منه لله

[pop_king3]

بعد ما تعبت ولافيت اسال على ميكانيكى شاطر يغير اويل سيل الفتيس الاتوماتيك
وبعتنى اشترى طقم اصلاح ثمنه 300 جنيه ومصنعيه 200 حنيه فك وتركيب وزيت 6 لتر 150 جنيه لا جديد والتنقيط شغال
الى الاخوه فى الله لو حيد يدلنى على ميكانيكى يعرف الله وله الاجر والثواب
العربيه هوندا موديل 80 الفتيس اتوماتيك

[m3touk_85]

والله انا عملتها عند ميكانيكي عندي فى المعادي حوار الفتيس والحمد لله علمها صح لو حبيت اديك العنوان ما فيش مشكلة او لو حبيت اني اجي معاك ما فيش شمكلاة بردو

[Yones]

معلش متزعلش نفسك ان شاء الله الامور تتصلح على خير بس اهم حاجة فعلا تختار ميكانيكى ثقة بيعرف ربنا لان الميكانيكية النصابين كتير للاسف واكيد كل الزملاء هنا فى المنتدى هيساعدوك ان شاء الله

[pop_king3]

ياريت يا معتوق تكتبلى رقم تليفونه لو معاك
وعنوانه وربنا يجزيك خير
والله 600 جنيه
والتنقيط اكتر من الاول يعنى الزيت مش هيكمل يومين

[tarekzein]

معلش

قدر الله وما شاء فعل

إختيار الميكانيكى فى رأيى أهم حتى من قطعة الغيار نفسها

وماتسلمش عربيتك لأى حد

[m3touk_85]

ده رقمي اتصل بيه ونروح له
0103736110

انا على فكرة عملت الحوار ده وحاسس بيك , لان عملته عند ميكانيكاني وجبت كل الاولسياهت الاصلية ده غير الوقت وفى الاخ اسبوع والاقي الدنيا بتسرب زيت من الماتور والفتيس

فرحت للميكانيكي ده
اولا مصنوعيته اغلي شويه عن الميكانيكية التانيين

وقت طويل شويه بس بيراعي ربنا فى كل حاجة وبيعمل الحاجة وتنساها

وعلى فكرة هو كمان اللي عمل لي شغل العفشة اللي كان مخليني اكره عربيتي وعزت ابيعها لكن دلوقتي الحمد لله مريحاني

[khaledfox]

هو الميكانيكى ده اسمه ايه و عنوانه فين؟

[masterzmind]

الله معك يا اخى

[frontera09]

ربنا معاك انا كان معايا نفس الموديل بتاعك وتعبت لحد ما لاقيت حد يفهم فيها بس للاسف الميكانيكى بتاعى فى الاسكندرية