إعـــــــلان

Collapse

.

,
See more
See less

الحمد لله خطفت عربيت السيفيك (يارب نقراها تانى)

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    الحمد لله خطفت عربيت السيفيك (يارب نقراها تانى)

    فاكرين الموضوع ده

    الحمد لله خطفت عربيتى السيفيك

    طبعا الموضوع نفسه راح فى الوبا اللى حصل للمنتدى

    بسم الله نبدأ

    طبعا كنا وصلنا لغاية أنه عنى إختيارين

    إما أستعوض ربنا على كده والحمد لله برضه

    وأرضى بالأمر الواقع لأن البهوات مش عافين يجيبوها

    أو أخدها بدراعى ويحصل اللى يحصل

    وفعلا قررت اللجوء للحل التانى

    لأن مكنش عندى إستعداد أعيش باقى عمرى وأنا فى حسره

    على العربيه اللى ضاعت منى مرتين

    والتانيه بسبب كسل الظباط

    لأ وأيه قدام عينى ومش طايل أجيبها

    وكمان بنتى حنين كل يوم تسألنى عملت أيه يابابا

    جبت العربيه .. طب ضربت الراجل بالجزمه

    (زى ما وعدتها أنى لما أشوفه هاضربه بالجزمه )

    حنين 3 سنين ومش فاهمه يعنى إيه حرامى

    ويعنى أيه سرقه .. بس اللى قدرت أوصلهولها

    أنه واحد خد حاجه مش بتاعته

    ولما أشوفه هاضربه بالجزمه

    وكل ماتشوفنى تسألنى

    عشان ده وأكتر وعشان حسيت أن الموضوع بقى فيه رجوله

    أكون أو لا أكون

    وفعلا أنا عرف نفسى كويس

    مش هاعرف أعيش بعدها

    فاكرين لما كنت مش عارف مكانها

    كنت خلاص بحمد ربنا وأنزل أدور عليها

    إنما أبقى عارف هى فين ومجيبهاش

    ربنا مش هايسامحنى

    المهم ياساده إتفقت أنا والرجاله على تجهيز الرحال

    وهنصلى الفجر ونطلع على نفس المكان

    من بدرى كده ونختار مكان كويس وننصب الكمين

    وفعلا بعد لف وكذا مشوار إخترت الموقع ويتميز بالآتى

    قدامه كافيتريا يعنى سهل نلم الناس بسرعه

    على مطب بالإتجاهين عشان نقدر نوقفه

    أونوقف اللى قدامه وطبعا الطريق يقف

    فى نفس المكان فتحه بالرصيف

    الناس بتستخدمها يوتيرن وعشان كده المكان دايما زحمه

    المعسكر بقى كالآتى

    عربيه ملاكى اللانشيا بتاعة صاحبى اللى عارضها للبيع

    واقفه قدام اليوتيرن لقطع الطريق فى أى لحظه ودايره

    ناس قبل المطب بفتره كافيه لزوم التحذير بأشاره من غير ما البيه ياخد باله

    أربعه عند المطبات واليوتيرن لزم الظبط والتظبيط

    طبعا كلنا عمالين نرزع فى قهوه وشاى عشان نفضل صاحيين

    والناس بدأت تروح أشغالها ومنظرنا بقى ملفت للنظر

    عندنا الفضول هايموت الناس

    أنتوا مباحث ..صح ... قولتهم طبعا

    وكل واحد يشوف رايح فين عشان هيحصل ضرب نار دلوقتى

    طبعا كله جرى ....................

