هتجنن بجد

[creative_art]

السلام عليكم ورحمة الله


من اسبوع جاتلى فرصه انى اجرب عربيه سيفيك بتاعت واحد صاحبى..موديل 93 موتور اس اي عفشه رياضيه والكلام الى انتو فاهمينو داا

ركنت عربيتي السيراتو على جمب كدا واستخدمت البارك سنسور وقفلت العربيه بالتاتش ( تكنولوجيا فاحته بقه )

صاحبى بيقولى اركب سوق...قلتله ايه ياعم دا...عربيه موديل 93...وبتريق بقاااا

المهم ركبت وقلت ايه...تلاقيني راكب عربيه زي الشاهين ولاحاجه...اهى حاجه عالارض بقالها 18 سنه كتر الف خيرها عربيه اصيله

اول حاجه ركبت....الى لاحظته ان الصالون اديق من السيراتو شوية...مش مشكله ...

اول ماركبت كدا وشوفت علامة الهونداا...زي مايكون سيطرت علياا...الكبوت كله طالع قدامك واخدت على ابعاد العربيه بسرعه...وتحس انها اوطى م العربيات الى حواليك


دورت...جبت الفتيس عال D

مش مصدق...من 0 ل100 فى 7 ثوانى ونص..؟؟؟ دانا الى عربيتي سيراتو و 130 حصان بتجيبهم فى 11 ثانيه

طبعا ثباااات رهييييييييب لدرجة انا بقيت باخد غرز بغباء على 120 والعربيه ثابته وغرز ديقه كمان

باخد ملفاات حاده جداا ( ملف المدرسه الامريكيه عالدائرى) فى الاسكندريه لو حد يعرفه...انا عمرى ماكنت اتخيل انى اخد الملف دا على 140


المهم طبعاا انا زي مايكون جاتلى دهشه حضاريه واتصدمت وبقيت عاجز عن الكلام....مخدتش بالى من نوقره فى الطريق كداا...المهم...ديييييب....لبست فيهاا..

طيب ايه ظروفك ياسيفيك...ولاا الهواااا والله العربيه متهزتش من مكانها لاراحت ليمين ولاشمال ولا اتمرجحت


اقرص ياحوده..؟؟ اقرصص ياعممممم....العربيه التوب سبيد بتاعها 210 ياجماعه...حرام عليكو



من الاااااخر ياجماعه العربيه دي جابتلى هوسه فى دماغى والله لدرجة انا بدور على اى حد يشيل السيراتو الى معايا


لأن بجد...اكتشفت ان الى مركبش هوندا....مركبش عربيات




انا عربيتي سيراتوو...يافرحتى بالسنسور و البصمه والمالتى فانكشن....انا لو اخدت اقل مقارنه بين العربيتين...السيفيك هتكسب بمراحل كتير...الملفات والغرز والسرعه الى انا خدتها عالسيفيك مستحيل تتجاب عالسيراتو ولو بالطبل البلدى


وتخيلو بقه السيراتو موديل 2010....والسيفيك دى موديل 93....يعنى فرق 18 سنه بحاااالهم


وعلى فكره ياجماعه...اتحدى اى حد يقول السيراتو تعدى السيفيك فى الحاجات دى ومش السيراتو بس...انتو لو جربتو الاوبتراا هتلاقوهاا اكتر من كدا

او اللانسر بومه الى بتعوم من بعد ال 90





بجد ياجماعه اى حد معاه سيفيك هنا فى المنتدى يحمد ربناعالنعمه الى معاه وميفكرش انه يغير ابدا


ولو حد عايز يبيع سيفيك...بس تكرومونى فى السعر بقه عشان هبقى زميل المنتدى



وبالمره ياجماعه معلش طلب اخير هتعبكو معايا...انا لو اشتريت سيفيك SI اوتوماتيك بالمكنه الستوك بتاعتها من غير اى تعديل

تكلفنى كام عشان اخليها كامله وسبور وتبقى من الاخر


يعنى مثلا انا هبيع الى معايا على 95..... هشترى سيفيك على 45....وهحط ميزانية تعديل 10 الاف مبدئيااا


