إصلاح أو لصق التابلوه

[tsaid]

السلام عليكم يا رجالة الهوندا

عندي مشكلة مضايقاني أوي و يا ريت تساعدوني في حلها

أنا معايا سيفيك 90 و كان درج التابلوه مكسور من تحت و متعلق بس من فوق بالزرار اللي بيفتحه و يقفله و قلت مش مشكلة أديني مش هفتحة و خلاص

المهم أول إمبارح واحد صاحبي -ربنا يكرمه- كان قاعد جنبي و هو بينزل درج التابلوه شبك في جزمته -إزاي مش عارف- و اتكسر من فوق كمان
و طبعا العربية شكلها وحش اوي من جوه من غير درج التابلوه

فلو حد يعرف ممكن أصلحة فين أو ألصقة إزاي حتي لو مش هيفتح بس المهم ميبقاش شكل التابلوه وحش

أنا عارف طبعا إن صعب ألاقي درج تابلوه مستعمل و كمان لونه ازرق فقلت يبقي مفيش حل غير اني أحاول ألصقة أو ألاقي حد يصلحه

جزاكم الله خيرا و عذرا علي الإطالة

[kar!m]

بص أنا بلصق كل حاجه بمعجون الحديد اللى هو ايبوكسى أو أرانديد.
هتجيب الانبوبتين و تخلط كميتين متساويتين لمدة دقيقة تقريبا .. و تلحم بيهم الدرج مع مراعاة:

1. تنظف السطحين كويس جدا.
2. يفضل يكون القطعتين اللى هيتلحموا متصنفرين على خفيف.
3. تلحم بالخليط اللى انت عملته و تفضل ماسك دقيقتين تقريبا لحد ما يثبت .. أو لو تقدر تثبتة على حاجه يكون أفضل.
4. تسيبه يوم كامل متحركوش .. ويفضل متتحركش بالعربية عشان ميتهزش.

بعد كده اؤكد لك ان لو حاجه شبكت فيه تانى هيتكسر من أى حته غير الحته الملحومه.

[m3touk_85]

تمام كده بس احب انوه لك انك تدور على مكان مجري المسمار اللي بيخلي الدرج ينزل ويتسند عليه وتعمل زي الاخ الاخ الفاضل

[tsaid]

بص أنا بلصق كل حاجه بمعجون الحديد اللى هو ايبوكسى أو أرانديد.
هتجيب الانبوبتين و تخلط كميتين متساويتين لمدة دقيقة تقريبا .. و تلحم بيهم الدرج مع مراعاة:

1. تنظف السطحين كويس جدا.
2. يفضل يكون القطعتين اللى هيتلحموا متصنفرين على خفيف.
3. تلحم بالخليط اللى انت عملته و تفضل ماسك دقيقتين تقريبا لحد ما يثبت .. أو لو تقدر تثبتة على حاجه يكون أفضل.
4. تسيبه يوم كامل متحركوش .. ويفضل متتحركش بالعربية عشان ميتهزش.

بعد كده اؤكد لك ان لو حاجه شبكت فيه تانى هيتكسر من أى حته غير الحته الملحومه.

ألف ألف شكر ياباشا
أن شاء الله هعمل زي ماقولتلي