انا مخنوق من الهوندا بجد مع انها حبيبتي00000!!!!!

[waled4u]

الحكايه إن هوندتى 98 خليجى 1500اوتو كود الموتور d15z4وما لقيتش الكود ده خالص ف بورسعيد ولا حد عارفه أساسا المهم من فتره وانا عندى نقص ميه وريحه حرق الماكينه مش ولا بد والميكانيكي بتاعي قالى عايزه جوان وش سلندر وطقم شنبر والفتيس بينطر مع النقل وعلشان تريح دماغك هات ماكينه بالفتيس بتاعها وبلاش تصلح وتوجع دماغك المهم كلمت سامح باشا برنس الهوند واللى كان سبب من أسباب شرائي ليها وأنا بأعتز بده وقاللى مشكور صلح المكنه واللى فيها مش كتير وعنده حق 00المهم غيرت الجوان وجلد الصباب والميكانيكي الباشا بتاعي قفل الموتور وتفاجأ إن فيه نفخه ف الميه رجع فك تانى وكشط وش السلندر وركب تانى ولقا نفس النفخه لسه موجوده 0000فك تانى وزود لحام ف المخرطه للشمايز وكشط تانى للشمايز وركب وطبعا كل مره بجوان جديد +غيار زين جديد والمخرطه تاخد يوم واتنين المهم الموضوع أخد حوالى إسبوع من وجع القلب والجيب معركه خسرت فيها 2000جنيه بالتمام 000المهم العربيه حاليا صوتها بعد التلين مش عاجبني+ سحب أقل جدا +بتاكل بنزين 150ك ف الصفيحه رحت للميكانيكي قالي إظبط كهربا وكمبيوتر وتعاللالى ظبط كهربا وبرضه لسه بتاكل أنا حاليا معقد ومخنوق وجايب أخري وسحب العربيه مزعلنى بخلاف النتشه اللى قلت لما وطا السلانسيه بتاع المكنه بس مش عارف أعمل إيه فينك يا سامح باشا مستني رأيك وبسرعه 0000

[HotRide]

كنت سقطت مكنه تانيه مش شرط ديه

انا بس مشا فاهم تلين ايه ؟
وبعدين لو المشكله من الوش هات وش ايستيراد و خلاص

[SAMEH_FOUAD]

الحكايه إن هوندتى 98 خليجى 1500اوتو كود الموتور d15z4وما لقيتش الكود ده خالص ف بورسعيد ولا حد عارفه أساسا المهم من فتره وانا عندى نقص ميه وريحه حرق الماكينه مش ولا بد والميكانيكي بتاعي قالى عايزه جوان وش سلندر وطقم شنبر والفتيس بينطر مع النقل وعلشان تريح دماغك هات ماكينه بالفتيس بتاعها وبلاش تصلح وتوجع دماغك المهم كلمت سامح باشا برنس الهوند واللى كان سبب من أسباب شرائي ليها وأنا بأعتز بده وقاللى مشكور صلح المكنه واللى فيها مش كتير وعنده حق 00المهم غيرت الجوان وجلد الصباب والميكانيكي الباشا بتاعي قفل الموتور وتفاجأ إن فيه نفخه ف الميه رجع فك تانى وكشط وش السلندر وركب تانى ولقا نفس النفخه لسه موجوده 0000فك تانى وزود لحام ف المخرطه للشمايز وكشط تانى للشمايز وركب وطبعا كل مره بجوان جديد +غيار زين جديد والمخرطه تاخد يوم واتنين المهم الموضوع أخد حوالى إسبوع من وجع القلب والجيب معركه خسرت فيها 2000جنيه بالتمام 000المهم العربيه حاليا صوتها بعد التلين مش عاجبني+ سحب أقل جدا +بتاكل بنزين 150ك ف الصفيحه رحت للميكانيكي قالي إظبط كهربا وكمبيوتر وتعاللالى ظبط كهربا وبرضه لسه بتاكل أنا حاليا معقد ومخنوق وجايب أخري وسحب العربيه مزعلنى بخلاف النتشه اللى قلت لما وطا السلانسيه بتاع المكنه بس مش عارف أعمل إيه فينك يا سامح باشا مستني رأيك وبسرعه 0000

اذيك ياباشا اية الاخبار ماتقلقش ان شاء الله كل حاجة بتتعمل

دلوقتى انت بتقول ان فى الاول لقيت المكنة بتعمل المشاكل اللى صادفتك فى الاول يعنى دة معناة انك لحقت وش السلندر قبل مايقفع يعنى كل اللى هيعملة الميكانيكى انة هيفك وينظف الوش كويس بقطعة سنفرة او عشان يتاكد ان المكنة تروح للخراط يمشى عليها الوش عشان يتاكد ان كلها مستوى واحد

لو كان عمل الكلام دة صح من الاول ماكنتش دخلت فى الموال دة , وبالنسبة للحام , شمايز اية اللى اتلحمت ياباشا الراجل دة كدة بهدلك الماتور خالص

عموما دلوقتى المشاكل اللى عندك سببها ( لما الميكانيكى قشط من الوش كذا مرة اصبح فية فرق مابين البساتم ووش السلندر ففية نسبة كبس بتهرب هية اللى عاملة موضوع قلة السحب والصوت العالى , وتسحب بنزين وكل المشاكل اللى حضرتك قايلها دية

حل المشكلة : كلمنى ياباشا او قابلنى حتى عشان اشوف اية اللى حصل فى المكنة بالظبط لان الراجل دة خلى من تكلفة لا تتعدى 500 جنية بالمصنعية خلاهم 2000 جنية مع اللعب فى الماتور

اهم حاجة بس يكون الخراط كويس ومايكونش عمل حاجة فى البلوكة

[tarekzein]

ربنا يسترها معاك من عك الصنايعيه

الفتايييييييييييييييييييييييين بيرحقوا دمنا

وفلوسنا معاهم

[MohssenRashed]

ربنا معاك انا رأي متروحش للميكانيكي ده تاني

[i_Am_Legend]

ياباشا_خليك مع سمسم_والدنيا هاتتظبط_وماتروحش إلا لميكانيكى هوندا وبس

[SAMEH_FOUAD]

ياباشا_خليك مع سمسم_والدنيا هاتتظبط_وماتروحش إلا لميكانيكى هوندا وبس

على فكرة انت واحشنى جدا ويقالك كتير مابتدخلش يارب يكون المانع خير

المهم انت اية اخبارك ويارب تكون بخير

وعايزين بقى مقارنات حامية كدة من مواضيعك انت فاهمنى طبعا

[i_Am_Legend]

على فكرة انت واحشنى جدا ويقالك كتير مابتدخلش يارب يكون المانع خير

المهم انت اية اخبارك ويارب تكون بخير

وعايزين بقى مقارنات حامية كدة من مواضيعك انت فاهمنى طبعا

والله وإنت واحشنى أكتر يا سامح باشا_انا بقالى فترة مش بدخل فعلا_لإن نفسيتى زى الزفت بصراحة بسبب الشغل من ساعة الثورة

[waled4u]

ان متشكر جدا لكل اللى ردو عليا وبالأخص سامح باشا وانا رحت لميكانيكي تاني وربط وش الماكينه كويس كان يعتبر مفكوك والسحب بقا معقول بس برضه مش زي قبل كده وهو قالى ان الماكنه لما كانت عاوزه شنبر كان سحبها أقوى من دلوقتي والله أعلم