هوندا 1984

[mmharoun]

السادة ملاك الهوندا 1984 مرحباً بكم معنا فى هذا الموقع العظيم
اريد ان كل من يمتلك هوندا 1984 يكتب عن العيوب التى وقع فيها لكى نستفيد منها ولا يقع الباقى فيها
وشكراً

[tamertito88]

عيوبها كتير بس سببها عدم الصيانة والاعتناء


مثلا : بيض المقص بيفلت و ربنا يستر عليك لما تحصل و السبب ان كاوتش البيض بتاع المقص بيبقى اتقطع و الشحم اتسرب وبقى في خشونة فدايما بص عليها و كل فترة خلي حد يبصلك عليها


الكبالن غير معمرة

عمود العزم الامامي ( يمين و شمال ) اللي هو بديل السوست المعروفة , ده اتكسر مني اول امبارح وانا على 100 والعربية نزلت عالكاوتش الشمال خالص و الحمد لله عرفت اوقفها نزلت ابص طبعا لاقيت العمود نصين
السبب اني عمري ما صينت العمود ده ولا غيرته من ساعة ما جبت العربية

بالنسبة للموتور الحرارة والزيت خد بالك منهم اوي الجوان بيلسع بسرعة اوي لما الحرارة تعلى

العربية ماشاء الله آدائها كويس جدا بالنسبة لعربية عائلية و ثباتها معتدل انا جبت بيها 160 قبل كده على 4.5 او 5 ار بي ام تقريبا و ما كنتش خايف اوي يعني ( ايام الموتور ال 1500 )


سير الكاتينة خد بالك منه لو لاقيت العربية بطلت مرة واحدة وانت سايق اول حاجة تنزل تبص عليها - قبل ما تدور هو سير الكاتينة ( لو دورت كده الصمامات بالسلامة )

العربية بقالها معايا 7 سنين شفتلها الحلو وشفتلها الوحش , العربية عالية عن الارض ما شاء الله في الغرز ما اقولكش الحمد لله مشيت بيها في اكتر الاماكن رملة ناعمة و ما غرزتش ولا مرة ( العاشر من رمضان نصها رملة :) )

بفكر لما اجيب العمود ده اني كمان اركب مساعدين بسوست كده يبقى العفشة الامامية في الجون بس سمسم قال ما ينفعش مساعدين ال 93

عيوبها ان مش كتير فاهمين فيها ( اقصد الصنايعية ) مثلا جرب تروح لعفشجي و تقوله ال دريكسيون جامد في ايدي
مش هيعرف يعملك حاجة , والحل بسيط ان في صامولة في الاسكترا تحت لما تهويها الدركسيون يخف والعكس

ياريت لو سمسم قرى الموضوع يقولي انهي احسن مساعدين بسوست و بكام وبالبنط العريض اهو عشان تشوفها ههههه


وتتميز عن السيفيك 93 ايييييييييييييوة تتميز في حاجة واحدة بس الارتفاع

ما تحاولش تستغنى عن ايحاجة فيها لما تبوظ عشان لما بتهمل هتلاقيها بقت تروسيكل زي الاخ اللي باعلي العربية من 7 سنين كان ملصمها و لما استلمتها كانت بتدور لوحدها و بتعمل حاجات غريبة كدا فتقريبا غيرت فيها كل حاجة

الخلاصة اخير العزيز بالنسبة ل 84 احترمها تحترمك

اتمنى اكون افدتك باي حاجة (اخوك م/ تامر من مالكي السيارة الاكثر اضطهادا في المنتدى ) :(((((

[SAMEH_FOUAD]

ماتستعجلش الموضوع اوشك على الانتهاء خلاص , واسف جدا على التأخير بس انتوا عارفين ظروف الشغل والشقة مع بعض

[tamertito88]

ربنا يتمملك على خير يااااااااارب و انت عارف انا بحب الهزار :)


بس ما رديتش برده احسن مساعدين بسوست تنفعلي ايه

[tarekzein]

الله ينور ياتامر باشا

[tamertito88]

الله ينور ياتامر باشا

الف شكر يا طارق باشا , ربنا يكرمك يارب

[mmharoun]

تامر باشا بجد انت جبت المفيد ومن الاخر يعنى لما ترعاها تراعيك الف بجد شكرا بس الحمد الله ماففيش حاجة من الحاجات دى حصلت عندى الحمد الله مافيش غير حاجة بسيطة وسمسم باشا كتر الف خيرة قالى عليها وهى الباحات الامامية عندى لابد من تغيرها علشان كانوا عملينلى وش فى دماغى الحمد الله يوم الجمعة هعملهم

اما سمسم باشا كان الله فى عونة من صنايعية الشقق وربنا يتمم له على الف خير واه ليسة بردوا بنرادلو فى الدرة لغاية لما يجيب الموضوع الى وعدنا بى وبعدين خد بالك يا سمسم العصابة بقى فيها عدد حلو من موديل 1984 يعنى خاف على نفسك بقى
ههههههههههههههههههههه

[SAMEH_FOUAD]

ياجماعة الموضوع خلص عايزين اى اضافات او اى استفسارات هسيبكوا تفكروا لحد الساعة 11 بليل

[mmharoun]

ياريت بجد يا سمسم الوضوع يكون شامل كل حاجة من ميكانيكا وعفشة وكهرباء وتكييف معلش احنا بنتقل عليك يا ريس

[SAMEH_FOUAD]

ازاى يعنى انا لو دخلت فى المواضيع دية من غير اسئلة يبقى الموضوع مش هيخلص ابدا

لو اى حد عندة استفسارات يقدم الاسئلة بتاعتة وان شاء الله يتجاوب عليها

[mmharoun]

بجد عربيتى زى ما انت عارف يا سمسم فيها ايه طبعا
يا هنداوية 1984 ادخلوا واطلبوا يالة باقى من الزمن 3 ساعات والموضوع انشاء الله يتثبت والفضل يرجع للله ثم سمسم باشا كان الله فى عونة

[SAMEH_FOUAD]

خلاص الموضوع هعملة اضافة اخر كلام ماحدش عايز حاجة ؟؟؟؟؟؟؟؟؟؟؟

[mmharoun]

سكلهم كدة مش عوزين غير الموضوع فقط ومستنيينة وشكرا لك يا سمسم

[tamertito88]

ما قلتش يا باشا عربيتك فيها ايه ؟؟؟؟ مشاكلها ايه

طالما احنا اخوة في ال 84 لازم نتبادل الخبرات

[mmharoun]

تامر باشا بجد عربيتى الحمد الله فيها حاجات بسيطة قوى نذكر منها
1. مساعدين خلفيين
2. تربيط العفشة الامامية مع شراء عدد 2 بطاحات فقط لا غير
اما الميكانيكا فمطلوب فقط فيها تغيير جوان الكارتيرة مع وش السلندر قط لاغير
اما الباقى فكلة تمام الحمد الله واما للتكييف فالله الحمد شغال كويس
وسعادتك فيها اية عربييتك واكيد ولا بد اشوفك يوم الخميس مع العصابة انشاء الله