أرجو المساعدة بخصوص السيفيك موديل90

[mustafa927222]

اعزائي الهنداوية أرجو المساعدة في تقديم معلومات عن الهوندا90 لأني بفكر اشتريها ، وبالفعل انا بعت عربيتي المازدا929 من يومين ، وبفكر بجدية في السيفيك 90 ، عاوز اعرف الموديلات الخاصة بنفس شكل الـ90 ايه ؟ وعاوز اعرف أهم مميزات وعيوب العربية واستهلاكها للبنزين اخباره ايه ، وهل هي كربرتير ولا انجيكشن ، اسعار أهم قطع الغيار بتاعتها ، وهل كل حاجة فيها موجودة جديدة ولا لأ ؟ علبة الدريكسيون مثلا في منها جديد ؟ الدينامو والمارش ؟ عاوز اعرف كمان اسعار قطع الغيار المهمة والدورية زي تيل الفرامل الطنابير والمساعدين و الكباااالن ، الفوانيس امامي وخلفي ، قوة الموتور والتكيف اخباره ايه هل قوي ولا لأ ؟ وانا ساكن في الهرم مين اقرب واحد ليه عنده كل حاجتها ؟ وهل هي عند علي زيدان في الدقي ؟
وكمان عاوز اعرف الاسعار اخبارها ايه ؟ النظيف منها بكام ؟ انا شفت عربيات بحالة نظيفة بحوالي26ألف ، فهل من الممكن المساعدة في هذا الأمر ، ربنا يباركلكم وفعلا موقع جميل وفكرة جميلة ، وان شاء الله انضملكم قريب

[No Comment]

اقرأ الموضوع ده هيفيدك فى معظم اسئلتك ... وان شاء الله تلاقى عربية جيدة .

http://www.nilemotors.net/Nile/191861-a.html

[SAMEH_FOUAD]

اعزائي الهنداوية أرجو المساعدة في تقديم معلومات عن الهوندا90 لأني بفكر اشتريها ، وبالفعل انا بعت عربيتي المازدا929 من يومين ، وبفكر بجدية في السيفيك 90 ، عاوز اعرف الموديلات الخاصة بنفس شكل الـ90 ايه ؟ وعاوز اعرف أهم مميزات وعيوب العربية واستهلاكها للبنزين اخباره ايه ، وهل هي كربرتير ولا انجيكشن ، اسعار أهم قطع الغيار بتاعتها ، وهل كل حاجة فيها موجودة جديدة ولا لأ ؟ علبة الدريكسيون مثلا في منها جديد ؟ الدينامو والمارش ؟ عاوز اعرف كمان اسعار قطع الغيار المهمة والدورية زي تيل الفرامل الطنابير والمساعدين و الكباااالن ، الفوانيس امامي وخلفي ، قوة الموتور والتكيف اخباره ايه هل قوي ولا لأ ؟ وانا ساكن في الهرم مين اقرب واحد ليه عنده كل حاجتها ؟ وهل هي عند علي زيدان في الدقي ؟
وكمان عاوز اعرف الاسعار اخبارها ايه ؟ النظيف منها بكام ؟ انا شفت عربيات بحالة نظيفة بحوالي26ألف ، فهل من الممكن المساعدة في هذا الأمر ، ربنا يباركلكم وفعلا موقع جميل وفكرة جميلة ، وان شاء الله انضملكم قريب

اولا اهلا بيك فى قسم الهوندا

السيفيك كويسة جدا والموديل دة بردة ممتاز وقطع غيارة متوافرة سواء عفشة او ماتور

الاستهلاك كويس بيعمل 170 فى الصفيحة

علبة الدركسيون موجودة جديدة فى التوكيل بس مانصحش تعرف سعرها لانها معدية الثلاث الاف جنية بكتير

كل حاجة انت عايزها موجودة سواء جديدة او استيراد بس جديدة هتبقى غالية اوى الاستيراد بيقوم بالواجب وكويس جدا وبيعيش

تيل الفرامل بيبدأ النظيف من 120 جنية الى 275 الاصلى , الطنابير استيراد ب250 جنية وجديدة اصلى ب1000 جنية ويابانى شركات ب450 جنية

المساعدين ب300 جنية استيراد وماتجيبهومش غير استيراد او جديد اصلى والواحد تمنة 800 جنية

الكبالن ب200 جنية للواحد

الفوانيس استيراد ب250 امامى وجديد ب350 جنية الخلفى كامل جزئين ب500 جنية للجنبين يابانى

الماتور ماشاء الله قوى مع التكييف كمان مافيش اى تأثير على السحب والتكييف ممتاز

شوف فية كتير ماتشغلش بالك من موضوع قطع الغيار وموجودة فى الدقى كتير فية اتنين الاميران وعلى زيدان وواحد فى شارع البطل احمد بن عبد العزيز بعد مترو الدقى

