فعلا السفك الجديده فرملها وحشه؟!

[M.Akef]

بختصار يا شباب انا معايا 120 الف عشان اشتري عربيه جديده و طبعا جميع الانظار في السعر ده تلقي علي السيراتو بس انا مش بحبها اصلا و لو اشترتها هشتريها عشان مفيش غرها
لاني اصلا عاوز اجيب سفك 2009 فضيه مثلا بالسعر ده ولكن كل ما اسأل حد يقول لي دي مفهاش فرامل و الفرنا احسن منها و بيتكلمو عنها ولا كأنها هيونداي مش هندا! طبعا انا مكنتش مصدق الكلام ده لكن كتير اوي قالوه لي و كمان بررت العجز ده عشان الوزن الخفيف و العزم العالي هل دا صحيح يا جماعه فرملها ضعيفه مش زي الفنتزيا و الجتا مثلا؟ ولا زي البومه و السيراتو ولا زي اللوجن و الفرنا؟
تقبلو تحياتي
وشكرا

[Hondawy_2008]

فراملها زي الفل و لا فيها أي مشاكل

حلوة مفهاش فرامل دي فكرتني بهاني رمزي " يا جماعة حد يوقف الموتسيكل ده " ههههههههههههههههههههههه

[bedo13]

مين قال الكلام ده...
فرامل ال2009و 2010 احسن من 2007 و2008 عشان الفرامل الخلفية بقت سكاكين...

مع العلم انا جربت مع سيفيك 2008 ستوك الفرملة من سرعة 60كم/س وانا بالفيكترا سي فراملها الامامية قطر اكبر والخلفية سكاكين ووقفنا في نفس المسافة...

اللي قال الكلام ده معلش ما بيفهمش وبيقول كلام سمعة من مين وفلان سمعه من صاحبه اللي اصلا عربيته فيرنا مش سيفيك وجت سيرة السيفيك في النص فقال يبقى السيفيك فراملها وحشة...

ياباشا اتكل على الله وهات السيفيك وفكك من السيراتو...
لو مش كده هات مازدا 3 زيرو ب 122,500 مانيوال..

[SAMEH_FOUAD]

مين قالك ياباشا ان مافيهاش فرامل والله العظيم واحد بسيفيك 2010 vti كان بيجرى فى النفق وجايب بتاع 100 او 90 راح مدى غرزة حلوة كدة لقى الحارة اللى رايحلها وقفت وهو على السرعة دية مش عايز اقولك احترمتها قد اية كثبات وكمان كفرامل العربية اتمسمرت فى مكانها واللى يقولك كدة يبقى عمرة ماركبها , وانا كمان ركبتها ماشاء الله قوية , العربية دية عيبها حاجة واحدة بس انها ناشفة فى المطبات غير كدة شكرا

وبالنسبة للجيتا معلش ياباشا فرق التسارع والسحب لصالح السيفيك لكن جرب توقف الاتنين على سرعة 100 هتعرف



YouTube - Civic v Corolla v Mazda 3 Consumer Comparison by Edmunds.com

[solid_khaled]

هى العفشة نشفة اوى ؟ ولا زى الجيتا و اللكتافيا كدا؟

[haythamkmal]

العربية فراملها مش وحشة بس برده مش رقم 1 ، ومتقدرش تحكم اوى على قوة فراملها لان فى عوامل كثير بتأثر فى احساسك بقوة الفرملة زى العزل ، الكاوتش ، الـ اي بى اس ..... عن نفسى كان معايا قبل العربية دى سيفيك 98 و اول ما جبت العربية دى حسيت ان ال 98 فراملها اقوى بكتير بس بعد كده ومع التجربة اكتشفت ان ال abs بيخلى العجل ميصفرش جامد وبالتالى مبتحسش ان العربية بتفرمل ده طبعا بالاضافة ان مسافة التوقف للعربيات اللى فيها abs بتكون اكبر من العربيات اللى مفيهاش.

خلاصة الكلام العربية اكتر من ممتازة فى كل حاجة تسارع، ثبات، فرامل، صالون ، امان
عيبها الوحيد زى ما سمسم قال انها ناشفة شوية فى المطبات وده ناتج عن العفشة الرياضية وشوارعنا المنيلة بنيلة
وفى تعليق برده على حجم الشنطة انه صغير شوية لو هتقارنها بشنطة السيراتو او الالنترا او الجيتا.