وشكرا ليكو يا احلى منتدى :)

[m3touk_85]

انا مش عايزك تندهش ركوبة الهوندا غير والله حتي والدي جربها قال لي جايب عربية فخمة :):) عزمها تحس انها عايز تنط هي العربيات الجديدة تكسب فى حتت انها جديدة فقط

[SAMEH_FOUAD]

قبل اى حاجة احب بس اهنيك على صراحتك نادر انك تلاقى حد فى المنتدى زى حضرتك

بالنسبة بقى للموضوع : فعشان حضرتك تبقى عارف اولا

وزن السيفيك 1500 كجم والماتور بتاعها 1600 سى سى قوتة 130 حصان وعزم 15.3 وفتيس اربع سرعات اتوماتيك سريع الاستجابة من غير النتشة وانك تحس بالغيارات والكلام اللى بنشوفة دلوقتى دة لانة معقد جدا وانا بنفسى شوفت الفتيس دة من جوة هو انت ممكن تفكة بس اتحداك لو عرفت تجمعة لازم تبقى حافظة

بالنسبة للعربية فهية فعلا ثابتة ثبات يضاهى الالمانى بجدارة ( بى ام دبليو - مرسيدس - فولكس- اودى ) بدون الحاجة الى التكنولوجيا اللى موجودة فيهم دلوقتى يعنى من الاخر تحس انها فيها كل دة من غير مايكون موجود وكمان بفضل جودة التعليق المستخدم وتعليق مستقل ومتعدد الوصلات مع عمود امامى وخلفى مضاد للانقلاب

العربية فعلا تسارعها سريع جدا ودة بفضل ماتورها الرياضى اللى معمول من الالومنيوم ( اغلب الاجزاء ) وبعدين حضرتك جربت الsi فمابالك ال170 حصان SIR دة بقى تجرى مع عربيات 3000 سى سى وبقلب جامد

لو حضرتك عايز تركب سيفيك وهتجيبها استوك يبقى قامك اختيارين SI , SIR وانا ارشحلك الSIR بجد وهمية وسريعة جدا وثابتة جدا لان ونها اتقل من الSI ومنخفضة عنها شوية وعفشتها اكبر وفراملها اقوى وناعمة عنها لان ماتورها من الالومنيوم الخالص وذات مكونات رياضية تتحمل الحرارة الشديدة والاحتكاك العالى وبعدين دة ماتورها 8500 لفة بداية الريد زون وممكن يوصل ل9500 لفة انت متخيل

عموما سعر الSI النظيفة هتلاقية 48 الف يعنى تكون كل حاجة فيها اصلية وحتى اللى تم تغيرها بتبقى اصلية بردة ودة تاخد منة العربية وانت مطمن , وسعرها فابريكة برة وجوة + حالة نظيفة 53 الف , وسعرها كل اللى فات + كيلو متر مايعديش ال60 كم ممكن توصل الى 58 حسب حالة الصاج الخارجى

الSIR لو نظيفة ومظبوطة فعلا 55 الف واخرها 53 اقل من كدة يبقى فيها حاجة او مش عارف قيمتها سواء اللى بيشترى او اللى بيبيع والكل فاهم انة ماتور رياضى يعنى استهلاك بنزبن عالى وقطع غيار غالية مع انة موفر جدا فى البنزين + وقطع غيارة اغلى شوية من الSI ودة فى الاجزاء الداخلية اللى ان شاء الله عمرك ماهتحتاجها

[creative_art]

انا مش عايزك تندهش ركوبة الهوندا غير والله حتي والدي جربها قال لي جايب عربية فخمة :):) عزمها تحس انها عايز تنط هي العربيات الجديدة تكسب فى حتت انها جديدة فقط

الصالون بتاعها محتاجه انه يتصرف عليه بس مش اكتر...وبعدين دى عربيه موديل 93 وغير كدا عربيه هدفها الاساسى انها تبقى رياضيه مش صالون...فاهم قصدى...محتاجه كراسى كويسه قول سباركو مثلا...والتابلوه محتاج يتشد شويه ويترش بويه مطاطى....

