إعـــــــلان

Collapse

.

,
See more
See less

محدش لية .. عاوز يرد على ثبات السيتى 1300 بعد ال 120

Collapse
X
 
  • Filter
  • الوقت
  • Show
Clear All
new posts

  • محدش لية .. عاوز يرد على ثبات السيتى 1300 بعد ال 120

    كل ما بسأل حد على ثبات السيتى بعد سرعة ال 120 كيلو . على طريق سفر محدش يرد.. عاوز اعرف الثبات على طرق السفر بعد ال120 مش فلا البلد اقصد فى السفر :p
    عشان طريق السفر بتبان فى الثبات و خصوصا على طريق العين السخنة بمعنى لما بيبقى فى شوية هوا و العربية بتجرى على 120 بتعوم او على 140 او اكتر بيبقى نزام الثبات اية
    ياريت لو حد عندو تجربة مع ثبات العربية فى طرق السفر يقولى
    مع العلم انى انا كان معايا رينو كليو 1200 و انتو عرفين ثبات الكليو اية
    ياريت حد يقولنا عشان مهم حد يفدنا عن الثبات فى السرعات ما بعد ال120 و لا العربية بتبقى خفيفة كمان على ال 120 دى تبقى مصيبة
    ياريت من كل ملاك الهوندا سيتى يقولولنا لان العربية طالع عليها سمعة ان الثباات سىء سىء سىء
    فى ما بعد ال 110 .. و لو حد عندو تجربة السفر و السرعة و الثبات حد يقولنا
    انا هحجز هوندا 2008 انشاء اللة و كلامكم هو اللى هيحدد انشاء اللة
    و هل هحس بفرق بينها و بين الكليو اللى كانت معايا .

    مستنى ردودكم يا احلى منتدى و احلى ناس فى مصر :] :]

  • #2
    بص يا سيدي واحد زميل لينا في الشغل العربيه دي قلبت بيه و هو داخل ملف بسرعة 120 في الغردقة و اعتقد من اسم العربية دي "City" انها مصممة للمدن بشكل رئيسي و لو حتسافر بيها يبقى تاخد باللك في مناطق زي منحنيات العين السخنة و ما تجريش اكتر من 80 -90ك/س
    [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
    [/CENTER]

    Comment


    • #3
      لا لا لالا انت بتتكلم بجد ... مفتكرش قمال بيقولولى لية 160 مرتاحين و الكلام دة

      Comment


      • #4
        ثباتها جيد

        انا الحمد لله استلمت الهوندا بتاعتى (سيتى 1300) من اسبوع تقريب والحمد لله عربية ممتازة
        ان شاء الله افتح موضوع جديد فى المنتدى واكتب عن انطباعى عن العربية

        انا جربتها وانا مسافراسكندرية وانا راجع قلت اشد بيها اشوف هتجيب كام .. العربية جبت بيها 180 والله العظيم . بالنسبة للثبات العربية لغاية 140 ثباتهاا جيد بعد كده الثبات بيخف كلما زادت السرعة بيبقى لازم تمسك الدريكسيون كويس .. بس ممكن تتعالج بجنوط اكبر (جنوط 15 مثلا) زى مشكلة الفيرنا بيعالجوا مشكلة الثبات فيها بالجنوط.
        وانا مختلف تمام مع الاستاذ mshamy فى انها قلبت فى منحنى بسرعة 120 ..ده اكيد كان عيب من اللى سايق لان ثبات العربية على السرعة دى حلو جدا ... وازاى ما يجريش بيها اكثر من 80-90 ,, هو راكب 127 ولا ايه ؟؟؟ :) العربية وزنها فاضية من غير الموتور 1080 زيها زى الانسر البومة 1085

        العربية اسمها سيتى علشان هى مصممة انها تبقى مريحة جدا فى السواقة جوه البلد الباور بتاعها ناعم جدا وموفرة جدا فى البنزين ...