    فضلنا قاعدين فى القلق والتوتر ده وعينى عالإتجاهين مع بعض

    لما جاللى حول ليثى

    وكل لما أى حاجه حمرا تعدى الرجاله تستعد

    وبعدين إنذار كاذب

    لغاية الساعه 9 صباحا والمدارس دخلت واللى راح شغله خلاص

    والطريق بقى فاضى ..عربيه كل فين

    وكان فى إقتراح من عم مراتى ياللا نروح عند مدرسة الولد ونشوف هناك

    قولتوا لأ هوه لو مودهوش الصبح هايجيبه آخر النهار

    وبعدين هنستنى نص ساعه كمان

    بعدهابعشر دقايق ياحضرات

    ولقيت عربيتى جايه من بعيد ومحدش قدامها

    والمشهد كالآتى

    العربيه فيها أتنين قدام ومشفتش أنه فى حد ورا

    الطريق مفتوح ومفيش غير عربيه تويوتا جيب هيئه سياسيه

    وعربيه نص نقل بتحاول تلف اليوتيرن

    اللى حصل بعد كده كله فى ثوانى

    الإشاره تمت ..أنا عند العربيه التويوتا

    وقفت قدامه وقولتله ماتتحركش وخبطتين عالقزاز

    واحد قريبى عالعربيه النص النص نقل فى نفس اللحظه

    وقاله مباحث السيارات ولو إتحركت هاحبسك

    العربيه الانشيا بتطلع من المخبأ عشان تقطع الطريق

    كله مع بعض وفى نفس اللحظه

    أنا بنط من ورا العربيه الجيب بقت قدام الباشا

    وكان قافل القزاز وسايب عشره سنتى وقافل السنتر

    كان جنبه شومه لمحتها وأنا بعدى من جنبه كأنى معرفوش

    وف لحظه أيدى عاللوك والباب مع بعض

    وسحبته بره العربيه وأنا بمد أيدى فى ضهرى أفتكرنى بطلع طبنجه

    نزل وهو بيصرخ هانزل ياباشا ومن غير ضرب

    طبعااللى كان معايا شاكوش ( عشان لو كنت هاكسر القزاز )

    حطيته فى وشه وقولتلوا كلمه واحده

    هابرشمك

    نفس اللحظه اللى نزل فيها إستلمه أتنين واللى جنبه أتنين

    وطاخ ....دب ....طش ..... أى .... العيال بقو يقوموا ويقعوا

    ويصوتوا زى الستات

    طبعا أنا سلمت الرايه للشباب معايا وبركب العربيه

    وكانت دايره لقيت الواد الصغير كان فيها ونازل يعيط

    ويقوللى والنبى ياعموا سيبوا بابا

    وقعدت يتشعبط فى رقبتى

    والواد شكله نضيف صعب عليا بصراحه

    سلمته لواحد قريبى وقولتله محدش يلمسه وأبعده عن الخناقه

    لغاية ما أركن العربيه و أجيلك

    طبعا العيال فى وسط الضرب

    والله أنا شاريها من واحد فى طنطا ...بوم

    طنطا مين ياأبن التييييت ....خد

    طب ياباشا خدوا العربيه وسيبونا ....أى

    وحياة ماما ماهتشوفوا الشارع تانى ....خد ... أى .. بوم

    اللى يغيظ بقى كمان وكمان أنى طلعت على كمين المرج

    لقيت هناك عميد قولتلوا عاللى حصل بسرعه

    وقولتلوا العيال تحت مع قرايبى

    قاللى هاتهوملى هنا

    وطبعا كان فى كلام عن تظبيط المحضر

    والسيد فلان الفلانى وعلان العلانى أنتقل ... وضبط .. وأحضر ..

    وهما مش عايزين يتحركوا أصلا

    شكرا يا سيادة الحكومه الذكيه

    ورحت نازل لقرايبى

    كان العيال مستوييين عالآخر

    والواد الصغير هايقطع قلبى من العياط

    وقفت كده زى أفلام الشر وقولتهم كفايه كده

    الواد قاللى هاتسيب بابا ياعمو

    قولتلوا آه بس بعد ما آخد بطاقته

    طبعا البهوات مفيش ولا ورقه تثبت شخصيته

    مفيش غير رخصه عربيه تقريبا كان سارقها

    خدتها معايا ولقيت معاه ورقه فيها رقمين لقضيتين جنح الجيزه

    خدتهم برضه وقولت أكيد بتوعه ومنهم هايعرفوا يبقوا يجيبوه

    وطبعا قبل أى حد ما يسأل سبتهم

    هقوله آه للآتى

    أولا وقبل أى شىء الولد الصغير كان بيقطع قلبى من الصريخ

    ثانيا لو سلمتهم العربيه كانت هاتتحجز وتتقلب برضه

    وكان هايتعمل محضر مضروب أن البهوات هما اللى لقوها

    عشان لو قالوا اللى حصل ده يعتبر أدانه ضدى

    ثالثا كنت خلاص كلتهم بسنانى وأبتديت أهدى

    وضربتهم بالجزم زى ما وعدت حنون بنتى

    وحمدت ربنا أن إحنا مفيناش خربوش وكله سليم والحمد لله

    وتوته توته فرغت الحدوته

    دلوقت بقى ياريت الكل يقوللى أيه اللى إستفاده من الموضوع ده

    عشان أنا أفكارى وقناعاتى بالبلد والحكومه بدأت تتغير فعلا
    اللى حصل تانى أنه لقيت أتصال من أستاذ / حازم

    موظف بنك برضه

    وعربيته سيفيك 88 نفس شكل عربيتى

    وجاب رقمى من زميل من المنتدى

    المهم عربيته أتسرقت من المطريه تقريبا

    وبرضه حد شافها فى منطقة المرج

    وبيسألنى عملت أيه وجبت عربيتك أزاى

    فقولت أرفع اللى ألاقيه من الموضوع تانى

    عشان الكل يستفاد

    بس حاجه لأستاذ حازم

    محدش هيلاقيلك عربيتك!!!!!!!!!

