اكتر 5 حاجات مضايقاني من هوندا سيتي

[eng_maged]

السلام عليكم

بعد موضوع اكتر خمس حاجات بحبها في هوندا سيتي 2009
http://www.nilemotors.net/Nile/190680-5.html

حبيت اعمل موضوع عن اكتر 5 حاجات مضايقاني من العربيه - هوندا سيتي 2009 - ومع اني بحب العربيه جدا بس هتكلم بكل حياديه



أولا: استرخاص الوكيل في ابسط الكماليات:
عربيه تمنها فوق ال120 الف مينفعش الوكيل يسترخص في شويه كماليات ميكملوش 1000 جنيه - الموديل المصري بينزل من غير الاتي:
1- الشماسات مفهاش مرايات
2- مفيش علاقات شماعات فوق الباب من جوه
3- مفيش نور خريطه في السقف - اللي بيكون بين الشماستين
4- مفيش ريموت كونترول
5- مفيش غير سماعتين في البابين الاماميين - والبابين اللي ورا لا
6- مفيش كشافات شبوره - فوجات
















ثانيا: كاوتشات العربيه:
العربيه بتنزل جنط 15 وعرض الكاوتش 175 - وده بيعتبر عرض قليل جدا بالنسبه لمقاس الجنط وحجم العربيه - لو العربيه اتركب فيها كاوتشات 195 مثلا على نفس الجنط اكيد ده هيحسن من ثباتها مليون مره






ثالثا: الاريال:
الاريال بتاعها بيتفك وده يخليه عرضه للسرقه - انتو عارفين بقه مصر - بضطر اشيله كل مره وانا نازل من العربيه - كان نفسي يكون ثابت - او حجمه صغير عن كده





رابعا: اسعار قطع الغيار
اسعار قطع غيارها تقريبا زي السيفيك 2010 مع انها مفروض فئه اقل منها - مفروض تكون قطع الغيار اقل من السيفيك ولو بحاجه بسيطه



خامسا: الفرش الداخلي
مع ان الكراسي مريحه جدا - بس الفرش الموجود قماش مش جلد ولونه فاتح اوي وبيتوسخ بسهوله جدا - في جزء في الباب برضه من نفس الفرش وده بقه اللي صعب الواحد يعمله جلده ولازم يسيبه وسخ زي ماهو

[haythamkmal]

فكرة الومضوع رائعة وياريت كل واحد يهما موضوع عن احسن واسواء 5 حاجات فى عربيتة

طبعا انا معاك ان بعض الحاجات اللى انت قولتها كانت مفروض تبقى موجودة ، بس اللى فعلا ينرفذ موضوع الاريال ده ، الفكرة دى محدش بقى بيعملها من زمان .
بس عمموما ممكن اقترح عليك اقتراح ، تروح عند حد بتاع كماليات وتجيب الاريال الاليكترونى ، ود بيتثبت على الزجاج وتلغى موضوع الاريال اللى فوق السقف ده حالص .

[No Comment]

للأسف يا بشمهندس عنك حق ... عيب ان شركة كبيرة زى هوندا تهمل الحاجات البسيطة دى مع انها زى ما قلت مش مكلفة .... أنت عارف أن زمان كانوا مهتمين بالحاجات دى اكتر من دلوقتى .

[mahlove]

ياجماعة ده مش عيب هوندا .. موضوع الاريال ده مش عيب اصلا ده عيب السوق عندنا, مفيش بلد محترمة الناس فيها ممكن

تسرق اريال عربية, موضوع الصالون وفرش الابواب ده برضه عيب منطقة الالوان والخامات دى ممكن ماتكنش مناسبة عندنا

علشان كمية الاتربة والدخان والوساخة اللى فى كل مكان, ده برضه مش عيب هوندا, اما باقى الحاجات اللى قلت عليها

يابشمهندس ف ده عيب وكيل بئة ومش هوا لوحده لأ المستهلك كمان ليه دور مباشر, انا لما اشترى عربية ب 120 الف لازم يكون

فيها كل اللى انا عايزه مش اشترى اللى موجود وخلاص.. لأنه الوكيل بيلبى حاجة المستهلك لكن ميقدرش يفرض عليه حاجة..

[Hamdy Masria]

ياجماعة ده مش عيب هوندا .. موضوع الاريال ده مش عيب اصلا ده عيب السوق عندنا, مفيش بلد محترمة الناس فيها ممكن

تسرق اريال عربية, موضوع الصالون وفرش الابواب ده برضه عيب منطقة الالوان والخامات دى ممكن ماتكنش مناسبة عندنا

علشان كمية الاتربة والدخان والوساخة اللى فى كل مكان, ده برضه مش عيب هوندا, اما باقى الحاجات اللى قلت عليها

يابشمهندس ف ده عيب وكيل بئة ومش هوا لوحده لأ المستهلك كمان ليه دور مباشر, انا لما اشترى عربية ب 120 الف لازم يكون

فيها كل اللى انا عايزه مش اشترى اللى موجود وخلاص.. لأنه الوكيل بيلبى حاجة المستهلك لكن ميقدرش يفرض عليه حاجة..

كلامك سليم 100 100 ... السوق حاليا بقى هو اللى بيفرض علينا الموجود وخلاص وللأسف الناس عندنا برضوا بيشتروا وخلاص منغير تفكير كأن العربيات لو خلصت مش هتنزل تانى!!!!!