المشكله كلها فى التكييف...بس انا ناوى اخليها اجدع من الكورفيت...وعليا وعلى اعدائى

قبل اى حاجة احب بس اهنيك على صراحتك نادر انك تلاقى حد فى المنتدى زى حضرتك

بالنسبة بقى للموضوع : فعشان حضرتك تبقى عارف اولا

وزن السيفيك 1500 كجم والماتور بتاعها 1600 سى سى قوتة 130 حصان وعزم 15.3 وفتيس اربع سرعات اتوماتيك سريع الاستجابة من غير النتشة وانك تحس بالغيارات والكلام اللى بنشوفة دلوقتى دة لانة معقد جدا وانا بنفسى شوفت الفتيس دة من جوة هو انت ممكن تفكة بس اتحداك لو عرفت تجمعة لازم تبقى حافظة

بالنسبة للعربية فهية فعلا ثابتة ثبات يضاهى الالمانى بجدارة ( بى ام دبليو - مرسيدس - فولكس- اودى ) بدون الحاجة الى التكنولوجيا اللى موجودة فيهم دلوقتى يعنى من الاخر تحس انها فيها كل دة من غير مايكون موجود وكمان بفضل جودة التعليق المستخدم وتعليق مستقل ومتعدد الوصلات مع عمود امامى وخلفى مضاد للانقلاب

العربية فعلا تسارعها سريع جدا ودة بفضل ماتورها الرياضى اللى معمول من الالومنيوم ( اغلب الاجزاء ) وبعدين حضرتك جربت الsi فمابالك ال170 حصان SIR دة بقى تجرى مع عربيات 3000 سى سى وبقلب جامد

لو حضرتك عايز تركب سيفيك وهتجيبها استوك يبقى قامك اختيارين SI , SIR وانا ارشحلك الSIR بجد وهمية وسريعة جدا وثابتة جدا لان ونها اتقل من الSI ومنخفضة عنها شوية وعفشتها اكبر وفراملها اقوى وناعمة عنها لان ماتورها من الالومنيوم الخالص وذات مكونات رياضية تتحمل الحرارة الشديدة والاحتكاك العالى وبعدين دة ماتورها 8500 لفة بداية الريد زون وممكن يوصل ل9500 لفة انت متخيل

عموما سعر الSI النظيفة هتلاقية 48 الف يعنى تكون كل حاجة فيها اصلية وحتى اللى تم تغيرها بتبقى اصلية بردة ودة تاخد منة العربية وانت مطمن , وسعرها فابريكة برة وجوة + حالة نظيفة 53 الف , وسعرها كل اللى فات + كيلو متر مايعديش ال60 كم ممكن توصل الى 58 حسب حالة الصاج الخارجى

الSIR لو نظيفة ومظبوطة فعلا 55 الف واخرها 53 اقل من كدة يبقى فيها حاجة او مش عارف قيمتها سواء اللى بيشترى او اللى بيبيع والكل فاهم انة ماتور رياضى يعنى استهلاك بنزبن عالى وقطع غيار غالية مع انة موفر جدا فى البنزين + وقطع غيارة اغلى شوية من الSI ودة فى الاجزاء الداخلية اللى ان شاء الله عمرك ماهتحتاجها

ربنا يخليك ياريس انتا اسلوبك علمى اوى فى الكلام ماشاء الله ومقنع...انا جبت كزا اعلان من عالنت لهوندا سيفيك SI انما SIR بصراحه خايف منها...او مش قدها بمعنى اصح :D

بصراحه بيني وبينك انا الشيطان لاعب فى دماغى بمفك فى حوارات العربيات دى...خصوصا مبعرفش اقاوم السرعه وبالزات لو عربيتي مساعدانى...يعنى السيراتو كان 130 (كيلومتر مش حصان ) وشكرا انما بصراحه مقدرش على عربيه 170 حصااان...وكفى الله المؤمنين شر القتال...تمام ولااا

