تكييف السيفيك كرهنى فى الدنيا

[thehardrock]

يا جماعة انا معايا سيفيك 93 وفيها موتور sir اوتوماتيك
وغيرت كل شىء فى التكييف , لكن مش بيبرد فى الحر خااااااااالص , احيانا بيبرد بالليل زى الفل , لكن فى الشمس انســــــــــــــــى .
دلوقتى انا فى واحد بتاع تكييف هيركبلى تكييف جديد كامل , بكومبريسور اسمه يونيفرسال بيقولى بيركب على اى عربية مع تعديل القاعدة بتاعته , وبيقول عليه ضمان سنة .
لكن انا خايف لانى صرفت على التكييف بتاع العربية دى كثييييير جدااااااااااا , وفى الاخر ولا حاجة
العربية مش بتبرد فى النهار وعلى طول بتعمل رجة اثناء تشغيل التكييف

وهل تنصحونى اروح التوكيل ولا برده مش هيحلوا المشكلة ؟؟

وشكراااا مقدما

[HotRide]

بص كده علي موضوع ده و بالاخص بمشاركه الاخ remon_taalat

http://www.nilemotors.net/Nile/205934-a-2.html

[M_Nabil]

طيب أنت غيرت اية في التكييف وايه اللى متغيرش؟ وهل في تسريب للفريون ولا الشحن تمام؟

أعتقد دى بتكون مشكلة ضعف الكمبريسور

[m3touk_85]

باشا انا نفس القصة اللي عندك بالظبط ووصلت انا كنت هغير الدورة كلها بس قلت اجرب الاول

بصيت الاول على نوع الكمبيوريسور ولقيته الاصلي لماتور SI يبقي الكباس طلع بيدعم R12

نزلت اخوان رزق اللي فى كلوب بيك وجبت عدد علبيتن فريون R12 - 406

بصيت على الخرايطم عندي لقيت فيهم واحد اي كلام ( عامل زي خرطوم الحمام )

رحت فكيتو ورحت عند بتاع خرطيم وعملت واحد جديد نوعية Goodyear امريكي الصنع

نظفت السربنتية بتاعت التكييف وبصيت على دورة التكييف لحسن تكون ملمسة لاي جزأ من الماتور فالبتالي هيسخن الماواسير كلو تمام حتي الان

رحت للراجل قلت له طلع لي الكويل ( المبخر ) وفكو من العلبة بتاعته واكتشفنا ان العلبة كان فيها تكسير لحمناها بمادة وايضا بمكوة لحام للضمان ونظفنا السربنتينة ونفخة هواء فى الدورة

ركبنا وكبسنا طلعا في 3 اماكن للتسريب

واحد من عند الكمبيوريسور وظبطنا الاويل سيل ( الجوان ) بتاعه ) وواحد من عين الفلتر اللي جنب الباور ورحت لحمتها بامير علشان التسريب |( نوع كده 2 فى 1 ) وواحدة من الكويل ربطنا قوي شويه ظبطت


طبعا قبل كل ده تكون مظبط حساس الهوا عندك والفلتر وتكون العربية على السلانسية 850 RPM

كبسنا هواء الحمد لله ما فيش تسريب

المرحلة اللي قبل الاخيرة قمنا بسحب جميع الهواء الموجود فى الدورة وعلشان اتاكد خليت الراجل يسيب السحب حوالي ساعة الا ربع علشان اضمن ما فيش هوا فى الدورة

جبنا الانابيب وشحنا والانبوبة مقلبوة علشان كل نوع فريون له زيت خاص به علشان حركة البستن بتاعت الكمبيوريسور مع الفريون

الجو تلج كان باليل قلت له اسبوع وهجيلك علشان نظبط الدنيا


خلي بالك ممكن تكون الدورة مش محتاجة فريون كتيير فالبتالي بيبوظ الدنيا

حط شوية فى شويه لغاية ما تظبط معاك

انا حطيت 370 جرام وعاين العلبة التانية والعربية كنت زييك فاقد الامل وكلو يقول لي كباس بايظ ومش عارف ايه قلت اجرب جرب الحوار ده مش هيكلفك كتيير

تمن الفريون علبتين 400 جرام ب 50 جنيه

خرطوم ضغط واطي نظيف امريكي ب 70 جنيه ( ده بتاعك كده كده مش هتخسروا )

شحن ( حسب مقدرتك على المفاصلة ) :)

