إعـــــــلان

Collapse

.

,
See more
See less

ارجوكم عايز مساعدتكم في مشكلة البنزين بالله عليكم 100 كيلو في الصفيحة

Collapse
X
 
  • Filter
  • الوقت
  • Show
Clear All
new posts

  • ارجوكم عايز مساعدتكم في مشكلة البنزين بالله عليكم 100 كيلو في الصفيحة

    اخوني الكرام
    انا معايا عربية هوندا اكورد موديل 1990 وفي الرخصة موديل 1991 وهيا عربية حالتها فوق الممتازة ونظيفة جدا وصالونها رائع ومريحاني في كل شي هي اوتوماتك و ماتورها 2000 سي سي

    مشكلتها الازلية اللي تعبت ومش عارف احلها ازاي هي البنزين ,,, استهلاكها للبنزين عالي جدا يعني بتعمل 100 كيلو في الصفيحة وتشغيل المكيف متوسط تقريبا

    متخيلين 100 كيلو في الصفيحة ولما بفول العربية علي الاخر بتوصل لعلامة e بعد 250 كيلو بالضبط يعني 50 لتر بيمشوني 250 كيلو بس

    طيب حقولكم انا عملت اية سالت ناس كتير متخصصين وروحت لمراكز هندسية متخصصة في الهوندا بس

    اولا قالوا ليا شوف الخراطيم بتاعتها ممكن يكون في خرطوم من تحت مقطوع او مشقق وبينزل بنزين شوف كل توصيلات البنزين وملقتش اي حاجة خالص والخراطيم اللي راكبة الاصلية بتاعة بلادها متغيرتش ورفعت العربية واتاكدت بنفسي

    ثانيا قالوا ليا شوف التاكيهات ممكن تكون مفتوحة اوي ودة بيخليها تاكل بنزين ظبطها علي الشعرة ومطلعش العيب منها خالص

    ثالثا حالة الموتور وحالة الفتيس ممتاااازة لان لو الفتيس فية مشاكل ممكن تاكل بنزين بس لاسف الموتور والفتيس ممتازيين جدا جدا

    رابعا يبقي المشكلة في الكرابتير روحت لناس متخصصين في الكرابتير ومشهورين جدا بالكفاءة وفكوة وشافوة وقالوا ليا الكرابيرتير ذي الفل دور علي اي حاجة تانية غير الكرابيرتير لان ذي الفل وممتاز جدا قلتلهم يعني مغيروش واجيب واحد استيراد قالوا لي لا طبعا الكرابيراتير بتاعك ممتاز

    مع العلم اني لوفكرت اجيب كرابيراتير جديد 4900 جنية

    وتسارع العربية معايا حلو جدااااااا رغم اني بحط بنزين 80 الا ان سحبها ممتاز وبتشد معايا ذي ما انا عايز

    البوجيهات غيرتها وغيرت فلتر الهواء وكل حاجة ومفيش فايدة برضو

    تعبت ومش لاقي حل خالص ومش عارف اعمل اية واللي مخليني محبط لاني روحت لناس كتير متخصين في اصلاح الهوندا وورش كبيرة ومعرفوش برضو

    وضبط الموتور والار بي ام مضبوط وكل حاجة

    ارجوكم دلوني اعمل اية محتاج مساعدتكم لو سمحتم وجزاكم الله خيرا
    اللهم انت ربي لا اله الا انت عليك توكلت وانت رب العرش العظيم ما شاء الله كان وما لم يشأ لم يكن ولا حول ولا قوة الا بالله العلي العظيم اعلم ان الله علي كل شي قدير وان الله احاط بكل شي علما اللهم اني اعوذ بك من شر نفسي ومن شر كل دابة انت اخذ بناصيتها ان ربي علي صراط مستقيم

  • #2


    طيب العربية كانت بتعمل كام كيلو في الصفيحة الأول قبل الموضوع ده؟ ولا أنت لسه شاريها؟

    هو الاستهلاك عالى شوية بس حط في اعتبارك ان الماتور 2000 وكربراتير والعربية أوتوماتيك ممكن تكتب كود الماتور اللى عندك؟ وتقول أنت روحت لى مين من بتوع الهوندا
    [CENTER][B]HONDA THE POWER OF DREAMS[/B][/CENTER]

    Comment


    • #3
      جزاك الله خيرا علي ردك واهتمامك
      بصراحة معرفش كانت بتعمل كام الاول لانها مكملتش معايا سنة لسة شاريها من شهر 3 اللي فات