    الحكومه مش هاتعملك حاجه!!!!!!!!!!!!!!

    وإنتظارها عشان تتحرك هايضيع عربيتك من أيديك صدقنى

    وجهز حالك وأأمن نفسك كويس

    وربنا يردهالك يارب

    وياجماعه بذكر تاتى

    أمنوا عربياتكوا كويس

    وأعملوا اللى عليكوا

    والباقى على ربنا
    :36_9_4:
    الكلمات الدلالية (Tags): الجلد, السيفيك, ثاني, خطفت, عربية, لله, نقراها, يارب
  • #2
    لا حول ولا قوة الا بالله
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

    Comment

    • #3
      الحمد لله

      أستاذ / حازم أتصل بيا تانى دلوقتى

      وقاللى أنه لقى عربيته مركونه فى عزبة النخل

      بس طبعا مدمره

      بس الحمد لله على كل شىء

      هوه دلوقتى بيجيب ونش عشان يشيلها

      وربنا يعينه على مصاريف إصلاحها

      وتانى ياجماعه خدوا بالكوا كويس

      الموضوع زايد قوى اليومين دول
      :36_9_4:

      Comment

      • #4
        لسا من شويه واحد بيشتكي عربيته سيراتو 2011 اتسرقت
        اموت واعرف ازاي بتتسرق
        هوا مش فيها اموبيلايزر؟؟

        الله المستعان

        دي من علامات آخر الزمان والله يصبرنا عالزمان


        تحياتي
        don't judge a car unless you have driven it

        hm414 سابقا

        Comment

        • #5
          و انا كمان هتجنن و اعرف ازاي اتسرقت
          يعني دورها ازاي
          http://www.facebook.com/home.php?sk=group_189600157746068&ap=1
          روووووبابكيا اي حاجه مستعمه (مش قديمه) للبيع
          شارك معانا

          Comment

          • #6
            لا حول ولا قوة إلا بالله
            [CENTER][B][SIZE=4]I NEED YOU[/SIZE][/B][/CENTER]

            Comment

            • #7
              أأأأأيــــــــــــــه يا طارق الحكاية دى ... انا بدأت اقلق على عربيتى ... اشمعنى الموديل ده فيه حوادث سرقة كتير كدة .
              استر يا ستيـــــــــــر
              [CENTER][FONT=Comic Sans MS][COLOR=gray][B][SIZE=6][I]وَمَا رَبُّكَ [COLOR=darkorange]بِظَلَّامٍ لِّلْعَبِيدِ[/COLOR][/I][/SIZE][/B][/COLOR][/FONT][/CENTER]
              [CENTER][COLOR=gray][B][SIZE=4][I]All The Power On Earth [COLOR=darkorange]Can't Change Destiny[/COLOR][/I][/SIZE][/B][/COLOR][/CENTER]
              [CENTER][SIZE=5][B][COLOR=DarkOrange]アフマド[/COLOR] [COLOR=DimGray]アミン[/COLOR][/B][/SIZE]
              [/CENTER]

              Comment

              • #8
                لا يا عم طارق انا عاوز الموضوع من اول ما كنت راكب تاكسى و شفت عربيتك و حطيت له ألف جنية على التابلوة و قلت له دى حلاوتك لو لقيناها .. أو من قبل كده كمان :-)
                [CENTER][B]القران الكريم بجودة صوت عاليه جدا[/B]
                http://www.nilemotors.net/Nile/230790-a.html[/CENTER]

                Comment

                • #9
                  ربنا يستر
                  [CENTER][shr71=http://img230.imageshack.us/img230/7454/gen2mainext02.jpg]Gen Lovely 2[/shr71][/CENTER]

                  [CENTER][SIZE=3][COLOR=purple][COLOR=black][COLOR=black][COLOR=blue][COLOR=black][COLOR=slategray]♥[/COLOR] [/COLOR]G[/COLOR][COLOR=darkred]e[/COLOR]n [COLOR=darkred]2[/COLOR] [COLOR=blue]A[/COLOR]st[COLOR=darkred]o[/COLOR]ni[COLOR=darkred]s[/COLOR]hin[COLOR=blue]g[/COLOR]ly St[COLOR=darkred]y[/COLOR]lis[/COLOR][COLOR=blue]h [/COLOR] [/COLOR][/COLOR][/SIZE][/CENTER]

