هوندا 1984

[tamertito88]

خميس ؟؟؟؟؟ ايه يا جماعة المقابلات بقى الفترات بينها قليلة اوي كده ليه ؟؟؟؟؟؟؟ حرام كده


عموما انا نفسي آجي بس للاسف السوستة الامامي بتاعتي انكسرت السبت اللي فات والحمد لله عرفت اوقف العربية قبل ما البس في الرصيف والعربية حاليا مرفوعة في الجراج على طوب لحاد ما ربنا يفرج واعرف انزل ( المساعدين الخلفي بتوعي في الضياع و ماشي عالسوست و عادي فمتقلقش المهم العفشة الامامي خد بالك منها )

و ايه البطاحات دي ؟؟؟؟؟

مبارك عليك العربية ربنا يباركلك فيها يااااااارب و يكفيك شرها

و عموما بقى انا من حقي كفرد في العصابة اني اقترح مكان المقابلة اللي جاية بعد الخميس

اتمنى تشرفوني ف العاشر من رمضان و هذا لاسباب عديدة

اولا : القاهرة زحمة و العكس بالنسبة للعاشر
ثانيا : طرق واسعة وكبيييييييرة للي بيحب يلعب
ثالثا : اكتر من مكان ممكن تشرفوني و استقبلكم فيه ( نوادي , حدائق كبييييييييييرة )

رابعا : انا ما بعرفش انزل مصر ههههههههههه
خامسا : المسافة من القاهرة حوالي 50 كيلو يعني 30 دقيقة لو ماشي على مية
سادسا : في عضو جديد معانا من مالكي 84 من الزقازيق ادكتور دنتو و اكيد برده العاشر اقرب ليه من القاهرة :)

من الآخر هتيجوا يعني هتيجوا

[mmharoun]

تمورة حبيبى خلاص ادخل على موضوع الزيارة وقول كل الى نفسك فية وانا يشرفنى ان اشوفك فى الزيارة دى علشان نتعرف على بعض
اما بخصوص البطاحة فهى يا سيدى بتكون فوق المساعدين وممكن تشوفها لما تفتح الكابوت بتلقى كوتش على المساعدين من فوق هما دول البطاحات ولو مش عارف تشوفها لما نتقابل ابقى اوريهملك وثالثا الله يبارك فيم بس على فكرة السيارة معايا منذ فترة سنة انتاجها ولله الحمد

[SAMEH_FOUAD]

تامر باشا بجد عربيتى الحمد الله فيها حاجات بسيطة قوى نذكر منها
1. مساعدين خلفيين
2. تربيط العفشة الامامية مع شراء عدد 2 بطاحات فقط لا غير
اما الميكانيكا فمطلوب فقط فيها تغيير جوان الكارتيرة مع وش السلندر قط لاغير
اما الباقى فكلة تمام الحمد الله واما للتكييف فالله الحمد شغال كويس
وسعادتك فيها اية عربييتك واكيد ولا بد اشوفك يوم الخميس مع العصابة ان شاء الله

يامحمد انت اية اللى انت كاتبة دة ربنا مايجيبلك الحاجات دية ابدا , بالنسبة للجوانات

انا كل اللى قولتهولك

1- بطاحات
2- سوست ومساعدين خلفى
3- جوان غطاء التاكيهات
4- تربيط عفشة كاملة
5- جلبتين سوستة عرضية امامى

اللى انت كاتبة دة فى الميكانيكا دة مش عندك خالص وربنا مايورية لحد

[maxman]

سامح باشا
عندى العربية من ساعت مجبتها فى أول شهر 2 ( يعنى فى الشتاء ) والحرارة بتاعتها على نص المؤشر ورحت لصناعى ردرياتير قالى هى حرارتها كده..
ومع بداية فصل الصيف لاحظت أن الحرارة بتعلا عن النصف ..وخايف أسافر بيها ؟!
رأى سمسم باشا إيه ...؟!
ملحوظة العربيه موديل 1984

[SAMEH_FOUAD]