        Comment


        • #5
          المشاركة الأصلية كتبت بواسطة mshamy مشاهدة المشاركة
          بص يا سيدي واحد زميل لينا في الشغل العربيه دي قلبت بيه و هو داخل ملف بسرعة 120 في الغردقة و اعتقد من اسم العربية دي "City" انها مصممة للمدن بشكل رئيسي و لو حتسافر بيها يبقى تاخد باللك في مناطق زي منحنيات العين السخنة و ما تجريش اكتر من 80 -90ك/س
          هى فعلا ثباتها مش حلو اوى بعد 120 و 130 حسب الطريق

          Comment


          • #6
            طبعا أهل مكة ادرى بشعابها زي ما بيقول المثل
            انا لقيت محدش رد على الراجل فقلت انقل له تجربة زميل في العمل زي ما وضحت قبل كده
            انا شخصيا عجباني جدا ركوبة السيتي بس تصميمها "الأيرودينامك" مش بيساعد فعلا في المنحينيات على سرعات عالية غير كده هي في الأخر "هوندا" ;)

            المشاركة الأصلية كتبت بواسطة ahmediz2000 مشاهدة المشاركة
            انا الحمد لله استلمت الهوندا بتاعتى (سيتى 1300) من اسبوع تقريب والحمد لله عربية ممتازة
            ان شاء الله افتح موضوع جديد فى المنتدى واكتب عن انطباعى عن العربية

            انا جربتها وانا مسافراسكندرية وانا راجع قلت اشد بيها اشوف هتجيب كام .. العربية جبت بيها 180 والله العظيم . بالنسبة للثبات العربية لغاية 140 ثباتهاا جيد بعد كده الثبات بيخف كلما زادت السرعة بيبقى لازم تمسك الدريكسيون كويس .. بس ممكن تتعالج بجنوط اكبر (جنوط 15 مثلا) زى مشكلة الفيرنا بيعالجوا مشكلة الثبات فيها بالجنوط.
            وانا مختلف تمام مع الاستاذ mshamy فى انها قلبت فى منحنى بسرعة 120 ..ده اكيد كان عيب من اللى سايق لان ثبات العربية على السرعة دى حلو جدا ... وازاى ما يجريش بيها اكثر من 80-90 ,, هو راكب 127 ولا ايه ؟؟؟ :) العربية وزنها فاضية من غير الموتور 1080 زيها زى الانسر البومة 1085

            العربية اسمها سيتى علشان هى مصممة انها تبقى مريحة جدا فى السواقة جوه البلد الباور بتاعها ناعم جدا وموفرة جدا فى البنزين ...
            [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
            [/CENTER]

            Comment


            • #7

              أنا معنديش فكرة عن ثبات السيتى الـ1300 بصراحة عامل ازاى لكن بالنسبة للـ 1500 اللى معايا فثباتها محترم فعلاً سواء على منحنيات بسرعات عالية أو عند الفرملة الشديدة من سرعات عالية (مفيش أى انحراف أو عومان اطلاقاً) و عن عدة تجارب على مدار سنتين هى عمر العربية دى معايا ... فى طريق فى اسكندرية اسمه محور التعمير هو يعتبر شبه high way بدون تقاطعات فى معظم أجزاؤه بس فيه بعض المنحنيات الحادة و ساعات بآخد المنحنيات دى على 150 و بأحس انى ممكن أزود السرعة عن كدة و العربية بتبقى متبتة فى الأرض ...

              على كل حال لو حضرتك عايز تبقى مطمئن تماماً يبقى غير الجنوط و الكاوتش العادة اللى فى الـ 1300 لما تستلمها و ركب جنوط 15 و كاوتش زى اللى بييجى فى السيتى الـ 1500 (بريدجستون بوتنزا 180/55R15) و دة كاوتش غالى و مزعج شوية لكن ممتاز فى الثبات.
              الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

              Comment


              • #8
                ع فكره وزن اللانسر البوما السبورت اديشن 1220 فى الكتاالوج انما اللى حضرتك بتقول عليه دا ممكن ال 1300 سى سى .......الله اعلم؟
                انما السيتى مع واحد صاحبى والصراحه فرق فظيع فى الثبات بينها وبين اللانسر بتاعاتى وهيا 1500 سى سى انما سحبها رهيييييييييييب ولكن على الملفات بسرعه كبيره اكبر غلط

                Comment


                • #9
                  لا لا ثباتها مش حلو خااااااااااااالص عن تجربة بجد بس انا مكنتش بجرى الصراحة

                  و اخويا حتى معاه اليومين دول السيتي بتاعتى هى عجباه و كل حاجة بس بيحس انه

                  مقلق و هو سايق رايح الشغل

                  العربية عالية اوى و خفيفية اوى و دة برضه مأثر على ثباتها
                  [SIZE="2"]i'll miss everyone[/SIZE]

                  Comment


                  • #10
                    شكرا على ردودكم ... دلوقتى كل و احد وجاى بيقولى مرة انها حلووة و مش حلوة
                    هى للدرجاتى عاملة زى المرجيحة انا كان معايا رينو كليو وثباتها تحفة لاغيت ال 150
                    تبقى دى تقولولى انها لغايت ال130 او 120 و كويسة
                    دى تبقى فضيحة للهوندا
                    طيب ثبات الاوبترا احسن و لا الهوندا ولا الرينو انا اتجننت يا ناس :(