      وروحت الورشة الهندسية للهوندا في شارع السودان مركز متخصص لصيانة الهوندا وروحت لورشة جمب البيت في العمارات السعودية لاصلاح الهوندا برضو وروحت الحرفين عند واحد اسمة رفعت وروحت لمركز لصيانة السيارات اليابانيه في شبرا وروحت عند ياسر وخيري بتوع الكربراتير علشان الكربراتير

      مش عارف بقي اعمل اية تاني بجد

      وعلي فكرة لو تعرف محل حفني بتاع الهوندا انا ساكن هناك
      اللهم انت ربي لا اله الا انت عليك توكلت وانت رب العرش العظيم ما شاء الله كان وما لم يشأ لم يكن ولا حول ولا قوة الا بالله العلي العظيم اعلم ان الله علي كل شي قدير وان الله احاط بكل شي علما اللهم اني اعوذ بك من شر نفسي ومن شر كل دابة انت اخذ بناصيتها ان ربي علي صراط مستقيم

      Comment


      • #4
        شوف ياباشا

        انت استهلاك البنزين والعربية فابريكة داخل المدينة هتبقى 9.5 لتر فى ال100 كم يبقى المفروض ان العربية عندك تعمل فى الصفيحة هنقول 170 كم على حسب زحمة الطرق اللى موجودة اللى عندنا

        دلوقتى اولا اول حاجة انا عايز اعرفها بيجات البنزين اللى راكبة الكربراتير هل هية بتاعتها ولا اكبر وياريت تتاكد من الموضوع دة

        انت اتاكدت ان مافيش عندك تسريب فى التانك قبل ماتبص على اى حاجة وممكن مايكونش باين ولازم يتفك

        العربية ظبطت الاربى ام بتاعها عند 850 لفة لو اعلى من كدة هتلاقى العربية بتاكل بنزين سواء وهية ماشية او على السلانسية

        البوجيهات المفروض انك تركب البوجيهات الخاصة بالمحرك لان دية انسب حاجة لية

        انت طبعا بتقول ان الماتور الحمد لله حالتة ممتازة , طيب ماتقيس نسبة العادم وتشوف البنزين اللى مابيتحرقش قد اية

        وربنا يسهل كدة ونمشى معاك واحدة واحدة
        [CENTER][SIZE=6]SEMSEM KANE سابقا[/SIZE][/CENTER]

        [img2]http://nileup.com/up/uploads/nilemotors_13635570671.jpg[/img2]

        Comment


        • #5
          المشاركة الأصلية كتبت بواسطة semsem kane مشاهدة المشاركة
          شوف ياباشا

          انت استهلاك البنزين والعربية فابريكة داخل المدينة هتبقى 9.5 لتر فى ال100 كم يبقى المفروض ان العربية عندك تعمل فى الصفيحة هنقول 170 كم على حسب زحمة الطرق اللى موجودة اللى عندنا

          دلوقتى اولا اول حاجة انا عايز اعرفها بيجات البنزين اللى راكبة الكربراتير هل هية بتاعتها ولا اكبر وياريت تتاكد من الموضوع دة

          انت اتاكدت ان مافيش عندك تسريب فى التانك قبل ماتبص على اى حاجة وممكن مايكونش باين ولازم يتفك

          العربية ظبطت الاربى ام بتاعها عند 850 لفة لو اعلى من كدة هتلاقى العربية بتاكل بنزين سواء وهية ماشية او على السلانسية

          البوجيهات المفروض انك تركب البوجيهات الخاصة بالمحرك لان دية انسب حاجة لية

          انت طبعا بتقول ان الماتور الحمد لله حالتة ممتازة , طيب ماتقيس نسبة العادم وتشوف البنزين اللى مابيتحرقش قد اية

          وربنا يسهل كدة ونمشى معاك واحدة واحدة
          جزاك الله خيرا بجد
          ازاي اتاكد ان بيجات البنزين اللي راكبة بتاعتها ولا لا ؟؟؟ اروح لمين يعني
          هو انا لما روحت لبتوع الكربراتير قالوا انة ذي الفل ومفهوش اي حاجة
          والا بي ام تقريبا انا هديتة خالص حوالي 800 علشان مياكلش بنزين
          والبوجيهات اللي راكبة بتاعة المحرك فعلا
          اما الحاجة اللي فعلا معملتهاش اني مشفتش ان في تسريب في التانك ولا لا مع اني مش بشم اي رائحة بنزين خالص ومش بلاقي اي اثار وجود بنزين لما ببص علية من تحت

          حضرتك طيب ترشحلي افكة عند مين ويكشف علية ؟؟؟
          وربنا يبارك لك يارب
          اللهم انت ربي لا اله الا انت عليك توكلت وانت رب العرش العظيم ما شاء الله كان وما لم يشأ لم يكن ولا حول ولا قوة الا بالله العلي العظيم اعلم ان الله علي كل شي قدير وان الله احاط بكل شي علما اللهم اني اعوذ بك من شر نفسي ومن شر كل دابة انت اخذ بناصيتها ان ربي علي صراط مستقيم