تنظيف

ولو تحب عند الراجل اللي عمل لي قول لي ونروح سوا

[SAMEH_FOUAD]

يا جماعة انا معايا سيفيك 93 وفيها موتور sir اوتوماتيك
وغيرت كل شىء فى التكييف , لكن مش بيبرد فى الحر خااااااااالص , احيانا بيبرد بالليل زى الفل , لكن فى الشمس انســــــــــــــــى .
دلوقتى انا فى واحد بتاع تكييف هيركبلى تكييف جديد كامل , بكومبريسور اسمه يونيفرسال بيقولى بيركب على اى عربية مع تعديل القاعدة بتاعته , وبيقول عليه ضمان سنة .
لكن انا خايف لانى صرفت على التكييف بتاع العربية دى كثييييير جدااااااااااا , وفى الاخر ولا حاجة
العربية مش بتبرد فى النهار وعلى طول بتعمل رجة اثناء تشغيل التكييف

وهل تنصحونى اروح التوكيل ولا برده مش هيحلوا المشكلة ؟؟

وشكراااا مقدما

اذيك ياباشا يارب تكون بخير

دلوقتى بالنسبة لموضوع التكييف اكيد فى حاجة عندك غلط مش مظبوطة نمشى مع بعض واحدة واحدة

دلوقتى انت غيرت كل مكونات التكييف , بدون فائدة واحيانا بتقول بليل بيسقع يعنى فى حاجة غلط

طيب انا دلوقتى عايز اقولك حاجة ان العيب مش فى التكييف , العيب فى المكنة لما انت بتشغل التكييف العربية بترعش ودة معناة انخفاض فى عدد لفات المحرك طبعا بيأثر بالسلب على التكييف لانة مش هيخلى الكباس يضغط الفريون بكفاءة فاكيد الدنيا عندك هتقل فى التبريد وفى كل حاجة

وعشان تعالج العيب دة يبقى حضرتك هتفك الثروتل بودى كلة وتنظفة تنظيف شامل بمسمار الفاكيوم والايدل اهم حاجة

على فكرة اوعى تغير حاجة فى مكونات التكييف بتاعك , وياريت تكلمنى عشان افهم منك المشكلة صح واى عوارض بتظهر معاك وان شاء الله المشكلة تختفى من غير مصاريف اضافية دة رقمى ياباشا 0103088605 اخوك سامح

[tarekzein]

أيه ده يا معتوق

أنت بتذاكر من ورايا وألا أيه :)

ميه ميه

شكلى هاجيللك قريب يا توقه

وياريت ياسمسم نبقى نشرح المشكله هنا بعد التليفونات

ونقول حلها لإفادة الكل

[m3touk_85]

أيه ده يا معتوق

أنت بتذاكر من ورايا وألا أيه :)

ميه ميه

شكلى هاجيللك قريب يا توقه

وياريت ياسمسم نبقى نشرح المشكله هنا بعد التليفونات

ونقول حلها لإفادة الكل

يا باشا تنورني ولا مذاكرة ولا حاجة بعض من عندك استاذنا

[thehardrock]

والله يا جماعة حاولت فيه بكل شىء وبكل الاشكال , انا بجد فقدت الامل فى التكييف بتاع العربية دى
طيب معلش يا استاذ m3touk_85 هل التكييف بتاعك شغال كويس فى الحر ؟؟؟
يعنى بيسقع ولا كأنك مشغل مروحة عادية زى :)
وياريت تقولى نوع الكباس اللى عندك , وهل العربية بتعمل رجة مع التكييف
, وياريت والله لو نتقابل ونشوف القصة دى عشان انا اتخنقت , بس انا مش عاوز ازعجك واشغل وقتك

استاذ سامح ..... عامل ايه ياكبير , معلش انا عاملك ازعاج بالتكييف بتاعى ده من زمااااان لو تفتكر :)
بس انا لسة فاضلى شوية امل بيك وبالناس اللى تكيف عربيته شغال كويس ,
بص انا دلوقتى معنديش سربنتينة اصلا , لان العربية كان مخبوطة ومن ساعتها معملتش حاجة فيها , وبفكر اروح اركب تكييف جديد كامل بكباس اسمه يونيفرسال , ياترى ايه رائيك فى الكلام ده
وشكرا يا جماعة واسف على ازعاجكم

[m3touk_85]

ياباشا تنورني في اي وقت ( ماعدا الجمعة ) :):)

وان شاء الله اكلم سامح ونظبط لك الحوار ده

[mmffor]

