استفسار عن الهوندا 93

[loverwispers]

قدامى سيارة هوندا 93 si كاملة
فبريقة جوة رشة حزام بره
اوتوماتيك , زجاج كهرباء , مريات كهرباء , باور,
المكنة خفيفة
مطلوب تتمين السارة من فضلكم على وجه السرعة

[loverwispers]

ممكن حد يرد عليا للاهمية بليز
العربية فى الانتظار

[SAMEH_FOUAD]

انت كدة تقدر تقول معاك عربية فابريكة جوة ونص العربية برة يعنى مش رشة ولا سقف ولا شنطة ولا قوايم

تانى نقطة بتاع الماتور انت بتقول خفيف , وعشان يبقى كويس ونظيف هيتكلف 2000 جنية وانا افضل تسقيط مكنة d16z6 كامة واحدة مزودة vtec فى حالة ان تصليح المكنة يعدى المبلغ دة

بالنسبة بقى للعفشة برة لازم نعرف حالتها كويس محتاجة شغل ولا نظيفة

بالنسبة للصالون بردة حالتة عاملة ازاى لانة مهم جدا ولازم يكون نظيف لان اكسسواراتة غالية

كل دة بيحدد سعر العربية

[loverwispers]

الصالون مية مية
العفشة عاوزة اسكاترة وجوز مساعدين امامى
ومتشكرين على الرد

[loverwispers]

تانى نقطة من فضلك عاوز اعرف لو عملت عمرة للماتور هاتكلف كام ؟
ولو جبت نفس الماتور ال SI هيتكلف كام ؟
ولو جبت الماتور vtec هيتكلف كام ؟
واسف مرة تانية على الاطالة

[SAMEH_FOUAD]

الصالون مية مية
العفشة عاوزة اسكاترة وجوز مساعدين امامى
ومتشكرين على الرد

اولا اسكاترة الهوندا ( علبة الدركسيون) عاملة استيراد 1000 جنية وجديدة 5200 جنية اصلى من التوكيل

المساعدين الامامى استيراد ب300 جنية جديد يابانى 800 من التوكيل 1150 للواحد

تانى نقطة من فضلك عاوز اعرف لو عملت عمرة للماتور هاتكلف كام ؟
ولو جبت نفس الماتور ال SI هيتكلف كام ؟
ولو جبت الماتور vtec هيتكلف كام ؟
واسف مرة تانية على الاطالة

عمرة الماتور طقم شنبر بس بالجوانات هيتكلف 2000 جنية

عمرة كاملة 3500 جنية

ماتور ال si الاصلى ( 2 كامة بدون vtec ) بيعمل 9000 جنية وغير موجود واقل سعر لية 7000 جنية

ماتور ال vtec حالة ممتازة بيعمل 4500 جنية من بورسعيد وعندنا 5500 جنية

لو على كلامك ان العربية صالونها نظيف , والعفشة مش محتاجة غير دول , والماتور يبقى العربية دية تقف ب40 الف جنية

[loverwispers]

الف شكر يا سمسم باشا
وجزاك الله كل خير