أفضل مقاس جنوط لهوندا 93

[arabmarket]

السلام عليكم

يا جماعه بعد اذنكم ايه افضل مقاس جنوط للهوندا 93 وكمان افضل مقاس للكاوتش وافضل نوع كاوتش ايه ؟

الاستاندر فيها 13 انما افضل مقاس من حيث سرعه العربيه و ميضايقش الرفارف ويكون شكله حلو عليها ايه

[wildwest100]

15 والكاوتش 195/55

[wael ahmed]

195 - 55 r 15 ده احسن مقاس للكاوتش ومش هيفرق معاك فى عداد السرعه ولا هيحك فى الرفرف

[rompo10]

15 حلو اوي عليها

[mimmohonda]

زى ما الشباب بيقولوا كده ان مركبه عندى وكله تمام

[arabmarket]

الله ينور متشكرين قوى يا هونداويه

[m00dy]

ممكن تركب 17 و كاوتش 205/40 مش هايحك في الرفارف ولا الكارتيرات و دا انا مجربه مش عامل اي مشاكل غير انه ناشف شوية في المطبات

[M_Nabil]

مظبوط الكلام مع انى مركب 205/50/15 بس أرشح لك 195/55/15 :)

بس ياريت بلاش تركب جنوط صينى خليك على الأقل اندونيسى أو تايواني ولو عرفت تجيب حاجه استيراد اصلى زى BBS أو OZ أو Momo أو Enkei أو Rota يبقى 100 100 بس أكشف عليهم كويس وتأخدهم على التجربة أسبوع على الأقل ويكون الـ ET أو Offset بتاع الجنط +40 ده الأفضل ممكن يقل شوية أو يزيد شوية مافيش مشكلة وعرض الجنط يكون 6.5 أو 7 يبقى تمام.

نوع الكاوتش على حسب الميزانية في أنواع الفرده بتعمل 260 جنية وأنواع بتوصل لـ 600 جنية وأكثر في حجات كورى واندونيسى ويابانى وايطالى وفرنساوى .. ألخ طبعاً البريدجستون اليابانى وفي منه اندونيسى والميشيلان الفرنسى وفيه منه تايلاندى الأفضل يجى بعديهم الجوديير و البيريللى بس الأخير ده معظمة تركى وأحياناً اسبانى وفي حجات ثانية برضه حلوة وسعرها معقول زى الهانكوك والكومهو كورى وفى ماكسيس ودنلوب

المهم تشترى من مكان كويس وشغله نظيف وأهم حاجه تبص على تاريخ الصنع بتاع الفرد كلها عشان مايكونش قديم ومتخزن يعنى بالكثير تكون تاريخ صنعها أول سنه 2010 مثلاً ويفضل ماتجبش نقشه الشجرة بتاعه المياه دى عشان صوتها مع الأسفلت بيكون مزعج وعالى ..

وبالتوفيق ان شاء الله

[wellfine]

الله ينور عليك يا نبيل
فعلآ انت غطيت كل حاجه

[eng_maged]

شوف الفروقات في الموقع ده
وخد بالك ان الفروقات مش مفروض تزيد عن 2.5 %

http://www.kouki.co.uk/utilities/visual-tyre-size-calculator

[m_hasan204]

انا لسه مغير كاوتش وجنوط من رمضان اللى فات وإليك التفاصيل :
- الكاوتش مقاس15 195/55 وده افضل مقاس مناسب وكمان هوه المكتوب فى كتالوج العربية الاصلى ، نوع الكاوتش Sonar وده تايوانى والسرعة بتاعته V / من محل اسمه الجميل فى ظهر قصر عابدين ، وسعر الفرده الواحدة عامل 370 جنيه

كان فيه نوع تانى قلبت الدنيا عليه انا وسمسم (Smsmkane) وملقتش منه 4 فرد على بعض ، النوع اسمه Achilles / نصيحة لو لقيته المقاس ده 15 195/55 هاته علطول ممكن تلاقيه اغلى حوالى 30 جنيه فى الفرده

- اما عن الجنط فجبته اندونيسى والحمد لله لايق على العربية وعمل 1850 جنيه وجبته من محلات اشرفكو والصراحة ناس محترمة وحاجتهم نظيفة

ولو ليك اى سؤال انا تحت امرك

[wildwest100]

فين الصور يا معلم

[arabmarket]

انا لسه مغير كاوتش وجنوط من رمضان اللى فات وإليك التفاصيل :
- الكاوتش مقاس15 195/55 وده افضل مقاس مناسب وكمان هوه المكتوب فى كتالوج العربية الاصلى ، نوع الكاوتش Sonar وده تايوانى والسرعة بتاعته V / من محل اسمه الجميل فى ظهر قصر عابدين ، وسعر الفرده الواحدة عامل 370 جنيه

كان فيه نوع تانى قلبت الدنيا عليه انا وسمسم (Smsmkane) وملقتش منه 4 فرد على بعض ، النوع اسمه Achilles / نصيحة لو لقيته المقاس ده 15 195/55 هاته علطول ممكن تلاقيه اغلى حوالى 30 جنيه فى الفرده

- اما عن الجنط فجبته اندونيسى والحمد لله لايق على العربية وعمل 1850 جنيه وجبته من محلات اشرفكو والصراحة ناس محترمة وحاجتهم نظيفة

ولو ليك اى سؤال انا تحت امرك

حبيب قلبى ربنا يخلك تقرير جميل ويساعدنى برضه لانى سمعت ان احسن كاوتش نقشه v برضه بس النهارده لقت هوندا فى السكه اتعرفنا واحنا ماشين وكلما بعض فى التلفون وكان مركب جنط 17 والعربيه عاليه والجنط شكله روعه و العربيه مش نازله عليه زيه ما بنشوفه فى الطبيعى وبيحك فى الاكصدام ويرزع فى المطبات سالته قالى انه جايب ياقات الاصلى بتاعتها وصداده ( على فكره صوته كان واطى فانا سمعتها ياقات او ورقات )

عموما انا بسال لو ركبت جنط 17 هيبقى كويس شكلا ولا الاصح اركب 15 ؟

[hytham]

هوندا 93 حالة شاذة

يا جماعة انا شوفت تحفة و مكنتش متخيل ان في حاجة بالحالة دي لحد دلوقتي
هوندا سيفيك 1993 اللون احمر مالبورو si كاملة اوتوماتيك فتحة سقف
بس فعلا حالة شاذة العداد عامل 49500 كيلو بس
الموتور متحطش فيه مفك قبل كده
الصالون حالته شاذة كل المفاتيح و الزراير لسه بنفس البيانات الموجودة عليها من المصنع
من نظافتها من بره افتكرت انها رشة بس طلعت فابريكة بالكامل
العربية دي معروضة للبيع على فكرة بس عايزة حد غاويها لانها معروضة غالية اوي

[SAMEH_FOUAD]

معروضة على كام وفين