الفرامل محجره والعربيه دايره

[wael ahmed]

واحد صاحبى معاه هوندا ex حصل معاه موقف غريب ...... كان فى مشوار ولما وصل بطل العربيه .. ولما جه يطلع بيها لقى العربيه بتبطل ولازم لما يدورها يدوس سنه بنزين وسامع صوت زى صوت الهوا كده ..... كل ده مش مشكله المشكله بقى ان الفرامل محجره والعربيه دايره وهوه دلوقتى راكن العربيه فى المكان اللى عطلت فيه علشان مش هيعرف يمشى بيها كده وهيشوف بكره ميكانيكى .. بس انا قولتلو الحمد لله انها عملت كده معاك بعد ما وقفت علشان هوه قبلها كان على الدائرى وطبعا لو كان حصل حاجه فى الفرامل كانت هتبقى كارثه

[sanhory]

اعتقد كده مسمار الهوا اللي في الكاربرراتر وقع , هو اللي بيعمل الحركة دي , خليه برده يشيك على الخراطيم اللي رايحة للسرفو

[tamertito88]

انا شاكك في السيرفو
الطاقية ممكن تكون اتقطعت طالما الفرامل حجرت

حصلت معايا في الهوندا سيفيك 1984

[khaleddapino]

طب انا الفرامل عندى تمام بس ساعات العربيه مش بدور الا لما افضل دايس بنزين

[Yones]

احيانا بتحصل معايا الموضوع ده بعد مشوار فعلا انها متدورش من اول مرة
بس مش ممكن يكون سببها الموبينة؟

[SAMEH_FOUAD]

معنى ان بدال الفرامل محجر يبقى كدة طاقية السيرفو اتقطعت

وان العربية مش راضية تدور وفية صوت هواء يبقى كدة اول حاجة هيبص عليها خرطوم الهواء اللى خارج من السيرفو ورايح للمكنة , وهيشيك على كل الخراطيم اللى واصلة للكربراتير

[wael ahmed]

الف شكر يا رجاله على الاهتمام وهو فعلا طلع الخرطوم اللى رايح للسيرفو اتقطع .... وشكرآ يا سامح باشا :) عقبال بقى لما انزل القاهره واظبط

عربيتى علشان مخرفه خالص ...... مقولتليش يا سامح انا اضبط العربيه ده فين يعنى احطها على scanner وجهاز الفاكيوم ده فين علشان ابقى

عارف بس ؟؟ وهتتكلف كام تقريبا وجهاز الفاكيوم ده غير الscanner

[SAMEH_FOUAD]

طيب قولى العربية مخرفة معاك فى اية وانا اقولك تعملها اية

[wael ahmed]

اول حاجه موضوع ان العربيه بتنتش نتشه غريبه قبل ما تقف على طول وانا داخل على مطب مثلا كأنك دوست سنه بنزين بمعنى ان ال rpm بيعلى شويه ويوطى ....... تانى حاجه الغيارات بتاعة الفتيس مره تبقى كويسه ومره تحس بالغيار والعربيه زى ما بيقولوا كده الغيار مش بيلحم فى الغيار اللى بعده وملاحظ حاجه غريبه ان ساعات صوت الغيار بيجى على مرتين مش على طول بس ساعات بحس فى الغيار الرابع مثلا انه بيجى على مرتين لدرجه انى حسيت العربيه فيها خامس d: شفت مخرفه ازاى ..... مش عارف اعمل ايه وبالذات فى النتشه اللى مع الفرامل دى ..
وطبعا rpm مش ثابت وهوه كده ممكن يبقى فيه حاجه فى الفتيس ... وكنت غيرت كبالن داخليه والرعشه اللى من 40 الى 60 راحت ودلوقتى بدات ترجع :s كده يبقى الكبالن دى لازم تتغير تانى كنت جايبها استيراد من عند منير ؟؟

[SAMEH_FOUAD]

اية بقى اللى دخل القصة دية فى انك تحط العربية على اسكانر , الاسكانر وظيفتة كشف الحساسات اللى مش بتعمل بكفاءة , وظبط المكنة , حذف الاخطاء

بالنسبة للفاكيوم ودة انك بتظبط من خلالة مسمار الهواء عشان تقدر تظبط نسبة الهواء والبنزين اللى داخلة للماتور وهو جهاز غير الاسكانر بس ممكن تعمل دة بالاسكانر لانة الاسكانر بيبقى فية قراية حساس الtps فتقدر تظبط مسمار الفاكيوم لحد ماتظبط معاك المكنة على 850 لفة

