استغاثة بي semsem kane

[megoz22]

انا معايا ex 92

العربية سخنت مني مرة اوي و كانت نفس اعراض الجوان اتغير و غيرت جوان المنافون و الفرن
فضلت مشكلة السخونة غيرت تيرموستات المروحة تيرموستات الكوع متشال من زمان من قبل المشكلة دي بكتييير
غيرت غطا الريداتير و الريداتير كونت مغيره بردو قبل المشكلة دي
نضفت دورة المية و بجد تعببببببببببببببببتتتتتتتتتتتت ميكانيكي المحطة اللي نضفها قاللي الطلمبة عندك سليمة


اللي انا شاكك فيه انه يكون الجوان ركبه غلط............ ارجو المساعدة بجد

[M_Nabil]

الحرارة بتعلا في كل الأوقات ولا في ظروف معينه؟

المياه عندك بتنقص بمعدل قد اية؟

الريداتير والغطاء اصلى ولا تايوانى وحالة المروحه شغالة كويس؟

وحاول تركب ثيرموستات الكوعه ثانى

[megoz22]

في كل الاوقات بتعلا المية بتنقص تقريبا كل 5 ايام الاتنين اصلي ياباني بس الغطاء مكانش نفس شكل الغطاء القديم


شكرا لاهتمامك بجد

[megoz22]

المروحة شغالة تمام

[mmharoun]

لابد وان يكون الغطاء الخاص بالريدياتير يكون اصلى بسبب السيكس بلف الذى بداخلة الذى يعمل مع الحرارة

[M_Nabil]

الغطاء الاصلى بيكون سيلفر والاستكير لونه ابيض في اسود في احمر ومكتوب عليه 1.1 وسعره حوالى 80 جنية

المهم اعمل الاتي عشان نطمن على الجوان وميكونش في كبس هربان من البساتم على مجارى المياة

أفتح غطاء الريداتير ودور العربية وشوف هل في فوران أو فقاقيع هواء بتطلع ولا لأ وهل بتزيد مع زيادة سرعه المحرك ولا اية

وهل العربية عندك بتتأخر في الدوارة ولا بتدور طبيعى؟

[megoz22]

نبيل باشا انا كان عندي الغطاء القديم زي مانت بتقول لكن لما غيرته جبت ياباني بس لونه سيلفر و الاستيكر اصفر في ابيض و الرقم اللي عليه اكبر من 1.1 بس مش فاكر كام الصراحة
عموما الحرارة بظبط بتعمل كدة المؤشر يعلي عن النص بشوية و بعدين ينزل بعديها بشوية تحت النص بس الكلام دة مش بيحصل علطوول يعني ابقي ماشي و المؤشر تحت النص بشوية و علي ما اعتقد ان دي طبيعة الهوندا و بعدين يعمل زي ما قولت....
تعتقد السبب يكون الغطاء

[SAMEH_FOUAD]

اولا انا اسف على التاخير جدا

دلوقتى ياباشا بالنسبة لموضوع الحرارة اللى حضرتك بتتكلم علية انت بتقول ان الحرارة بتعلى عن النص بشوية وبعد كدة بتنزل تانى لحد الثلث اللى هية الحرارة العادية بتاعة الهوندا , طيب ماكدة معناة ان الثرموستات دية بتفتح المروحة متأخر فطبعا بتكون الحرارة عليت شوية , وبعد كدة تبدأ تنزل تانى للمستوى الطبيعى بعد المروحة ماتقوم بوظيفتها

يبقى حضرتك كدة هتفك الثرموستات وتجيب ثرموستات هوندا الاصلى بيعمل 175 جنية وبيفتح عند 87 درجة

[khaledfox]

ممكن يكون محتاجه يتاخد هوا كامل صح

[megoz22]

و لا يهمك يا باشا كل تأخيرة و فيها خيرة بس حضرتك متأكد انها ثيرموستات المروحة لاني انا لسة مغيره بواحد استيراد و ياريتني كنت جبته جديد حتي لو كان تايواني المهم عشان لو جبته ملبسوش تاني زي اللي قبله و طبعا مش هينفع ارجعه بس انتي عارف اكيد ان ريداتير الهوندا ex صغير مش ممكن يكون هو السبب فانا اودامي الريداتير الكبير جديد ب 200 قبل الفصال و هيدي تبريد احلي للتكييف انتي ايه رأيك يا سمسم باشا.....

[megoz22]

معلش يا سمسم باشا لو غطاء الريداتير مش 1.1 هيأثر بردو ؟؟؟؟؟؟؟؟

[SAMEH_FOUAD]

هو طبعا انا بفضل الردياتير الكبير هيبقى احسن من الصغير

وبالنسبة للثيرموستات المشكلة ان دية الاسباب اللى انت بتقولها كلها ترجع الى الثيرموستات

طيب عموما عشان ماتغرمش قبل ماتغير حاجة

اعمل الاختبار دة

العربية دورها وشوف الحرارة لحد ماتيجى على المستوى الطبيعى هل المروحة هتشتغل ولا لأ , ولا هية هتشتغل اول لما الحرارة تبدأ تعلى

طبعا كل دة اعملة وهية واقفة وانت فاتح الكابوت وقولى اية النتيجة

[SAMEH_FOUAD]

معلش يا سمسم باشا لو غطاء الريداتير مش 1.1 هيأثر بردو ؟؟؟؟؟؟؟؟

لأ مش هيأثر خالص

[megoz22]

انا مش عارف اقولك ايه يا سمسم علي اهتمامك ده بجد والله.....
انا شيلت الثيرموستات اللي انا جيبته الاخر و حطيط القديم لانه مكانش بايظ الفيشة اللي بتركب فيه هي اللي كانت بايظة بس انا بغبائي جبت ثيرموستات بفبشة المهم المروحة بتشتغل زي الاول لما يكون المؤشر قبل النص بشوية((هي دي طبيعة الهوندا يا سمسم مش كده؟؟؟؟)) لسة مجربتش الحرارة في المشي هاجرب و اقولك ماشي.... علي فكرة انا اسمي مصطفي ضابط جيش
قوللي يا درش او ديشا اللي يريحك بس بلاش كلمة يا باشا دي احنا اخوات......و تاني مرة بشكرك

[tarekzein]

منور المنتدى يا درش