                  Comment

                  • #10
                    يا باشا موضوعك لو كتبته الف مره عمرو ما هايتنسي و هانفضل نتعلم منه
                    عاوزينك تحكيلنا كمان عن تظبيط المحضر لما لفيتها
                    [mtohg=null]http://img339.imageshack.us/img339/9739/sigpic635107gif.jpg[/mtohg]
                    chevrolet club member no 16

                    Comment

                    • #11
                      واضح ان فيه مشكلة فى السيفيك الشكل ده , مش بهزر و الله اكيد مثلا سهلة الفتح او شىء من هذا القبيل.
                      [aldl]http://www.nilemotors.net/Nile/signaturepics/sigpic18771_2.gif[/aldl]
                      [CENTER][B][SIZE=6]نوبيرتى الحبيبة - يارب يخليكى ليا و يقدرنى على رد جمايلك[/SIZE][/B][/CENTER]

                      Comment

                      • #12
                        الحمد لله انك لاقيتها

                        انا من شهر و10 ايام شقتي اتقلبت زي مالكتاب بيقول واتاخد منها مايعادل 22 الف والبهوات عملو معاينه وكل مانروح نكع فلوس علي الحيوانات اللي هناك ومفيش اي خبر
                        بعديها باسبوع نفس الحرامي اتمسك بيسرق شقه تانيه والناس كلمونا واخدته وسلمته في القسم عشان يعترف علي اللي معاه وعلي مكان الحاجه اللي اخدها وبرده معملوش اي حاجه
                        واخرتها اتحكم عليه ب 6 شهور وشكرا علي كده

                        لو نعرف ان ده هيحصل مكناش سلمناه وكنا عذبناه لحد مانطق

                        الجميل في الموضوع ان والدتي كانت رايح تلف علي محلات الدهب وبالصدفه لقت عسكري داخل بلفه وبيقول لصاحب المحل الباشا بيقولك شوف دوول يجيبو كام
                        البشوات مش بيرجعو المسروقات لصحابيها - دوول بيقسموها علي بعض

                        Comment

                        • #13
                          المشاركة الأصلية كتبت بواسطة ahmedamin مشاهدة المشاركة
                          أأأأأيــــــــــــــه يا طارق الحكاية دى ... انا بدأت اقلق على عربيتى ... اشمعنى الموديل ده فيه حوادث سرقة كتير كدة .
                          استر يا ستيـــــــــــر
                          انا عاوز اشترى القفل بتاع الدركسيون
                          ده يعمل كام تقريبا يا جماعة و اشتريه من اين بالظبط و هل فيه منه انواع و ايه احسن نوع و فيه واحد بيربط فى الفرامل و الدركسيون و اخر بيربط فى الزجاج الامامى مين افضل
                          [SIGPIC][/SIGPIC]
                          السلام لكل الماروتى

                          Comment

                          • #14
                            انا عملت مشاركه من اكتر من ساعه ومش لاقيها هنا
                            حد يفهمني راحت فين

                            Comment

                            • #15
                              المشاركة الأصلية كتبت بواسطة aymanay32 مشاهدة المشاركة
                              انا عاوز اشترى القفل بتاع الدركسيون
                              ده يعمل كام تقريبا يا جماعة و اشتريه من اين بالظبط و هل فيه منه انواع و ايه احسن نوع و فيه واحد بيربط فى الفرامل و الدركسيون و اخر بيربط فى الزجاج الامامى مين افضل

                              هو القفل ده اخويا كان مشتريه بـ 35 جنيه وفيه منه لحد 65 جنيه وكله تقريباً صينى ، وبيتباع عند بتوع الاكسسوارات .
                              [CENTER][FONT=Comic Sans MS][COLOR=gray][B][SIZE=6][I]وَمَا رَبُّكَ [COLOR=darkorange]بِظَلَّامٍ لِّلْعَبِيدِ[/COLOR][/I][/SIZE][/B][/COLOR][/FONT][/CENTER]
                              [CENTER][COLOR=gray][B][SIZE=4][I]All The Power On Earth [COLOR=darkorange]Can't Change Destiny[/COLOR][/I][/SIZE][/B][/COLOR][/CENTER]
                              [CENTER][SIZE=5][B][COLOR=DarkOrange]アフマド[/COLOR] [COLOR=DimGray]アミン[/COLOR][/B][/SIZE]
                              [/CENTER]

                              Comment

                              السابق 1 2 template التالي
                              Working...
                              X