          Comment


          • #6
            انا عندى نفس المشكلة بس عربيتي لانسر99 كربراتير 1300 وبتعمل 100 ك تقريبا في الصفيحة داخل البلد بالرغم انى مغير البوجيهات وفلتر البنزين والهوا من شهرين والميكانيكى قافل مسمار البنزين اللى في الكربراتير على الاخر
            [SIZE="6"][B][COLOR="Blue"]سبحان الله وبحمده سبحان الله العظيم
            [/COLOR][/B][/SIZE][SIGPIC][/SIGPIC]

            Comment


            • #7
              طيب والحل يا اهل الخبرة اعطونا نصائحكم وحلولكم وارائكم
              اللهم انت ربي لا اله الا انت عليك توكلت وانت رب العرش العظيم ما شاء الله كان وما لم يشأ لم يكن ولا حول ولا قوة الا بالله العلي العظيم اعلم ان الله علي كل شي قدير وان الله احاط بكل شي علما اللهم اني اعوذ بك من شر نفسي ومن شر كل دابة انت اخذ بناصيتها ان ربي علي صراط مستقيم

              Comment


              • #8
                اخى الحبيب انا شايف ان معاك ماروتى كمان اوعى تكون بتقارن الماروتى بالهوندا اكورد !!

                انا عاوز اقولك حاجه يمكن متنكش واخد بالك منها وهى ان ممكن تعمل سيرش على الانترنت على موديل العربيه معدل
                سحبها ايه ؟ اقصد ان الفبريكه اصلا ايه اقصد ان ممكن يكون هى استهلاكها عالى اساسا

                انا عربيه والدى متسوبيشى جلنت 2300 سى سى واستهلاكها مفترى فممكن يكون هى كده

                ولو فيه عيب تلاقيه ويتحل باذن الله
                [CENTER][FONT=Book Antiqua][SIZE=5][COLOR=Navy]Axis Freight Management[/COLOR][/SIZE][/FONT]
                [SIZE=3]Full Freight Solutions [/SIZE][/CENTER]

                Comment


                • #9
                  المشاركة الأصلية كتبت بواسطة arabmarket مشاهدة المشاركة
                  اخى الحبيب انا شايف ان معاك ماروتى كمان اوعى تكون بتقارن الماروتى بالهوندا اكورد !!

                  انا عاوز اقولك حاجه يمكن متنكش واخد بالك منها وهى ان ممكن تعمل سيرش على الانترنت على موديل العربيه معدل
                  سحبها ايه ؟ اقصد ان الفبريكه اصلا ايه اقصد ان ممكن يكون هى استهلاكها عالى اساسا

                  انا عربيه والدى متسوبيشى جلنت 2300 سى سى واستهلاكها مفترى فممكن يكون هى كده

                  ولو فيه عيب تلاقيه ويتحل باذن الله
                  جزاك الله خيرا كثيرا
                  سالت في النقطة دي طبعا وسالت ناس معاهم نفس عربيتي وقالوا ليا بتعمل 170 و 180 كيلو في الصفيخة وقالوا انت اكيد عندك حاجة غلط واقل واحد قال لي بتعمل 140 في الصفيحة وكانت عربيتة حالتها سيئة جدا وبتعمل 140 كيلو .
                  اللهم انت ربي لا اله الا انت عليك توكلت وانت رب العرش العظيم ما شاء الله كان وما لم يشأ لم يكن ولا حول ولا قوة الا بالله العلي العظيم اعلم ان الله علي كل شي قدير وان الله احاط بكل شي علما اللهم اني اعوذ بك من شر نفسي ومن شر كل دابة انت اخذ بناصيتها ان ربي علي صراط مستقيم

                  Comment


                  • #10
                    اهل الخبرة فين ؟؟؟؟
                    [SIZE="6"][B][COLOR="Blue"]سبحان الله وبحمده سبحان الله العظيم
                    [/COLOR][/B][/SIZE][SIGPIC][/SIGPIC]

                    Comment


                    • #11
                      اعتقد ان ممكن يكون السبب فى مشكلة فى العوامة او العداد بتاع منسوب البنزين ممكن يكون فى واحد فيهم فيه مشكلة فبالتالى القراءة بتاعت منسوب البنزين فى التانك مش مظبوطة
                      ممكن يكون احتمال... حضرتك اتاكدت من الموضوع ده؟؟

                      Comment

                      Working...
                      X