والمشكلة اللى عندك فى الفتيس دية انت اول حاجة هتشيك عليها سلك الكيك داون بتاع الفتيس لانى شاكك فية , وبعد كدة لو اتظبط ومافيش فرق يبقى كدة الفتيس ممكن يكون اتأثر بالخبطة اللى خدها
وموضوع عدم ثبات الاربى ام دة بيبقى من بلف الايدل لازم تتاكد من احكام الجوان بتاعة , عملة بكفاءة وسهلة جدا وانت مدور العربية شيل فيشة الايدل لو العربية بطلت يبقى كدة هو شغال وعايز يتنظف بس لو العربية مابطلتش يبقى الحساس دة وحش وقبل ماتغيرة بتنظفة كويس بwd40 وبعد كدة انفخة بكمبروسير واتاكد من الجوان بتاعة انة كويس ظبط الاربى ام تمام خلاص لقيتة بردة بيخرف يبقى كدة يتغير

بالنسبة للرعشة لو مافيش عندك خبط حديد ×حديد وانت طالع او بترجع لورا يبقى كدة استبعد الكبالن الخلفية , طيب ولما بتفتح على سرعات 120 اية الظروف هل فية رعشة ؟

[wael ahmed]

اية بقى اللى دخل القصة دية فى انك تحط العربية على اسكانر , الاسكانر وظيفتة كشف الحساسات اللى مش بتعمل بكفاءة , وظبط المكنة , حذف الاخطاء

بالنسبة للفاكيوم ودة انك بتظبط من خلالة مسمار الهواء عشان تقدر تظبط نسبة الهواء والبنزين اللى داخلة للماتور وهو جهاز غير الاسكانر بس ممكن تعمل دة بالاسكانر لانة الاسكانر بيبقى فية قراية حساس الtps فتقدر تظبط مسمار الفاكيوم لحد ماتظبط معاك المكنة على 850 لفة

انت قصدك موضوع النتشه اللى بيعلى فيها الار بى م دى ملهاش دعوه بالحساسات ؟!!! انا فى مره منير عملى حركه كده طلع فيشه من الكنترول وحط فيها سلك من من فلمبه التشيك انجين ظهرت وحط في الفيشه سلك وقالى زود بنزين واللمبه مفصلتش قالى قدام مفصلتش يبقى كده كل الحساسات شغاله تمام


والمشكلة اللى عندك فى الفتيس دية انت اول حاجة هتشيك عليها سلك الكيك داون بتاع الفتيس لانى شاكك فية , وبعد كدة لو اتظبط ومافيش فرق يبقى كدة الفتيس ممكن يكون اتأثر بالخبطة اللى خدها........

سلك الكيك داون اللى هوه على البكره اللى على البوابه وواصل للفتيس .؟ لو هوه ده اللى قصدك عليه كل مره منير يظبطه وهوه الكيك دلوقتى الى حد ما كويس بس ساعات العربيه بتاخد كيك داون بدرى شويه يعنى فى اول الدواسه بس انا شاكك ان السلك ده عايز يتغير او عايز حد كويس يظبطه .........طيب انا هعرف من فين ان السلك اتظبط ؟!! وبعدين ازاى الفتيس يكون اتأثر بالخبطه :S زى ما انت عارف انا مغير الفتيس ولا انت قصدك حاجه من ناحيه المكنه ؟

وموضوع عدم ثبات الاربى ام دة بيبقى من بلف الايدل لازم تتاكد من احكام الجوان بتاعة , عملة بكفاءة وسهلة جدا وانت مدور العربية شيل فيشة الايدل لو العربية بطلت يبقى كدة هو شغال وعايز يتنظف بس لو العربية مابطلتش يبقى الحساس دة وحش وقبل ماتغيرة بتنظفة كويس بwd40 وبعد كدة انفخة بكمبروسير واتاكد من الجوان بتاعة انة كويس ظبط الاربى ام تمام خلاص لقيتة بردة بيخرف يبقى كدة يتغير


