Honda Civic 2008

[NAGUIB]

:) والدي استقر علي السيفيك بعد مقارنه طويـــــــــــــله مع اللانسر و الكورولا
اخيرا استقر علي السيفيك
انتوا ايه رأيكوا بأمانه في اختياره لنوع العربيه بحياد تام و ارجو ذلك خصوصا مع الاخ ميمـــــــو
اللون ايه رأيكوا احسن لون للسيفيك
ارجو المشاركه بقلب :)

[NAGUIB]

صوتوا يا رجاله مع ان الجمله ممكن تتفهم غلط
بس انا قصدي علي الاستطلاع

[Hondawy_2008]

اختيار موفق إن شاء الله وانا حاجز ومستني الاستلام إن شاء الله الشهر الجاي

ورأيي أحسن لون الأزرق لأني أنا مختاره طبعا :d ولانه لون مش منتشر وبجد يجنن علي السيفيك

الأسود و الفضي ألوان حلوه طبعا بس تقللللللللليييييييييدييييييييه جدا في رأيي

وعلي فكره الشامبين اتلغي مبينزلش منه تاني لأن مصنع هوندا وقف انتاجه........

[NAGUIB]

اشكرك جدا يا hodawy بس انا بصراحه بعشق الاسود عليها :p

[Hondawy_2008]

بص يا نجيب باشا هو موضوع اللون في الأول والاخر أزواق

عامه هو الأسود بيسموه ملوكي بس في رأيي ليه 3 مشاكل أساسيه:

1- احنا في مصر يعني عارف اد ايه في تلوث وتراب فلأسود هيتبهدل الا لو غسلت العربيه 3 مرات في اليوم :))
2- في الصيف الأسود لعنة هيسخنلك الصالون جدا أكتر من أي لون تاني
3-الفرش الأصلي الداخلي بيج نقول هتركب فرش غامق طيب الأبواب من الداخل هتعمل فيها ايه؟

[fahd_628]

انا راى الأسود على اى عربية بيبقى تحفة جدا

[bassam nagy]

بصراحة اللون الاسود فيها تحفة وشيك

[adelkarim]

طبعا الأسود هايل بس فعلا مشكلته هى الفرش البيج اللى جوه.

[tutankhamoun]

أولا مبروك على الأختيار و أنا أعتقد إن هوندا مع سوباروا هما أفضل شركتين يابانيتين من ناحية صُنع محركات
و هوندا سيفيك أكثر من رائعة و بالفعل هي أفضل من التويوتا كورولا و أفضل من اللانسر
و بالنسبة لللون ............ فضـــــــــي روعة عليها مع أنه منتشر

[m7md_hany2]

أنا مش عارف الصراحة ايه مشكلة الفرش البيج فيها ..... طب ما البيج ده بيدي وسع للصالون و فرش أبوابأحلي من الفرش الغامق ... مشكلته الوحيدة هي تنضيفه .... و المشكلة الوحيدة بالنسبالي مع اللون الاسود هو التراب والوساخة .... سامعني يا فؤاد :d:d:d.... التراااااب و غير كدة .... في درجتتين للازرق... أتتقصد انهي واحدة فيهم ؟؟؟؟

[Sharky]

رأى الشخصى الشامبين لو مكنش إتلغى

[mshamy]

1000 مبروك مقدما

الأزرق يكسب يا باشا و ربنا يديلكم خيرها و يكفيكم شرها و شر الطريق:)

[veriano]

أفضل لون هو الرمادى ---- ليه مفيش حد بيتكلم عليه؟
galaxy grey

[ahmed_badran]

والدك عنده حق اما اللون فضى تبعا لأختياراتك المتاحه و لكنى افضل الأبيض

[NAGUIB]

استلم والدي العربيه من حوالي 4 - 5 ساعات من الفطيم سور نادي الترسانه و جاللي بيها الشيخ زايد و لونها يا جماعه اللون اللي كنت فعلا حابوه فيها ( الاســـــــود ) تحفه بصراحه سقتها لحوالي كيلو متر مش قادر اقوللكم علي الاحساس الجامد موووت فعلا حاسيس اني ماشي بعربيه فيها تابلوه طياره فعلا فينيش فوق الممتاز و فعلا الله يلعن المانيوال مية مره.....عند كل مطب لما بهدي بكون عايز ادوس علي الدبرياج اللي مش موجود عشان العربيه طبعا اوتوماتيك ,,,, طبعا الشاهين بتجري في دمي و ان شاء الله هاخد الانسر من والدي لما يرخص الهوندا في مرور الشيخ زايد يوم السبت ادعولوه ربنا يسهلوا التراخيص طبعا عشان اخد اللانسر ..:D