ردياتييير

[Shetos_civic92]

بعد اذنكو ي جماعة هو ردياتير الهوندا لو فى مشكلة يخلى العربية تسخن على السرعات العالية و الحرق على الموتور ولا الكلام دة غلط انا فى ميكانيكى قاللى ان الردياتير بتاع الهوندا لما بيتسلك مش بيرجع زى الاول بس هى مش بتسخن على السؤعات القلية ؟؟
و الرديلتير التيوانى الجديد زى الاصلى بتاعها ولا فى فرق؟؟؟؟

[SAMEH_FOUAD]

بالنسبة للردياتير فطالما حدث فية انسداد يبقى خلاص بدأ يجيب اخرة فاى تسليك هيبقى مسكن دة من وجهة نظرى الشخصية

يبقى حضرتك الحل اك تجيب ردياتير استيراد بحالة نظيفة اوى هيعمل من 375 الى 400 جنية وهيعيش معاك

بالنسبة للردياتير التايوانى انا مانصحكش بية ولا خامة ولا اداء

[HotRide]

علي قكره نا كان عندي نفس العيب انها تسخن معا جري و الارص بس....غيرت الردياتير بأستيراد مفيش فايده...رجعته و جبت جديد برده محلش العيب
المهم وصلنا في الاخر لحد بتاع هوندا قال حاجه غريبه جدا !! نزل زيت الفتيس ده كله و حط موبيل ترانسيمشن !! بصراحه انا في الاول قولت يا خساره القلوس بس بعد ما عملنا كده السخنيه راحت و سحب اختلف تماما !! و لحد دلوقتي الحمد لله مفيش اي سخنيه من اي نوع

انا مش بقولك انه مش عيب ردياتير عندك انا بس بحكليك تجربه شخصيه حصلت معايا :)

وبالتوفيق ان شاء الله

[m3touk_85]

انت العربية عندك اتوماتيك صح وكاتور ايه ؟

وياريت تكتب لي اسم الزيت وسعرو :) علشان عايز اغير

[HotRide]

انت العربية عندك اتوماتيك صح وكاتور ايه ؟

وياريت تكتب لي اسم الزيت وسعرو :) علشان عايز اغير

اه اتوماتيك 1500 d15b3
العلبه ب40 جنيه الكيلو الواحد

[m3touk_85]

وانت احتجت كم كيلو ؟ اعتقد 3 وشويه

[SAMEH_FOUAD]

اى زيت فتيس اتوماتيك سواء 1600 او 1500 او فتيس 1600 sir كلة بياخد 3.25 كيلو

اى ماتور هوندا 1600-1500 مع تغير الفلتر 3.7 كيلو

اى ماتور هوندا1600-1500 مع تغير الفلتر وتنظيف الكرتيرة 4 كيلو

انظف زيت تحطة للفتيس الاتوماتيك : شيل وسعر العبوة 1 كيلو 30 جنية , موبيل كويس جدا بس شيل احسن

[No Comment]

طيب يفضل تغيير الفلتر ووتنظيف الكارتيرة بتاع الأتوماتيك كل أد ايه ......؟
ويفضل تغيير الزيت كله ولا تزويده فقط ...؟

[Shetos_civic92]

مبدئيا شكرا اوى ي hot-ride
سمسم باشا هو فى فلتر للفتيش كمان و دة بيتغير كل اد اية انا كنت حاطط شيل بردو بس كان ب 26 تقريبا ولا فى نوع تانى من شيل؟؟؟؟؟؟
المهم انا عايز اعرف حوا تنظيف الكرتيرة دة و تغيير الفلتر؟؟
و ياريت بقى لو تقولى رايك فى الموتور ال vti و لول عربية سيفيك 96 هاتش باج متسقطلها vti تعمل كام؟؟؟؟؟ و هل الvti قطع غيارة موجودة ولا ال si احسن؟؟؟ و هو ال vti كام حصان؟؟؟

[SAMEH_FOUAD]

فتيس الهوندا مافيهوش فلتر

تغير زيت الفتيس الاتوماتيك : لو العربية جديدة يفضل الزيت 60000 الف بعد اول 100000 الف يتغير عند كل 30000 الف كيلو مع مراعاة ان الزيت لازم يتكشف علية كل فترة ويكون لونة احمر بدون رغاوى عشان لاقدر الله لو الزيت بقى لونة بنى فاتح وفية رغاوى كدة الفتيس دة بيفوت

بالنسبة لزيت شيل بتاع الفتيس هو كان ب26 جنية للكيلو دلوقتى بقى ب30 جنية وهو نوع واحد , وعند طبعا زيت فتيس هوندا الاصلى العبوة كيلو عاملة من 65 الى 70 جنية حسب اللى هيبيعها بس دة اقل سعر ليها ودة اغلى سعر ليها ودة طبعا جامد جدا جدا واشد من اى نوع تانى لانة بتاع شركة هوندا بس هتجيب زيت فتيس بس ب240 جنية وبيتغير كل 50000 الف

حوار تنظيف الكارتيرة دة بتعملة لو لقيت مثلا عندك الزيت بيسود بسرعة حتى مع تغير الفلتر تروح فاكك الكارنيرة بتاعتك وتنظفها كويس هية والمصفاة بالطلمبة , وتحط سيليكون على جوان الكارتيرة قبل مايركبها تانى وغير فلتر الزيت مع عبوة الزيت كلها 4 كيلو هتلاقيها اتظبطت على المقاس بالظبط وان شاء الله اليت عندك هيبقى نظيف وهيختفظ بلونة الذهبى اطول فترة ممكنة

ماتور الvti وكودة d16z6 انتاج 97 قوتة 130 حصان واحد كامة مزود بvtec و16 صمام , الماتور هادى سريع ناعم , بس يعيبة قطع غيارة قليلة شوية عن الd16a9 او اللى بتاع الsi ال2 كامة بدون vtec ودة بردة 130 حصان بس الفتيس بتاعة شجرة صغيرة والفتيس بتاع الd16z6 شجرة كبيرة ودة طبعا بيبقى احسن
عموما فى المجمل قطع غيار وسهولة فى الصيانة بتاع الsi , عمر اطول واداء اهدى وانعم الVti

ولو عايز تختار بينهم هقولك على فرق اللى الناس كلها بتحتاجة فى المواتير :

1: الd16z6 : سريع قبل ال100 فى التجميع بفضل الفتيس والكامة الواحدة واللى بتديها هدوء عن ال2 كامة
2 الd16a9 : تجميع ابطىء من الd16z6 وخشن قبل ال100 بس بعد ال100 ماتسمعش صوت الماتور وهتلاقى الماتور بيسرح لوحدة وانت مش واخد بالك
من ناحية الاستهلاك الاتنين واحد 200 كم للصفيحة جوة البلد وممكن تعمل اكتر

[Shetos_civic92]

ميرسى جدا ي سمسم بجد معلومات جامدة جدااا بس انا او اعرف انزل المانيوال بتاع الهموندا دة يبقى حوار جاممد جداا