بلاش الكمبروسر اليونيفيرسال
بيبقى تقيل على الموتور
نصيحة تجيب كمبروسر استيراد هوندا احسن
لو العيب في الكمبروسر
شيك على الخراطيم

[SAMEH_FOUAD]

والله يا جماعة حاولت فيه بكل شىء وبكل الاشكال , انا بجد فقدت الامل فى التكييف بتاع العربية دى
طيب معلش يا استاذ m3touk_85 هل التكييف بتاعك شغال كويس فى الحر ؟؟؟
يعنى بيسقع ولا كأنك مشغل مروحة عادية زى :)
وياريت تقولى نوع الكباس اللى عندك , وهل العربية بتعمل رجة مع التكييف
, وياريت والله لو نتقابل ونشوف القصة دى عشان انا اتخنقت , بس انا مش عاوز ازعجك واشغل وقتك

استاذ سامح ..... عامل ايه ياكبير , معلش انا عاملك ازعاج بالتكييف بتاعى ده من زمااااان لو تفتكر :)
بس انا لسة فاضلى شوية امل بيك وبالناس اللى تكيف عربيته شغال كويس ,
بص انا دلوقتى معنديش سربنتينة اصلا , لان العربية كان مخبوطة ومن ساعتها معملتش حاجة فيها , وبفكر اروح اركب تكييف جديد كامل بكباس اسمه يونيفرسال , ياترى ايه رائيك فى الكلام ده
وشكرا يا جماعة واسف على ازعاجكم

اية ياباشا كان نفسنا نشوفك امبارح فى المقابلة بس ان شاء الله تتعوض

وبالنسبة للتكييف ماقولتلك ماتحملش نفسك مصاريف على الفاضى وانت معندكش عيب فى مكونات التكييف

شوف قابلنى فى يوم وانا اشوف المشكلة دية من اية وسيبك من اللى كل شوية يقولك نغير ونشيل ونحط

تكييف السيفيك تحفة من اول موديل 87 ال 2010 بدون اى تعديلات

[thehardrock]

اية ياباشا كان نفسنا نشوفك امبارح فى المقابلة بس ان شاء الله تتعوض

وبالنسبة للتكييف ماقولتلك ماتحملش نفسك مصاريف على الفاضى وانت معندكش عيب فى مكونات التكييف

شوف قابلنى فى يوم وانا اشوف المشكلة دية من اية وسيبك من اللى كل شوية يقولك نغير ونشيل ونحط

تكييف السيفيك تحفة من اول موديل 87 ال 2010 بدون اى تعديلات

كان نفسى اجى يا سمسم والله , بس للاسف كان عندى شغل .... بس انشاء الله تتعوض ,
انا معايا رقمك هبقى اكلمك عشان نتقابل ونشوف حكاية التكييف ده ايه , بس يارب لما اكلمك تعرفنى
والله يا سامح لو التكييف ده اشتغل كويس يبقى جميل عمرى ما هنسهولك ههههههههه
, انا بس هودى العربية عندى السمكرى , وانشاء الله اسبوع كده وهتلاقينى بكلمك
شكرااااااااا يا باشا

[ehab16]

بص علي الكاوتشه اللي بين عمود الدريكسيون و سدر العربيه لا كان عندي نفس العيب اللي عندك و اكتشفت الموصوع ده بالصدفه بعد ما غيرت 2 سيستم تكييف و مصاريف 6 الاف جنيه و الله ده بيدخل سخونيه الموتور و الهواء الخارجي علي الصالون شوف و رد عليا

[thehardrock]

بص علي الكاوتشه اللي بين عمود الدريكسيون و سدر العربيه لا كان عندي نفس العيب اللي عندك و اكتشفت الموصوع ده بالصدفه بعد ما غيرت 2 سيستم تكييف و مصاريف 6 الاف جنيه و الله ده بيدخل سخونيه الموتور و الهواء الخارجي علي الصالون شوف و رد عليا

معلش قولى الاقيها فين بالظبط :)
انت تقصد العازل اللى ورا التابلو ؟

[ehab16]

لا بالضبط عارف مكان خروج عامود الدريكسيون و علشان يوصل مع الاسكترا بيعيدي خلا سدر الغربيه فوق كفه البزين و الفرامل و في الغالب بيكون احد افتائات الميكانيكي او السروجي اثناء الشغل شوف و رد عليا و لو احجت مساعده كلمني 0168727494 اخوك مهندس ايهاب