ترموستات الكوعه ؟؟

[wael ahmed]

السلام عليكم يا وحوش
دلوقتى لما كنت عند جاسم قالى ان ترموستات الكوعه متشاله .... فانا عايز اعرف هيا فايدتها ايه وليها ضرر كده وهيه متشاله ؟؟


تانى حاجه انا كنت عملت التكييف عن الصعيدى ( زيدان ) اللى فى الطيران وكان ايامها الجو مش حر قوى واليومين اللى فاتو دول اجى اشغل التكييف الاقى هوا سخن طالع وبياخد وقت طويل جداا علشان يسقع العربيه ولازم علشان يسقع اجرى بالعربيه وبرضه درجه البروده مش اللى هيه !!
انا اللى كنت عملته ( فك الكويل والمروحه وتم تنظيفهم كويس وكشف على اى تسريب وظبط الدنيا وكبس هوا وبعد كده شحن فريون بس اعتقد انه صينى لانه قالى ان كله زى بعضه )

ورحتله من يومين كده قالى الفريون كويس ومفيش تسريب بس انت كده عايز تغيير expansion valve وقلى انا هجبلك واحد
والدنيا هتتظبط
التكلفه :
185 جنيه expention valve
60 مصنعيه وقالى هنسحب الفريون وهنرجعه تانى

وانا محتار بصراحه علشان انا مش عايز اعمل حاجه فى التكييف بالذات ويطلع العيب من حاجه تانيه فقولت اخد ارائكم
ومعلش اخر حاجه هل ترموستات الكوعه ليها علاقه بالتكييف علشان واحد عند زيدان بص فى الاول كده قالى ايه ده انت ترموستات عندك متشاله هيه اللى عامله كده بس زيدان قالى ملهاش علاقه .... واسف انى طولت عليكم : )

[M_Nabil]

فى نقطة انا احب اوضحها وهى ترموستات المياه اللى راكب فى البلوك وده ليه اهمية كبرى واحد منها اللى احد الاخوة تحدث عنها وهى عملية منع مرور المياه داخل بلوك الموتور صباحا والسيارة باردة حتى تسرع بعملية التسخين صباحا والاحتفاظ بدرجة الحرارة المثلى داخل المحرك لاتمام عملية الاحتراق اما النقطة الاهم وهى اثناء السفر وجرى بسرعات مرتفعة نسبيا 80 الى اعلى فى تلك الوضع المياه فى الراديتير درجة حرارته بتبرد بشدة نتيجة الهواء الشديد المواجه للسيارة فى نفس الوقت درجة حرارة المياه داخل بلوك المحرك بتكون مرتفعة جدا اذا فرق درجات الحرارة بين المياه داخل البلوك المحرك والمياه داخل الراديتير كبير جدا والذى يؤدى عدم وجود تلك الترموستات ( وظيفة الترموستات تنظيم مرور المياه ) الى تشوه فى وش السلندر وذلك بمرور الوقت وليست بمجرد خلعه

دى وظيفة الثرموستات

بالنسبة للتكييف ممكن تكشف عند حد ثانى وشوف هيقول لك نفس الكلام ولا حاجه ثانية لو أنت ساكن جمبه في واحد اسمه العفريت بعد الصعيدى ورا بنزينه موبيل الطيران شوف هيقول لك اية

موضوع ان في الزحمة والحر كفاءة التكييف بتقل وأنت واقف ويبتدى يسقع لما الطريق يفتح والسرعة تزيد في أغلب الحالات بيكون ضعف في الكمبريسور نفسه

[wael ahmed]

اوووف ايه الكلام الكبير ده وش سلندر .. هيه فعلا العربيه بتاخد وقت علشان تسخن لما بتكون بارده
بس بعد ما ظبطت التاكيهات بتسخن بسرعه شويه بس حاسس انها بتاخد وقت .....
طيب هى الترموستات دى يا محمد باشا بكام ؟!

وبالنسبه لموضوع التكييف انا كنت روحت لواحد الاول وقالى الكباس ضعيف .. بس لما رحت لزيدان وقلتله قالى لأ الكباس كويس وورانى كده زى مؤشر وقد يفهمنى فى حاجات بس اللى انا لاحظته المره اللى فاتت لما رحلته ان الؤشر بيبقى على 40 ( السلانسيه ) وبيزيد لما بتزود بنزين ؟
مش عارف بقى كده صح ولا لأ ...علشان موضوع التكييف ده شكله عقده فى السيفيك :(
وشكرا يا كبير على الاهتمام : )

[Esam Mosaad]

الثرموثتات فعل امهم جدا وبيبقى اسمو ثرموثتات كوعه
وكتير هيقولك شيله ده عشان اوربنا والسقعه والثلج

هوا عيبه فعلا لو قفل ومفتحش ان دوره الميه تمشى هيبقى مشكله ارتفاع الحراره وممكن يعمل مشاكل جامده
على فكرها سعره ما بين 50 الى 70 جنيه

[wael ahmed]

يعنى اركبه ولا لأ

[lord_of_egypt22]

