إعـــــــلان

Collapse

.

,
See more
See less

عربية ابن اختى رجعت هى كمان..si فضى..ودى قصتها

Collapse
X
 
  • Filter
  • الوقت
  • Show
Clear All
new posts

  • عربية ابن اختى رجعت هى كمان..si فضى..ودى قصتها

    الف مبروك لكل اللى عربياتهم كانت مسروقه ورجعت..انا كنت كتبت هنا قبل كده عشان عربية ابن اختى اللى اتسرقت...الحمد لله لقيناها...بس كانت قصه غريبه بس سبحان الله ..الفلوس شكلها حلال.
    العربيه كانت اتسرقت من شارع دمشق فى المهندسين من حوالى شهر ونص وطبعا بلغنا ودورنا ولا حياة لمن تنادى....بس الموضوع سبحان الله فى ترتيبه
    هو كان عامل على الفيسبوك اعلان لكل اللى عنده....واحد مايعرفوش بس يعرف واحد صاحبه سمع ناس بتتكلم على قهوه ان واحد عربيته هوندا اس اى فضى مسروقه وحد قاللهم ان فيه عربيه فى الحى السادس اكتوبر مرميه بقالها فتره عند بنك الاسكان والتعمير وراح يشوفها لقاها مش هى...راح الواد ده كلم صاحبه قاله على اللى سمعه لأنه شاف عنده على الفيسبوك ان فى حد عربيته مسروقه...راح صاحب ابن اختى كلمه وقاله,,رحنا طالعين على اكتوبر الساعه 12 بالليل,,,وشفنا على النت فروع البنك فى اكتوبر لقينا كذا واحد..منهم واحد فى السادس,,,رحنا للفرع اللى فى الرابع مالقيناش حاجه...رحنا طالعين على السادس وطبعا ده فى اخر اكتوبر,,منطقه غريبه جدا..وبعيده ومفيش اى تواجد امنى فيها....قعدنا ندور على فرع البنك ده ومحدش عارفه خالص..لحد ما واحد دلنا عليه,,,رحنا لفينا وراه لقينا العروسه واقفه...مش عايز اقولكم على ابن اختى عمل ايه...راح جرى عليها وفتحها وقعد جواها ويحضن فى الدريكسيون...حاول يدورها مادارتش خالص..البطاريه نايمه تماما
    بصينا على العربيه من بره ومن جوه عشان نشوف الخسائر ايه...بصراحه العربيه اللى سارقها كان محترم..يعنى استخدام طبيب..
    مافيهاش خبطات الحمدلله...الاستبن مش موجود...العجله الاماميه نايمه....الكاسيت مش موجود..لكن غير كده كله تمام
    حاولنا نديها واصله..برضه مادارتش...وانا ببص جوه لقيت ضفيرة الكهرباء مكشوفه والقاعده بتاعة الكنبه متحركه من مكانها..فهمت علطول انها باظت منه وبيحاول يصلحها ومش عارف..معنى كده انه من المنطقه لأن العربيه كانت واقفه فى حته محترمه ومقفوله كويس...وكمان لقيت الهوك الامامى مربوط فيه حبل...ومعنى كده انها عطلت منه فى حته وجرها جابها هنا..بجاحه بقى
    طبعا انا قلقت لأن الساعه كانت بقت 2 والحته مقطوعه اصلا..كلمت ناس صحابى جالى 2 منهم وطلبنا ونش قالنا بعد ساعه يكون عندنا...جبت حتة حديد كانت مرميه على الارض وكل واحد فينا جاب حاجه تحسبا لأى معركه...بس الحمد لله مافيش حد جه لغاية ما الونش جه..بس طبعا لما جه عمل دوشه جامده وساعتها لقيت واحد جى يبص عشان يشوف اللى بيحصل وكان معاه تكتك...كنت متأكد ان هو الحرامى بنسبة 90% بس كنت بحاول اننا نخلص بسرعه لأنه مشى وقلت ممكن يجيب تعزيزات وييجى وانا خايف على هوندتى بصراحه..بس الحمد لله خلصنا ومشينا على الساعه 3ونص.....وطبعا خلال ال3 ساعات كلمنا النجده 3 مرات ولا حياة لمن تنادى....
    الحمد لله على كل شئ...المهم والخلاصه اننا بقينا فى بلد مافيهاش امان ولا شرطه ولا اى حكومه..كل واحد يجيب حقه او يدافع عنه بدراعه...وده الخوف ان الفوضى تعم البلد
    اسف على الاطاله وربنا يبعد الشر ده عن كل الهوندات ان شاء الله