[M.Osman]

حقيقي عاجبني فكرة الموضوع ...
ربنا يبارك لك فيها

بصراحة اكتر حاجات مضايقاني في اللي حضرتك قلتها هي عرض الكاوتش ... لأن عربية زي الفيرنا مثلاً بتنزل بنفس العرض 175 بس على جنط 13 و الأوتو بتنزل 185 على 14 ... فغريب فعلاً انها تكون 175 على الـ15" بس

في حاجة تانية مضايقاني في العربية دي
و هي غلطة تسويقية فظيعة من هوندا .. مش عارف ازاي مش واخدين بالهم منها... و هي اسم العربية ... سيتي city ... اسم يوحي بأن العربية معمولة لداخل المدينة فقط و لا تصلح للسفر و دي علامة تعجب كبيرة جداً بالنسبة لي (ازاي الأسم ده كدا !!)

تحياتي

[eng_maged]

[gdwl]تروح عند حد بتاع كماليات وتجيب الاريال الاليكترونى[/gdwl]
انا كده هحس اني راكب تاكسي



[gdwl]ياجماعة ده مش عيب هوندا[/gdwl]
معظم المشاكل ده مشاكل توكيل عايز يرخص السعر او مشكله ثقافه شعب اللي بيسرق ايريال عربيه



[gdwl]بصراحة اكتر حاجات مضايقاني في اللي حضرتك قلتها هي عرض الكاوتش[/gdwl]
فعلا واللي مضايقني اوي انها برده بتنزل كده برضه
وانا فعلا بحس باثار المشكله ده في الكرفات الجامده

[kar!m]

طيب ايه رأيك ما تروح تشترى العليقات دى و تركبهم.
و تجيب السماعات اللى ورا و تركبهم.
و ان شاء الله لما تيجى تغير الكاوتش تجيب الأعرض .. و على فكرة بيكون مكتوب فى الكتالوج المقاسات المعتمدة للعربية و أكيد هتلاقى فيها ال 185
و تروح التوكيل و تعمل الريموت.

[kar!m]

و معنديش حل للمبة الصالون :-)

[eng_maged]

طيب ايه رأيك ما تروح تشترى العليقات دى و تركبهم.
و تجيب السماعات اللى ورا و تركبهم.
و ان شاء الله لما تيجى تغير الكاوتش تجيب الأعرض .. و على فكرة بيكون مكتوب فى الكتالوج المقاسات المعتمدة للعربية و أكيد هتلاقى فيها ال 185
و تروح التوكيل و تعمل الريموت.

العلاقات ده هركبها فين مفيش مسامير تثبت فيهم واكيد مش هخرم في السقف
والسماعات اللي ورا لو تبع التوكيل اكيد غاليه ولو من بره مضمنش يكون ليها سلك واصل لغايه الباب الوراني
والكاوتشات مش هغيرها قبل 60 الف عشان اللي فيها Bridgestone
والريموت في التوكيل ب 1800 جنيه

انت عارف ان لمبه الصالون هي بقه الحاجه الوحيده اللي ممكن اركبها - ممكن اشتري بتاعه السيفك وسلك لغايه اللمبه اللي في النص من تحت السقف وخلاص على كده

[Mdesouky]

حبيت اشارك فى الموضوع لانى لسه جايب واحدة 2010 كسر زيرو و رغم انها عاجبانى فى شوية حاجات الا انى بصراحة لو معايا 120000 عمرى ما كنت هاجيبها زيرو بسبب التوكيل الحرامى ده و الحاجات اللى حاسبها علينا كماليات

[eng_maged]

ال 2010 كان في منها ال highline ب 131 وكانت زياده عليها ريموت وفوجات وستيب ترونيك وملتي فنكشن وجنوط

[abd_el_7amid]

المشكلة فى الضمان ..... لان انا نفسى اعمل وحدة رفع وريموت
لانها حاجة خنقة لما اكون شايل شنط كتير للبيت وخلافه واعافر لحد ما اقفل العربية
بالنسبة لموضوع الاريال .. انا باعمل زيك بشيله لما انزل.. لدرجة انى بقيت اكسل اركبه لما انزل ... بقول ماهى كلها شوية وانزل من العربية
موضوع المفتاح بقى.. ب 1800 من غير انذار تنور بس لانه اصلا بتاع السيفك
والفوجات التوكيل عنده فوجات للسيتى 2009 ب 2500 تقريبا... بس طبعا غالى
للاسف انا واقف عن كل شغل الكهرباء عشان الضمان

[Mdesouky]

بصراحة بعد سواقة شهر للشغل و كل يوم عالمحور و الدائرى اهم حاجة فى الحياة بالنسبالى دلوقتى هى الكروز كونترول و كمان عايز اجنط العربية بس مش هادفع 10000 جنيه فى التوكيل و بيقولولى ال Multifunction Kit مش موجودة اصلا انا حاجنن انا اهه عايز ادفعلكم فلوس و انتو بتقولوا لا!!!!!!!!!!!!!!!!!!!!!!!!!!!!!!

[kar!m]

فكر التوكيل فى انه يشيل كماليات من العربية .. انه يقلل سعرها عشان تقدر تنافس الفئات اللى فى سعرها.

و متستهونش بالكماليات الصغيرة فى عربية يابانى زى هوندا .. لأنه بيجط حاجات الجودة بتاعتها عالية فبترفع من سعر العربية جامد .. يعنى مثلا عشان يركب لك سماعات ورا لازم تكون سماعات يابانى و كذلك نور خريطة السقف و الريموت .. الحاجات دى أصلية سعرها عالى جدا.

و ده اللى بيخلى العربيات الصينى رخيصة ان كل كمالياتها رخيصة فابالتالى بتلاقى العربية مليانة كماليات و سعرها قليل.