استفسار عن اسعار قطع غيار civic sir 93

[hashtka]

انا نويت ان شاء الله اجيب سيفيك 93 sir

بس النهاردة واحد صاحبى بيقولى ان قطع غيارها اغلى بكتير من العادية زى ال ex-si

و قالى ارقام عالية كدة قلقنى من موضوع اسعار العفشة و سير الكاتينة و الحاجات دى

ممكن حد يقولى الاسعار بتاعتها عاملة كام دلوقتى بالنسبة للعفشة و السيور و الحاجات دى؟

شكرا

[SAMEH_FOUAD]

شوف ياباشا انت دلوقتى عايز تركب sir يعنى سيارة رياضية يبقى اكيد هتختلف عن السيارات العادية بس اللى الناس ماتعرفوش ان اللى بيختلف بس نوع الزيت المستخدم لازم يبقى مش اقل من نصف تخليقى , نوع البنزين مايقلش عن 92 وبردة مش مستحب العربية دية مكتوبلها فى الكتالوج minimum 95 , maximum 98 عشان تاخد قوة الماتور كاملة

بالنسبة للسيور اغلى من ال si ب 50 جنية بس لان سعر سير الكاتنية الاصلى ب275 للsi و 325 جنية لل SiR

والعفشة كلها واحدة ماعدا مقاس الطنابير والتيل والكبالن غير كدة كلة واحد يبقى فين بقى الاختلاف

[sanhory]

بعض الحاجات بتبقي اغلى من ال si شوية يعني لو 93 حتبقى العفشة اللي ورا هي هي ممكن اللي قدام تبقى مختلفة لو اللي كانت معاه العربية مغيرها و حاطت عفشة sir ممكن ساعتها تيل الفرامل يختلف شوية عشان الطنابير 14 و تمنه النظيف بيبدأ من 150 و لحاد 450 الاصلي
و الموتور بردو في حاجات ممكن تلاقيها اغلي من ال si اللي هى حاجات جوا الموتور و الجوانات وسير الكاتينة و كده و في حاجات بتبقي نفس التمن زي فلتر البنزين والهوا لكن قصاد دا كله انت بتاخد اداء رياضي مش موجود في عربيات حديثة

وخلي بالك ان الsir دي متسقطه في العربية لان الشكل 93 منزلش منه sir original في مصر , فا حاول تتأكد ان المكنة متسقطه صح و ضفيرتها مظبوطة و كله تمام عشان متلفش حوالين نفسك في مشاكل بعد كده

[hashtka]

يعنى معلومة ان راس الكوبلن بتاعت ال sir ب 500 جنيه دى غلط؟

و ممكن اعرف لو عايز اتاكد ان المكنة متسقطة صح و كلو تمام ...اكشف عليها فين؟

اه, و فى عربية انا شفتها و عجبانى جدا....وهى بوجه عام نضيفة جدا جدا....
بس العيب الوحيد الى فيها ان سير التكيف مقطوع
ممكن تقولولى الموضوع ده بسيط ولا هيخلينى الف حوالين نفسى و هيقرفنى؟

[M_Nabil]

رأس الكوبلن ياباني سعرها 275 جنية

وعشان تتأكد ان المكنه متسقطة صح تكشف عليها عند حد متخصص هوندا، وموضوع سير التكييف ده لو هو سير بس تبقى بسيطة انما لو في مشكلة في أجزاء التكييف هنا هتبقى المشكلة يفضل تخلى يركب سير التكييف ويشحنه لو مش مشحون عشان تعرف تجرب التكييف وأنت بتكشف على العربية

بالتوفيق ان شاء الله