الى كل من يمتلك هوندا الجيل الخامس

[wael ahmed]

عايزين الموضوع ده يا جماعه يبقى مستقل بهوندا الجيل الخامس
1992:1995

يعنى علشان نسهل على الناس اللى عايزه تعرف سعر قطع غيار او تعرض مشكله فى العربيه وانا هجبلكم اسعار كتير ان شاء الله

علشان فيه واحد صاحبى بيشد عربيته فى الحرفيين

كاوتش زجاج امامى علوى ب 110 اصلى و 65 تايوانى
باكتة زجاج امامى يمين وشمال الواحده ب 355 تايوانى ويفضل استيراد علشان سعرهم ارخص بس اهم حاجه تكون حالتهم كويسه
كاوتش زجاج خلفى ب 110 تايوانى
زجاج امامى وخلفى ب 800 اصلى
عتب الواحده ب 145
قاعده موتور خلفى (قاعده فتيس ) الاصلى ب 295 والتايوانى ب 145 والتايلندى ب 125
2 كاوتشة دريكسيون ب 55 تايوانى
فلتر بنزين ب 55 تايوانى

وياريت يبقى فيه تفاعل فى الموضوع علشان انا شايف ان قسم الهوندا هنا نايم خالص على عكس الاقسام التانيه

[SAMEH_FOUAD]

نصيحة منى مايجيبش حاجة تايوانى خالص حتى لو الفرق اضعاف

[m3touk_85]

نصيحة منى مايجيبش حاجة تايوانى خالص حتى لو الفرق اضعاف

بالظبط كده خليك فى الياباني اقل من الاصلي

وانا بردوا

بالنسبة ليه

انا لسه جايب حاجات عفشة امامية

بيضة شمعدان ياباني نوع 555 يمن وشمال ب 200
بيض مقص علوي 555 ب 180
بارتين 555 خارجي ب 180
جلب مقصات سفلي عددهم 2 لكل جهة 55+80 = 135 ضرب 2 = 270

طبعا انا غيرت المقصات العلوي والسفلي باستيراد وغيرت ليهم الحاجت دي

صناعي ممتاز عملهم والعفشة الاماية ما شاء الله فرق تاني

فاضل العفشة الخلفية بس مستني شوية كده علشان اتخرمت

[No Comment]

فاضل العفشة الخلفية بس مستني شوية كده علشان اتخرمت

تعيش وتاخد غيرها يا معتوق .... نحن السابقون وانتم اللاحقون .

انا كنت عاوز اكتب حبة الحاجات اللى كنت غيرتها فى العفشة بس لاقيت الموضوع خاص بالجيل الخامس بس .

[wellfine]

يا وائل بيه اولآ تحياتى
ثانيآ : فى ناس هنا كتير بتحب الهوندا زايك بالضبط وعملت مواضيع كتير منها
1) عن المواتير و انواعها و اسعارها احد SIR
2) عن العفشه من الغقصدام الى الإقصدام
3) يا راجل ده حتى الصنعي الهيشتغل فى العربيه فى القاهرة و ختى الإسكندريه

بص من الاخر لو فى سؤال فى بالك لازم تعرف انه متكرر و متجاوب عليه اكتر من مرة
الكلام ده مش من مجهودى ابدآ
ده من مجهود ناس كتير على رأسهم semsem و محمد نبيل و كل واحد عنده كلام بيقوله يا راجل ده البيركب sound system بيقول
:) انا مش قصدى اهجمك او اى حاجه بس انت قولت المنتدى ده شكله نايم ده بس انت الغلطان فيه
يا راجل انا ماشفتش فى اى منتدى أخر بيتقابله زاى كده
حاجه تانيه لازم تفتخر بيها ان كل الناس هنا محترمه زايك بالضبط مش بتبخل باى معلومه ابدآ
تحايتى ليك يا وائل و إحنا إتشرفنا بعضو محترم زايك

[wael ahmed]

يا وائل بيه اولآ تحياتى
ثانيآ : فى ناس هنا كتير بتحب الهوندا زايك بالضبط وعملت مواضيع كتير منها
1) عن المواتير و انواعها و اسعارها احد sir
2) عن العفشه من الغقصدام الى الإقصدام
3) يا راجل ده حتى الصنعي الهيشتغل فى العربيه فى القاهرة و ختى الإسكندريه

بص من الاخر لو فى سؤال فى بالك لازم تعرف انه متكرر و متجاوب عليه اكتر من مرة
الكلام ده مش من مجهودى ابدآ
ده من مجهود ناس كتير على رأسهم semsem و محمد نبيل و كل واحد عنده كلام بيقوله يا راجل ده البيركب sound system بيقول
:) انا مش قصدى اهجمك او اى حاجه بس انت قولت المنتدى ده شكله نايم ده بس انت الغلطان فيه
يا راجل انا ماشفتش فى اى منتدى أخر بيتقابله زاى كده
حاجه تانيه لازم تفتخر بيها ان كل الناس هنا محترمه زايك بالضبط مش بتبخل باى معلومه ابدآ
تحايتى ليك يا وائل و إحنا إتشرفنا بعضو محترم زايك

يا باشا اولا شكرا على الكلام الجميل ده وانا شرف ليا انى ابقى عضو فى نايل موتورز علشان احسن منتدى فى مصر للعربيات وبجد انا بقيت مدمنه جدااا ... ثانيا انا مش قصدى اساءه لحد لا سمح الله بجد انا عارف ان الشباب هنا بتعمل ايه وبتتعب قد ايه علشان تقدر تفيد غيرها بس انا قصدى ان القسم بتاع هوندا يبقى فيه مواضيع اكتر من كده بحيث انه يبقى مرجع لينا كلنا من حيث اسعار قطع الغيار وطبعا عارف مجهودات سمسم ومحمد نبيل وغيرهم واسف لو كنت معرفتش اوصل فكرتى صح وتحياتى ليك يا باشا

[khaleddapino]

و يا سلام لو نقول افكار توضيب للعربيه سواء داخليا او فى الخارج

[wellfine]

فعلآ زاى ما خالد قال بس ده محتاج مقابلات علشان نشوف الكلام ده على الطبيعه
على كل حال إحنا موضبين مقابله يوم الجمعه الجاليه لو حبيين تيجو و العنده اى افكار او إستفسار نتكلم فيها كلنا و كلنا نستفيد

[khaleddapino]

و بما انى فى بورسعيد و مش حقدر اكون معكم فى القاهره انا ممكن ابقى اسال عن اسعار الاكسسورات

[wellfine]

يا راجل ده انت من بلد الاكسسورات و الهوندا, ده المفروض إحنا النسألك

[khaleddapino]

يا راجل ده انت من بلد الاكسسورات و الهوندا, ده المفروض إحنا النسألك

ايوه يا باشا

ما انا قصدى انى عايز يعرف سعر حاجه معينه اساله عندى فى بورسعيد و اعرفكم

مش معقوله حكون فى بورسعيد و سال بره ههههههه

و انا تحت امركم

[wael ahmed]

بقولك ايه يا خالد باشا كنت عايز اعرف صالون sir يعمل كام فى بورسعيد وهل ممكن الاقى بتاع ال type r

[wellfine]

متابع

[khaleddapino]

بقولك ايه يا خالد باشا كنت عايز اعرف صالون sir يعمل كام فى بورسعيد وهل ممكن الاقى بتاع ال type r

الصالون فى بنك الاسكان من 3400 حتى 3800 حسب الحاله بس مش بيزيد عن كده و فى صالونات حالتها فوق الزيرو

[wellfine]

انت بتقول فى بنك الإسكان هو ده صالون مدهب لا إه؟