  • #2
    .الحمد لله يا باشا عودت الهوندا سليمة يا ريت بقى انزار حلو و كلبش

    Comment


    • #3
      يا باشا الف مبروك انكو لقيتو العربية، ومتعتمدش على موضوع الحكومة ده فى حاجة بعد كدة ربنا يسترها معانا ، انا عربية واحد صاحبى فيرنا مسروقة بقلها 6 شهور ومش عارف يلاقيها لغاية دلوقتى مع انه مبلغ وعنده وسائط تقال وكل حاجة.
      [B][FONT=Tahoma][COLOR=darkgreen][COLOR=darkgreen][FONT=Tahoma][B]يا نفس لا تقنطي من زلةٍ عظمت إن الكبائر في الغفران كاللمم [/B][/FONT][/COLOR][/COLOR][/FONT][/B][FONT=Tahoma][COLOR=darkgreen]
      [B][COLOR=darkgreen][FONT=Tahoma][B]لعل رحمة ربي حين يقسمها تأتي على حسب العصيان في القسم [/B][/FONT][/COLOR][/B]
      [B][B][COLOR=darkgreen][FONT=Tahoma]يارب [/FONT][/COLOR][COLOR=darkgreen][FONT=Tahoma]الطف بعبدك في الدارين إن له صبراً متى تدعه الأهوال ينهزم[/FONT][/COLOR][/B][/B]
      [/COLOR][/FONT]

      Comment


      • #4
        عودة حميدة ان شاء الله
        [SIZE=6][COLOR=dimgray]سبحان الله و بحمده [/COLOR][/SIZE]
        [SIZE=6][COLOR=#696969]سبحان الله العظيم[/COLOR][/SIZE]

        Comment


        • #5
          الحمد لله علي رجوع العربيه وكنت مفروض تكلم حد من اكتوبر يكون معاك انا لو كنت اعرف كنت جيت معاك
          [CENTER][B]سامح البقري
          المحامي[/B][/CENTER]

          Comment


          • #6
            اولا الف مبروك
            بس ليا تعليق صغير
            حضرتك غلطت انك خدت العربية من مكانها كدة على طول من غير متعمل محضر اثبات حالة فرضا ان اللى اخد العربية دى عمل جريمة بيها او او
            بس عمتا الحمد الله

            Comment


            • #7
              هههههه

              حرامى...أستخدام طبيب

              حمدلله على سلامتها و ألف مبروك

              Comment


              • #8
                حمدالله على السلامه
                انا بس مضايق اوي ان الشرطه معبرتكوش - خلاص معدش فيه امان في البلد
                [gdwl][COLOR="Gray"]سـبـحـــان اللـــه وبـحـمــــده .... سـبـحـــان اللــه العـظــيـــم[/COLOR][/gdwl]

                Comment


                • #9
                  الف مبرووووووووووووووك
                  وربنا يرجع الشرطه لمهامها الاصليه
                  خدمه الشعب دافعي الضرائب واللي منها مرتباتهم
                  [FONT="Book Antiqua"][I][glow1=#7a3131]Dr.Ahmed AlSherif[/glow1][/I][/FONT]

                  Comment


                  • #10
                    الف مبروك ياباشا رجوع العربية

                    وبالنسبة لموضوع الحكومة والشرطة ده كلام منتهى من زمان اوى,حماية الناس وحفظ ممتلكاتهم وارواحهك ده مش دورهم اصلا ولا واجبهم هما

                    موجودين لأسباب اخرى مش عايزين نتكلم فيها , يكفى بس اقول انهم بيحمو ناس تانية ويحفظو ممتلكات ناس تانية ويخدموا ناس تانية , وطبعا

                    الناس التانية دى احنا مش من ضمنهم...

                    Comment


                    • #11
                      الف الف مبروك ويارب كل اللى التسرق منه عربية يعرف يرجعها
                      [SIGPIC][/SIGPIC]

                      Comment


                      • #12
                        مبروك يا باشا
                        معلش دي الدنيا
                        متزعلش على أي حاجة المهم الفوريرة بتاع الانت رجعت
                        ان فاتنا الياباني مش هيجلنا تاني

                        Comment


                        • #13
                          الف مبروك رجوع الهوندا
                          ظبط جهاز انذار وسيبها على الله
                          وانت عارف ان الشرطة عالعادة بتحب تخليك تعتمد على نفسك ، في الخناقة تقف منبعيد لحد ما تاخد حقك وبعدين تاخدك ، ولو عربيتك مسروقة انت تلاقيها وبعدين تروح تقولها عشان تقفل المحضر
                          وعلى رأى المثل : الشعب في خدمة الشرطة
                          [SIZE="6"][B][COLOR="Blue"]سبحان الله وبحمده سبحان الله العظيم
                          [/COLOR][/B][/SIZE][SIGPIC][/SIGPIC]

                          Comment


                          • #14
                            الف مبروك
                            وليه حق ابن اختك يحضن الدركسيون حاجته ورجعتلو واكيد عزيزه عليه

                            Comment


                            • #15
                              مبروك رجوع العربيه

                              وحسبى الله ونعم الوكيل

                              فى الحكومه الذكيه
                              :36_9_4:

                              Comment

                              Working...
                              X