هونداوي جديد و مش عارف عربيتي ex ولا si

[gomgoma22]

اولا تحيه كبيره جدا لكل الهونداويه
ثانيا انا اتشرفت اني اكون عضو من الجروب العظيم ده :)

انا يا جماعه لسه شاري سيفيك 93 اوتوماتك و معلوماتي عنها ضعيفه كل اللي اعرفه انها بتنزل ب اتنين موتور
واحد 1500 كربراتير و التاني 1600 انجكشن الاول ex والتاني si

اتمني اكون صح و لو مش صح تصححولي
دلوقتي انا عربيتي كربراتير .... بس الموتور مكتوب ف الرخصه 1585 cc !!!

يا تري دي تبقي ايه بقي ؟ 1600 ولا 1500 ؟ و ex ولا si ولا el ولا sir ??????????

ساعدوني يا ريت عشان انا مبقتش فاهم حاجه

[M_Nabil]

أولاً الف مبروك وربنا يباركلك فيها

ثانياً ممكن تقول العربية كماليتها اية غير انها اوتوماتيك? عموماً لو مافيهاش فتحة سقف هتبقى El أو Ex

[gomgoma22]

الله يبارك فيك و الف شكر علي سرعه ردك
و بالنسبه للكماليات :

تكييف زراير , باور , سنتر لوك , اربعة زجاج كهرباء مع تحكم كهربائى للاربع ابواب من عند السائق , فتحة سقف كهربائية بانوراما بمستويين , فتح الشنطة والتانك من الداخل , مرايات كهربائية سخان زجاج خلفى , حامل اكواب ومسند يد مدمج فى الكونسول مع امكانية فتحة واستخدامة كمكان للتخزين , ساعة رقمية , تابلوة مغطى بالكامل بالجلد اربع سماعات , كاسيت من انتاج شركة هوندا , احزمة امان ثلاثية التثبيت مع امكانية تحريكها علويا وسفليا حسب طول السائق , امكانية ظبط عجلة القيادة فى اتجاهين الى اعلى واسفل مع شعار هوندا بالكروم على الطارة

ده اللي متأكد منه :)

[M_Nabil]

دى كدة Si ان شاء الله انجكشن، طيب الماتور بتاعها الاصلى الكامتين ولا متسقطلها ماتور كامة واحدة؟ لو مخدتش بالك منه ابقى شوفوا وبلاغنا

[gomgoma22]

ايوه يا باشا بس الموتور كربراتير مش انجشكن !!!!!!

و ع العموم اعتقد الموتور نفس الشكل اللي ف اللينك ده

http://www.nilemotors.net/Nile/182534-a.html

[SAMEH_FOUAD]

مواصفات العربية والكماليات si وبردة عشان تتاكد اكتر هتلاقى الطنابير الخلفية ديسكات مش طنابير يعنى زيها زى شكل الطنابير الامامية

بالنسبة للمحرك فالمحرك دة هتلاقى كودة d16a9 بس متعدل بوابة ومتشال منة الكنترول والحساسات وشغال كربراتير طالما هو 1600 سى سى زى ماحضرتك بتقول

[gomgoma22]

الله يفتح عليك يا سمسم
نورت الموضوع والله
انا هبقي ابص ع الفرامل الخلفيه و اقولكم
وشكرا يا جماعه جدا