سعر العربية فاضية تكييف بس ب27 الف جنية نظيفة مش محتاجة مصاريف غير حاجات خفيفة , سعرها كاملة ماعدا فتحة السقف ب 30 الف جنية

بفتحة السقف بتعمل 32 الف جنية

[aboomar22]

ايه الجمال ده ياسمسم مش ممكن نعملك انتداب عندنا فى قسم البيجو

[mustafa927222]

انا متشكر جدا لردك واهتمامك السريع ، ألف ألف شكر ، بس انا شايف ان 170 كيلو في الصفيحة مش قليل شوية ؟

[mustafa927222]

بس بصراحة قطع الغيار غالية شوية خاصة للفوانيس والتيل ، سعر التيل بصراحة عالي جداً ، سعر الكبالن ممتاز بس ده سعر الصيني ولا الياباني ؟
الفانوس الأمامي بـ250 جنيه للواحد ولا الاثنين ؟ وبما فيه الاشارة ولا الاشارة لوحدها ؟ وهل الوش لوحده والجزء الداخلي للفانوس لوحده ولا لازم تشتري الفانوس كامل ؟
وبالنسبة لتيل الفرامل هل ده سعر الفردة الواحدة ولا الفردتين ولا ايه ؟ انا شايف ان لو الفردة بـ 200جنيه مثلا يعني تغيير التيل يكلف 800جنيه غير تركيبه ، مش يبقى كتير شوية ؟
وهل سعر المساعد الاستيراد الواحد 300ولا الجوز ؟
انا حاسس ان المازدا كده كانت قطع غيارها ببلاش ، يعين مثلا الفوانيس كان الوش الخلفي كامل بـ45 والفانوس الخلفي كامل بـ120جنيه !! التيل امامي ب،50جنيه والخلفي بـ75 جنيه !! جوز المساعدين خلفي بـ300جنيه ، وكل ده طبعا سعر الجديد ، فانا حاسس ان السعر في الهوندا كده عالي جداً ، فأرجو التوضيح

[SAMEH_FOUAD]

بس بصراحة قطع الغيار غالية شوية خاصة للفوانيس والتيل ، سعر التيل بصراحة عالي جداً ، سعر الكبالن ممتاز بس ده سعر الصيني ولا الياباني ؟
الفانوس الأمامي بـ250 جنيه للواحد ولا الاثنين ؟ وبما فيه الاشارة ولا الاشارة لوحدها ؟ وهل الوش لوحده والجزء الداخلي للفانوس لوحده ولا لازم تشتري الفانوس كامل ؟
وبالنسبة لتيل الفرامل هل ده سعر الفردة الواحدة ولا الفردتين ولا ايه ؟ انا شايف ان لو الفردة بـ 200جنيه مثلا يعني تغيير التيل يكلف 800جنيه غير تركيبه ، مش يبقى كتير شوية ؟
وهل سعر المساعد الاستيراد الواحد 300ولا الجوز ؟
انا حاسس ان المازدا كده كانت قطع غيارها ببلاش ، يعين مثلا الفوانيس كان الوش الخلفي كامل بـ45 والفانوس الخلفي كامل بـ120جنيه !! التيل امامي ب،50جنيه والخلفي بـ75 جنيه !! جوز المساعدين خلفي بـ300جنيه ، وكل ده طبعا سعر الجديد ، فانا حاسس ان السعر في الهوندا كده عالي جداً ، فأرجو التوضيح

سعر التيل عالى ؟ ياباشا التيل بيبدأ من 120 جنية وفية ب60 بس ماتسالش على طنابير بعد مرتين تغير من النوع دة وعلى فكرة التيل بيقعد 8 شهور على الاستخدام القاسى والعادى بيقعد سنة , وياباشا هو فية حد بيغير تيل لفردة واحدة بس اكيد الجنبين طبعا

سعر الكبالن nkn يابانى الاصلى مابيتباعوش لوحدهم تمنهم 4000 جنية للجنبين كاملين( اكس+ كوبلن داخلى ×2) من التوكيل

سعر الفوانيس للجنبين طبعا وسعر الاشارات الجانبية ب50 جنية للواحد استيراد

وبالنسبة للفانوس على حسب اللى عندك لو ممكن يتغير يبقى هتغير بس الوش ودة للاسف مش هيجى غير جديد تايوانى بيعملوا الاتنين 70 جنية بس نادرين

سعر المساعد 300 جنية وممكن يخلص على 250 جنية للجنبين طبعا

معلش ياباشا انت المساعدين بتركبها وبتنساها خالص , اى قطعة غيار فى العربية بتركبها وبتنساها طالما ركبتها اصلية او استيراد بحالة الزيرو