[Moustafa_Kamel]

ماعندبش كلام بعد اللى قالوه الاخوه
بس احب اوضح ان فراملها مش على الشعره و ده اللى يوحي بان الفرامل ضعيفه بس لو حبيت تقف بسرعه هاتقف (اكبس فرامل و قولى على النتيجه)
اما بخصوص النشوفيه فهى فعلا انشف شويه من الفنتازيا و الجيتا

[M.Akef]

تمام يا جماعه ولله ريحتوني انا مكنتش مصدق بس الزن علي الودان امر من السحر
انا هبدء ادور ان شاء الله من النهردا و ان شاء الله انضم اليكم قريبا
و ياريت يا جماعه اي ملحوظه اخلي بالي منها بتبين ان السفك دي نظيفه ولا لا قولو لي عليها انا هجيب 2009 او 2010 لان طبعا فيهم بعض التغييرات و هجيب الlxi عشان تكون في حدود سعري هل كلامي صح؟
و معلشي بتقل عليكم عندي واحد صحبي باع عربيته معايا و بيشتري معايا و هو هيجيب الانترا كمله و طبعا لما نشتري هنطلع مع بعض و بيقول لي ابقا اخلي الهندا تمفعك قلت له اخرك معايا 150 هل العربيه هترفع راصي مع الانترا بعد ال150 ولا صحبي عنده حق؟(ملحوظه لو علي السواق فكان معايا الانسر ال1.3 بطلع بيها من اي عربيه لانسر 1.3 تنيا و حققت تسارع في 13 ثانيه ابل ما ابعها)

[haythamkmal]

يا باشا بالتوفيق ان شاء الله ، واهلا بيك هونداوى جديد
بالنسبة لموضوع الانترا ده ، العربية تسارعها قريب جدا من السيفيك بس متعديهاش ولا فوق ولا تحت الـ 150 ، وهقولك على سر لما كنت بشغل ال جى بى اس فى الهوندا كنت بلاقى السرعة فى العربية اعلى من السرعة اللى فى ال جى بى اس بـ 4 كم ، وكان الموضوع ده مضايقنى جدا ، بس ركبت عربية واحد صاحبى النترا بدون اى تعديلات فى الجنط ولا الكاوتش ولاقيت السرعة فارقة عن ال جى بى اس بـ 17 كم !!!

تمام يا جماعه ولله ريحتوني انا مكنتش مصدق بس الزن علي الودان امر من السحر
انا هبدء ادور ان شاء الله من النهردا و ان شاء الله انضم اليكم قريبا
و ياريت يا جماعه اي ملحوظه اخلي بالي منها بتبين ان السفك دي نظيفه ولا لا قولو لي عليها انا هجيب 2009 او 2010 لان طبعا فيهم بعض التغييرات و هجيب الlxi عشان تكون في حدود سعري هل كلامي صح؟
و معلشي بتقل عليكم عندي واحد صحبي باع عربيته معايا و بيشتري معايا و هو هيجيب الانترا كمله و طبعا لما نشتري هنطلع مع بعض و بيقول لي ابقا اخلي الهندا تمفعك قلت له اخرك معايا 150 هل العربيه هترفع راصي مع الانترا بعد ال150 ولا صحبي عنده حق؟(ملحوظه لو علي السواق فكان معايا الانسر ال1.3 بطلع بيها من اي عربيه لانسر 1.3 تنيا و حققت تسارع في 13 ثانيه ابل ما ابعها)

[solid_khaled]

اصل هبيع السيراتو عشان نشفة .. السيفك بردو مقرفة؟

[bedo13]

يا باشا بالتوفيق ان شاء الله ، واهلا بيك هونداوى جديد
بالنسبة لموضوع الانترا ده ، العربية تسارعها قريب جدا من السيفيك بس متعديهاش ولا فوق ولا تحت الـ 150 ، وهقولك على سر لما كنت بشغل ال جى بى اس فى الهوندا كنت بلاقى السرعة فى العربية اعلى من السرعة اللى فى ال جى بى اس بـ 4 كم ، وكان الموضوع ده مضايقنى جدا ، بس ركبت عربية واحد صاحبى النترا بدون اى تعديلات فى الجنط ولا الكاوتش ولاقيت السرعة فارقة عن ال جى بى اس بـ 17 كم !!!

ايه الكلام الغريب ده!!!
الفيكترا سي فيها حاجة في الكاسيت بتجيب السرعة ديجيتال..
المهم لما بشغله بلاقيه فارق 2كم عن العداد عند سرعة 60..
و4 كم عند سرعة 100 والفرق بيقعد يزيد كل ما السرعة تزيد..

الجي بي اس ده عالموبايل؟؟

[bedo13]

شكلي في الاخر هطلع بمشي 150كم/س وانا فاكر نفسي بمشي 200
ههههههه

[haythamkmal]

ان مش عارف العداد الديجيتال اللى فى فيكترا ليه علاقة بال جى بى اس ولا لا ، بس لو حضرتك عندك جى بى اس فى الموبايل ممكن تجرب بيه وقولنا اية النتيجة .
بس معتقدش ان الفكترا هتكون فارقه كثير لان الامان عندهم ضمير.

[haythamkmal]

!!!!!!!!!!!!!!!!!!!!!!!!!!!!!

اصل هبيع السيراتو عشان نشفة .. السيفك بردو مقرفة؟

[bedo13]

ان مش عارف العداد الديجيتال اللى فى فيكترا ليه علاقة بال جى بى اس ولا لا ، بس لو حضرتك عندك جى بى اس فى الموبايل ممكن تجرب بيه وقولنا اية النتيجة .
بس معتقدش ان الفكترا هتكون فارقه كثير لان الامان عندهم ضمير.

مالوش دعوة بالجي بي اس..
عموما هجرب بالموبايل واقولك..