقدر تروحولو وكما بيعرف ربنا قوي