[tarekzein]

معلش ياباشا انت المساعدين بتركبها وبتنساها خالص , اى قطعة غيار فى العربية بتركبها وبتنساها طالما ركبتها اصلية او استيراد بحالة الزيرو

تمام ياباشا هوه ده الكلام

ولو هاتدور على توفير بس

يبقى بلاش هوندا أو أوبل

السعر = عمر طويل جدا

[mustafa927222]

أنا متشكر جدا جدا جدا ، ربنا يبارك فيك ويجزيك خير على اهتمامك ومعلوماتك الممتازة والمفيدة ، آخر حاجة علشان انا تقلت عليكم جدا عاوز ارقام تليفونات لمن يبيعون الاستيراد وكذلك محل اسعاره كويسه للجديد ، اكيد عندكم من الخبرة ما يسهل اختيار الشخص الأمين خاصة في الاستيراد ، وانا بإذن الله هصلي استخارة واشوف ربنا هيختارلي ايه ، ولو في حد قدامه عربية بحالة ممتازة وسعر كويس ياريت يكتبلي تليفونه وانا اتصل بيه بإذن الله ، ومرة تانية متشكر جداً يا استاذ سامح

[No Comment]

اسعار بعض قطع الغيار
علبة دركسيون استيراد 1200:1100
طنابير امامى جديدة يابانى 400
تيل فرامل (رمزا) 175 وسوست التيل 8 سست بـ 240 أصلى
قواعد ماتور rpi وده نوع كويس 125 : 175 والاصلى يبدأ من 185
كوتشات كبالن واويل سيلات من 35 : 95 للاصلى
بلية كاتينة وسير كاتينة يابانى 100 تقريباً
سيور يابانى 35 : 60
مقص خلفى استيراد 225
شداد أمامى 35
ارقام تليفونات بعض التجار فى المستعمل والجديد
مجدى الدسوقى 0123406486
توشكى 0108388347

[SAMEH_FOUAD]

ايه الجمال ده ياسمسم مش ممكن نعملك انتداب عندنا فى قسم البيجو

ياباشا ربنا يخليك ونورت قسم الهوندا ياباشا ولو احتاجت اى حاجة انا فى الخدمة

[SAMEH_FOUAD]

أنا متشكر جدا جدا جدا ، ربنا يبارك فيك ويجزيك خير على اهتمامك ومعلوماتك الممتازة والمفيدة ، آخر حاجة علشان انا تقلت عليكم جدا عاوز ارقام تليفونات لمن يبيعون الاستيراد وكذلك محل اسعاره كويسه للجديد ، اكيد عندكم من الخبرة ما يسهل اختيار الشخص الأمين خاصة في الاستيراد ، وانا بإذن الله هصلي استخارة واشوف ربنا هيختارلي ايه ، ولو في حد قدامه عربية بحالة ممتازة وسعر كويس ياريت يكتبلي تليفونه وانا اتصل بيه بإذن الله ، ومرة تانية متشكر جداً يا استاذ سامح

طيب ياباشا عندك مجدى الدسوقى فى الحرفيين ودة رقمة 0166660557 دة جديد اصلى ويابانى وتايوانى واستيراد ومواتير كاملة

توشكى فى الحرفيين 0108388347 دة بردة جديد اصلى واستيراد

عندك ناصر هوندا فى التجمع الخامس 0125052017 دة جديد اصلى واستيراد

وعندك بقى محلات كتير فى الحرفيين خاصة للهوندا بس

وان شاء الله ربنا يوفقك لما فية الخير

[mustafa927222]

ألف ألف شكر يا غالي على اهتمامك معلوماتك ، ربنا يبارك فيكم جميعا

ألف ألف شكر يا غالي على اهتمامك ومعلوماتك الطيبة ، ربنا يبارك فيكم جميعا

[mustafa927222]

No Comment
انا متشكر ليك جدا ربنا يبارك فيك

[ahm128]

انا لى تعليق بسيط على بعض المشاركات اولا انا كان معايا سيفك 91 كاملة بفتحة سقف وهى نفس شكل 90 المهم تيل الفرامل وبعتها من 3 سنوات كنت مشيت بها حوالى 200 الف كيلو غيرت تيل الفرامل مرة واحدة مع العلم انى سواقتى هادئة الى حد ما واتذكر انه كان فى منه الاصلى واليابانى والتيوانى والتركى والصينى وايضا المصرى اما الاستهلاك للوقود فكان بدون تكيف حوالى 190 الى 200 داخل البلد و 280 على السريع متوسط سرعة 90 الى 100