حساس الايدل كنترول ده انا نضفته 3 مرات ومش ده اللى بيطلع منه سوسته وفيها زى بليه كده وفى النص بيبقى فيه جوان الجوان ده كان اتقطع من منير وهوه كان نشف تقريبا بس جابله جوان كده بجنيه مش عارف كده صح ولا ايه ؟! وكنت شوفت على سايت اجنبى وهوه بيلف البليه دى جوه الحساس مش بيقفلها كلها بيسبها مفتوحه ربع لفه علشان يسمح بمرور الهوا هل الكلام ده صح ولا لازم الفها كويس وتتقفل جامد ؟


بالنسبة للرعشة لو مافيش عندك خبط حديد ×حديد وانت طالع او بترجع لورا يبقى كدة استبعد الكبالن الخلفية , طيب ولما بتفتح على سرعات 120 اية الظروف هل فية رعشة ؟


هوه مفيش خبط حديد فى حديد ..... والكبالن الخلفيه دى هى الكبالن الداخليه ولا دى حاجه تانيه .... ولما بجرى على 120 بحس برعشه خفيفه بس احيانا واحيانا بس بتبدا تزيد من 140 وانتا طالع بس ده ممكن يكون من الترصيص او الكاوتش لانه محتاج يتغير .....بس على فكره موضوع الرعشه ده كان عندى من 40 - 60 وبعد مغيرت الكبالن راح خالص على فكره ومكنش فيه خبط حديد فى حديد الا وانا بدى العربيه p


ومعلش يا سامح باشا صدعتك معايا :)

[SAMEH_FOUAD]

اولا بالنسبة لحركة الفيش اللى عملها منير :

دلوقتى منير بياخد الكابل بتاع الكنترول وبيوصل فية سلكتين وبيشوف لمبة الشيك هتنور كام مرة وكل مرة بتحسب هية نورت وطفت قد اية لحد لما بتثبت لو مثلا لقيتهم 3 مرات يبقى كدة حساس ماب وهكذا ( دة مثال ) انا عن نفسى الطريقة دية ماتنفعش اصلا ومالهش لازمة لازم العربية تتحط على scan لكشف الاعطال , او افصل البطارية لمدة نصف ساعة عشان تشيل الاخطاء اللى على الكنترول

بالنسبة للسلك يبقى الاول تخلى منير يشوفلك السلك لانة لو تقيل هيبوظلك الدنيا وبردة لازم العربية تكون مظبوطة اربى ام

بالنسبة لحساس الايدل لو دخلة نسبة هواء بسيطة جدا يبقى كدة عمرة ماهيقرى صح لان اصلا بيعتمد على قراءة نسبة الهواء الصحيحة الموجودة داخل المكنة فانت لما دخلة هواء خارجى هيقرا ازاى مظبوط ...

بالنسبة للكبالن الداخلية اولا معلش شيل كلمة الخلفية وخليها الداخلية انا تقريبا نسيت

روح شوف ترصيصك واتاكد من العجلة طالما معندكش خبط مع الطلعة يبقى كدة كلة تمام

[wael ahmed]

طيب انا المشكله دلوقتى فى الغردقه ومش نازل غير على نص الشهر .... ومعنديش ميكانيكا اثق فيهم بصراحه ... فخلاصه الكلام ده لما انزل اودى العربيه فين اكشف عليها ب السكانر والكشف يتكلف كام تقريبا ؟!!

[SAMEH_FOUAD]

كشف جهاز الاعطال بيتكلف 30 جنية

وعلى فكرة قريبا منير هيجيب جهاز كشف الاعطال

ولو عايز حد دلوقتى يبقى عسكر اللى فى الحرفيين , وفية واحد تانى بس مانصحكش تعامل معاة ومش هاقول علية

[wael ahmed]

والله منير لو جابه يبقى اصلى هوه جاب برضه حاجه كده تقريبا اسمها كباس بيتحط مكان غطا الريداتير علشان يشوف لو فيه حاجه بتسرب او الخراطيم الوحشه..... ومين بقى اللى مش عايز تقول على اسمه علشان متعملش معاه هههههههههههه .. ابعتهولى على الخاص :d ..على فكره عربيتى فيها عفريت يا سامح امبارح واحد صاحبى ساق العربيه فتره كده وبعدين كنت بقوله على موضوع النتشه اللى بتحصل دى قبل ما تيجى تقف
قعد يقنعنى ان هيه كده ... بس بعد ما ركبت العربيه لقيت العربيه مش بتعمل النتشه دى :s بس انا متاكد لما انزل اركبها تانى هتعمل نفس الحوار