[m3touk_85]

رحم الله امرئ عرف قدر نفسه :):)

بالعكس انا شايف التابلوه كبير وموسع جدا ( يمكن علشان عربيتي بضحك على نفسي :):):)

[creative_art]

انا بقترح ننقل الموضوع دا لقسم المقارنات,,,ايه رايكم يارجاله

[SAMEH_FOUAD]

ربنا يخليك ياريس انتا اسلوبك علمى اوى فى الكلام ماشاء الله ومقنع...انا جبت كزا اعلان من عالنت لهوندا سيفيك SI انما SIR بصراحه خايف منها...او مش قدها بمعنى اصح :D

بصراحه بيني وبينك انا الشيطان لاعب فى دماغى بمفك فى حوارات العربيات دى...خصوصا مبعرفش اقاوم السرعه وبالزات لو عربيتي مساعدانى...يعنى السيراتو كان 130 (كيلومتر مش حصان ) وشكرا انما بصراحه مقدرش على عربيه 170 حصااان...وكفى الله المؤمنين شر القتال...تمام ولااا

ياباشا ربنا يخليك

شوف انت طبيعى بتبقى عايز الاحسن والاقوى يعنى مثلا عربية نزلت 1600 بتيربو بق بيخرج 160 حصان يبقى انت معاك 170 حصان تقدر تشد معاة بيهم وتورية نفسة صدقنى هتلاقى شعورك مختلف تماما انك معاك ماتور استوك وبيعمل فى اى عربية كدة

والهوندا ال sir مزودة بنظام vtec او ( توقيت الصمام المتغير ) واللى عن طريقة بتقدر تفتح الصمامات حسب رغبتك يعنى لو عايز تشد افتح ال16 صمام وشد مش عايز هتلاقى نص الصمامات هو بس اللى شغال يعنى استهلاك بنزين قليل وكل مابتزود يفتح اكتر وبعدين معاك عربية من صفر الى 100 فى 6.5 ثانية ومن 0 الى 200 فى 22 ثانية واقصى سرعة ليها 260 كم فى الساعة يعنى بورش مصغرة

غير ان اغلب الناس ماتعرفوش ان محرك الsir ( اهدأ- انعم - اعطال قليلة وتكاد تكون منعدمة - عمر افتراضى اطول-تكنولوجيا اعلى - ناقل حركة اقوى سواء مانيوال او اتوماتيك-وحدة ecu احسن-اتقل بواقع 50 كجم ) من محرك الsi عشان تبقى عارف وابقى امشى بالراحة لحد ماتتعود يعنى لو ربنا كرمك وجيبت بورش هتقول مش هجيبها عشان ماتورها قوى اكيد لأ , احنا كلنا كدة مابنستخدمش ماتور الsir الا عند الضرورة ( واحد شايف نفسة - داخل منافسة ) الكلام اللى انت عارفة وربنا يوفقك بحاجة كويسة وتنور قسم الهوندا

[creative_art]

ياباشا ربنا يخليك

شوف انت طبيعى بتبقى عايز الاحسن والاقوى يعنى مثلا عربية نزلت 1600 بتيربو بق بيخرج 160 حصان يبقى انت معاك 170 حصان تقدر تشد معاة بيهم وتورية نفسة صدقنى هتلاقى شعورك مختلف تماما انك معاك ماتور استوك وبيعمل فى اى عربية كدة

والهوندا ال sir مزودة بنظام vtec او ( توقيت الصمام المتغير ) واللى عن طريقة بتقدر تفتح الصمامات حسب رغبتك يعنى لو عايز تشد افتح ال16 صمام وشد مش عايز هتلاقى نص الصمامات هو بس اللى شغال يعنى استهلاك بنزين قليل وكل مابتزود يفتح اكتر وبعدين معاك عربية من صفر الى 100 فى 6.5 ثانية ومن 0 الى 200 فى 22 ثانية واقصى سرعة ليها 260 كم فى الساعة يعنى بورش مصغرة