                    Comment


                    • #11

                      معلش اسمحولى أتكلم بالأرقام لأن مشكلة الثبات انه بيبقى "احساس" انما فى اختبارات بتتعمل للثبات بالأرقام و دى بتبقى أرقام فعلية مش مجرد احساس ... لو حضرتك دخلت على موقع www.safercar.gov حتلاقى نتائج اختبارات الأمان الأمريكية NHTSA و من ضمنها تقييم Rollover resistance و دة بيتقاس بنسبة مئوية هى الـ Chance of rollover و كلما قلت كلما كانت الثبات أعلى ... و دى نتايج الاختبار دة لمجموعة من السيارات:

                      * هوندا فيت (النسخة الهاتشباك من هوندا سيتى و هى أقل وزناً من السيتى و بالتالى ثباتها أقل): 13% (4 نجوم)
                      * تويوتا ياريس: 13% (4 نجوم)
                      * شيفروليه أوبترا (بتنزل فى أمريكا باسم سوزوكى فورينزا): 11% (4 نجوم)
                      * لانسر 2007: 10% (4 نجوم)
                      * لانسر 2008 (الشكل الجديد): 12% (4 نجوم) -- و النسخة اللى تم اختبارها نازلة بكاوتش 215/45R18 يعنى ثباتها حيكون أعلى من اللى بتنزل مصر
                      * بى ام دبليو الفئة الثالثة 2008: 10% (4 نجوم)
                      * كورولا 2008: 12% (4 نجوم)
                      * هيونداى الانترا 2008: 10% (4 نجوم)
                      * مازدا 3 سيدان: 10% (4 نجوم)

                      زى ما حضرتك شايف من القائمة دى فى عربيات بنقول عليها هنا فى مصر ثباتها تعبان و عربيات ثباتها تحفة .. لكن فى النهاية الأرقام الفعلية المبنية على اختبارات و معايير صارمة بتقول ان كلهم ثباتهم قريب جداً من بعض و كلهم واخدين 4 نجوم يبقى عنصر الثبات حضرتك اطمئن تماماً من ناحيته و شوف باقى احتياجاتك ايه و قرر على أساسها.
                      الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

                      Comment


                      • #12
                        معلشان يا استاذ جندى انا مش عاجبنى الارقام دى وانا بامن بالتجارب الحقيقيه مش الارقام والحقيقه ان السيتى ثباتها سىء مقارنها بالسيارات اللى فى فئتها والكورولا الجديده ثباتها اعلى بكثير من الارقام الموضوعه وواضح من الارقام ان الماذدا 3 اثبت من الكورورلا الجديه وعلى ارض الواقع هذا الكلام غير مظبوط وعلى فكره انا شفت مره مقارنه بين كورورلا 2008 وماذدا 3 وهوندا سيفيك وسوباروا
                        كانت كوررولا فى المركز الاول ثم السيفيك ثم السوباروا ثم الماذدا فى المركز الاخير
                        وعلى لسان صديق والده كان عنده ميجان وغيرها وجاب نيو كورولا قال ثبات لايوصف بالنسبة للماذدا 3 الذى يمتلكها
                        وشكرا

                        Comment


                        • #13
                          فعلا يا جندى يا مجند كلامك حلووو
                          بس انا خلاص هروح اسحب المقدم العشر بواكى وهجيب اوبترا عشان سمعت ان ثباتها حللو اووى
                          فهتوكل على الله وانا الثبات عندى على طرق السفر مهم اوى

                          Comment


                          • #14
                            المشاركة الأصلية كتبت بواسطة hanyathlon مشاهدة المشاركة
                            فعلا يا جندى يا مجند كلامك حلووو
                            بس انا خلاص هروح اسحب المقدم العشر بواكى وهجيب اوبترا عشان سمعت ان ثباتها حللو اووى
                            فهتوكل على الله وانا الثبات عندى على طرق السفر مهم اوى
                            طيب ماشوفتش الصنى؟
                            [SIZE="2"]i'll miss everyone[/SIZE]

                            Comment


                            • #15
                              صنى مش عارف مابتنزليش من زوور يا اونا ... دة غيير انك تحسى انها ستايل قديم شوية
                              ميزة الاوبترا انها كبيرة وتقيلة على الارض و سعر اعادة البيع و قطع الغيار سهلة
                              فكدة اريح ..

                              Comment

                              Working...
                              X