سامح باشا
عندى العربية من ساعت مجبتها فى أول شهر 2 ( يعنى فى الشتاء ) والحرارة بتاعتها على نص المؤشر ورحت لصناعى ردرياتير قالى هى حرارتها كده..
ومع بداية فصل الصيف لاحظت أن الحرارة بتعلا عن النصف ..وخايف أسافر بيها ؟!
رأى سمسم باشا إيه ...؟!
ملحوظة العربيه موديل 1984

قبل اى حاجة المروحة بتشتغل فى مواعيدها ولا بتحس انها بتتأخر ؟

جاوبنى على دة وانا هاقولك المشكلة من اية ان شاء الله

[maxman]

المروحة بتشتغل آه
بس إزاى أعرف فى مواعدها ولا متأخرة

[SAMEH_FOUAD]

المروحة بتشتغل آه
بس إزاى أعرف فى مواعدها ولا متأخرة

تعرف ازاى؟ انك لما تلاقى مؤشر الحرارة بيترفع من غير مالمروحة تشتغل وبعد شوية تلاقى المروحة اشتغلت يبقى كدة الثرموستات دية هتتغير وتجيب الاصلى درجة حرارة 87-93 تمنها 90 جنية الاصلى

شوف الموضوع دة وقولى عشان لو مابتعملش كدة يبقى هاقولك على الحل التانى

[dento]

السلام عليكم معلش انا شفت الموضوع متاخر انا3عربيتي 84 ولسه مغير الموتور جديد والحمد لله الومتور كويس بس العربية اوتوماتك وانا معرفش هل السحب بطئ اول ما اطلع بالعربية ولا الاوتوماتيك كده بس بعد ال60 العربية بتسحب كويس وسابته علي الطريق وانا جايب الموتور بالكمبروسور بتاع التكييف بس باقي اجزاء التكييف مش موجودة عايز اعرف تتكلف كام لو حبيت اجبها وهل تكييف القديم كويس ولاملوش لازمة زي ما الميكانيكي بيقول

[maxman]

أنا آسف يا سمسم باشا على التأخيير مع إنى إللى محتاج المعلومه ..بس ده غضبن عنى عشان برجع متأخر اليومين دول من الشغل
..
بالنسبة للحرارة
أول ما بدور العربيه بقعد من 2 إلى 3 دقائق بسخن فيها والمؤشر طبعاً بيرفع ..مجرد أما بمشى 5 دقائق المؤشر بيوصل للنص والمروحه بتشتغل
..
وأما بيعلا عن النص بتكون المروحه شغاله

فى واحد بتاع ردرياتير قالى هى حرارتها كده ؟؟؟!! أنا خايف من حرارة من الصيف....

[SAMEH_FOUAD]

طيب ياباشا هو عموما المفروض ان درجة حرارة عربيتك الطبيعية عند ثلث المؤشر او قبل النصف بشرطتين

لو عندك المروحة بتشتغل لما المؤشر بيجى عند النصف يبقى كدة الثرموستات دية بتفتح متأخر

وبتاع الردياتيرات دة مش فاهم حاجة

وياريت تشرفنا بكرة ياباشا

[mmharoun]

سمسم باشا على فكرة نفس العيب دة بردة بيحصل عندى وغيرت المياة وعملت تنظيف للردياتير وحطيط مياة خضرا اعد يومين وبردة رجعتتانى لما اشوفك النهاردة ممكن تشوفهالى معلش اخواتك وبنتقل عليك بقى تعمل ايه
ما انا قلت لك انت شمعة تحترق من اجل الاخرين .
ههههههههههه

[maxman]

ألف شكر يا عم سامح على النصيحة
إن شاء الله هغيير الثرموستات وأديك خبر بالنتيجة
جزاك الله خيراً

[mmharoun]

سمسم باشا ممكن طلب بالنسبة للمطلوب عندى فى السيارة
1- بطاحات
2- جلبتين سوستة عرضية امامى
مش لاقيهم جداد ممكن ادور عليهم عند مين

[SAMEH_FOUAD]

سمسم باشا ممكن طلب بالنسبة للمطلوب عندى فى السيارة
1- بطاحات
2- جلبتين سوستة عرضية امامى
مش لاقيهم جداد ممكن ادور عليهم عند مين

محمد باشا اذيك عامل اية

هكلمك واحد واقولك اذا كانت عندة ولا لأ

[mmharoun]

يبقى بجد كتر الف خيرك يا سمسم