غير ان اغلب الناس ماتعرفوش ان محرك الsir ( اهدأ- انعم - اعطال قليلة وتكاد تكون منعدمة - عمر افتراضى اطول-تكنولوجيا اعلى - ناقل حركة اقوى سواء مانيوال او اتوماتيك-وحدة ecu احسن-اتقل بواقع 50 كجم ) من محرك الsi عشان تبقى عارف وابقى امشى بالراحة لحد ماتتعود يعنى لو ربنا كرمك وجيبت بورش هتقول مش هجيبها عشان ماتورها قوى اكيد لأ , احنا كلنا كدة مابنستخدمش ماتور الsir الا عند الضرورة ( واحد شايف نفسة - داخل منافسة ) الكلام اللى انت عارفة وربنا يوفقك بحاجة كويسة وتنور قسم الهوندا

كلام معقول اوى وزى الفل....

انا حابب اقول حاجه بس لاخواتنا بتوع قسم الكيا عشان عارف ممكن الموضوع دا يزعلهم...ياجماعه انا مش بعيب فى العربيه انا بعمل مقارنه بشكل تلقائى وليس موضوعى...يعنى ممسكتش ورقه وقلم ودرست الفيزيكال بيزكس بتاعت العربيتين لأ انا يادوب من تجربه حسيت الفرق كا ركوبه وموتور وعفشه....

السيراتو واللانسر ( بومه ) والالنترا والصنى والكورولا (الشكل بتاع 2007 ) كلهم فى كاتيجورى واحد والى هوا سيارات عائليه متوسطه...يعنى عربيه فيها تكيف وباور كهربا و مالتى فانكشن وصالون ناعم وكبير...


ولكن بالكتير اوى عليهم 140 وكان الله بالسر عليم...دا بالاضافه لتسارع بطىء نسبياا....لأنها اصلا متصممه انها تبقى عائليه مش للاستخدام الرياضى

عشان كدا متستغربش لما تلاقى بره فيه شباب كتير يمكن فى سنى وفى سن بعض الاعضاء ( من 18 الى 30 ) لما يجي يركب عربيه تلاقيه اشترى شيفروليه كورفيت او بورش بوكستر او اى عربيه كوبيه ( وهناك عندهم برخص التراب على فكره مش شرط عشان هو شارى عربيه سبور يبقى معاه فلوس زي الفكره السائده عند المصريين )



ولكن السيفيك تلاقى فيها موتور شديد وعفشه متميزه وشكل رياضى قابل للتعديل ( بمعنى اصح تحس انها عجينه طريه تقدر تلعب فيها ) وضيف على كدا انها اعتماديه وقطع غيارها معمره ومش بتاكل بنزين برضه وزي ما سمسم قال ممكن يجيلك الجرأه تشد مع عربيه موتورها 3 الاف سى سى ونتا مرتاح...:)

[waled4u]

منورين يا جماعه بجد أنا ما حسيتش إني راكب عربيه إلا لم غيرت وركبت الهوندا وربنا يبارك للجميع

[shfra]

كلام جميل جدا فى حق كل الهنداويه وفى حق الهوندا عموما .. الهوندا فى نظرى الشخصى طياره مش عربيه

[ali.mahmoud]

انت شوقتنى انى اركب العربية دى اكتر مانا نفسى اركبها اصلا انا العربية دى واكلالى دماغى بجد واتمنى انى اشتريها قريب لانى بجد العربية دى من اكتر العربيات اللى نفسى اشتريها

[wael3m]

ياباشا لما كانت معايا فى مصر كنت طاير بيها
اشى شارم واشى الغردقة كنت بمشى ١٧٠ او ١٨٠ مرتاح
والعربية مش بتتمرجح بيا زى تويوتا كرولا مثلا
دماغى عماله بتحدفنى للألمانى والبى ام بصفة خاصة
بس لو لقيت واحدة sir نضيفة هخلص فيها وقتى
فعلا من احسن العربيات اللى ركبتها فى حياتى