انا هاقلك حاجة عن الفريون الصيني
نزل مصر صفقة مضروبه
بتسقع تلج بالليل
لكن اثناء النهار مابتشتغلش
الموضوع ده كان بيتكلم فيه اشهر كهرباءي في دمياط مع اخوه
وقاله ان الزباين زعلانه ومنهم عربيات 2008و2009
فخلي كلامي حل اخير وهو
لو متأكد من كفاءة جميع عناصر التكييف
غير الغاز

[SAMEH_FOUAD]

وائل باشا اية الاخبار يارب تكون بخير

دلوقتى انا هاجاوبك على اسئلتك حسب عرضك ليها :

1: ثرموستات الكوعة مهمة جدا واهم حاجة فيها الحفاظ على درجة حرارة المحرك اثناء السرعات العالية بحيث ان درجة الحرارة ماتنزلش منك , 2 : فى فصل الشتاء بالذات بتسخن العربية بسرعة وطبعا الفلاسفة اللى عندنا هنا بيشيلوها
لازم تتركب فورا لاتك بتجرى

2: بالنسبة للتكييف : اولا الهواء الساخن بياخد وقت طويل والعربية واقفة : طيب دية مشكلتها بتيجى من انخفاض عدد لفات الماتور , مش بيخلى الكومبريسور يضغط الغاز كويس , لو لفات الماتور مظبوطة يبقى العيب من الكباس , وعلى فكرة ممكن يكون عيب فريون , لان انا كتتبلكوا فى موضوع التكييف محدش يتنازل عن نوعين فريون الانجليزى والبولندى جااااااااااامدين جدا

وعشان تعرف اذا كان الكباس كويس ولا لأ المفروض وهو بيشحن الدورة فريون الكباس لازم ياخد الفريون بسرعة مش ببطىء وهو بيبقى معاة المؤشر بيعرف ويقولك

ولو العيب من ال expansion valve هتلاقى التكييف مابيسقعش اصلا

ثالثا : ثرموستات الكوعة ليس لها اى علاقة بالتكييف دية مجرد ثرموستات

عشان ماتدوخش نفسك كتير اكشف على الكباس وقول لقيت اية واحنا نقولك

[wael ahmed]

الف شكر يا سمسم :)
بالنسبه لموضوعات الترموستات تعمل كام ؟
والفريون انا كنت عامل العربيه فى شهر 3 ومكنتش نزلت الموضوع لسه ... طيب انا اشترى الفريون بقى بنفسى واخليه يشحونه لو كده اجيب نوع ايه ؟
ولو خليته يعمل الexpansion valve علشان هوه بيقولى الكباس كويس بس طبعا هتكون على مسؤليته ... سعره كويس كده 185 جنيه

والف شكر يا كبير : )

[beshomilan]

طب انا عندى مؤشر الحرارة بيعلى جامد لو العربية واقفة فاشارة طويلة فى الشمس ومشغل التكييف..ولما بتحرك بيرجع للنص تانى..فى العادى العربية عندى مبتسخنش انما بتسخن مع التكييف وانا واقف بس
ظبطت التاكيهات وغيرت زيت وحاطط مية خضرا موبيل والترموستات متشالة وسلكت الريداتير..اعمل ايه تانى؟؟؟
عربيتى هيوندى اكسيل
سؤال اخر..هل كل ما اعلى درجة التكييف من المؤشر عشان يسقع اكتر كل ما استهلاك البنزين يزيد ولا الاستهلاك ثابت سواء على عليت او وطيت التكييف؟؟

[M_Nabil]

يا عم وائل أكشف بس عند حد ثانى بـ 10 جنية وشوف هيقولك اية قبل ما تغير اى حاجه وخد بالك عشان معظم الناس بتشحن فريون صينى وبيبقى مضر لأجزاء التكييف على المدى القصير، فى نوع هندى تقريباً أسمه rb ده كويس.

وللأخ بيشو بتاع الاكسيل الاستهلاك مش بيزيد مع زيادة سرعة المروحة و موضوع الحرارة أكشف على المراوح والشكمان

[SAMEH_FOUAD]

طب انا عندى مؤشر الحرارة بيعلى جامد لو العربية واقفة فاشارة طويلة فى الشمس ومشغل التكييف..ولما بتحرك بيرجع للنص تانى..فى العادى العربية عندى مبتسخنش انما بتسخن مع التكييف وانا واقف بس
ظبطت التاكيهات وغيرت زيت وحاطط مية خضرا موبيل والترموستات متشالة وسلكت الريداتير..اعمل ايه تانى؟؟؟
عربيتى هيوندى اكسيل
سؤال اخر..هل كل ما اعلى درجة التكييف من المؤشر عشان يسقع اكتر كل ما استهلاك البنزين يزيد ولا الاستهلاك ثابت سواء على عليت او وطيت التكييف؟؟

اهلا بيك ياباشا فى قسم الهوندا اولا

بالنسبة للعربية لما بتسخن وهية واقفة فى حالة التكييف معنى كدة ان فية حمل عليها مش قادرة تبردة

ودة بيبقى ناتج من ضعف فى طلمبة المياة , او الريدياتير بايظ

وعلى فكرة احيانا الردياتير لما بيتسلك مابيجيبش نتيجة بيبقى لازم يتغير

بالنسبة لدرجات التكييف وتأثيرها على الاستهلاك لأ سواء واحد او اربعة نفس الاستهلاك لان كدة او كدة الكمبروسير شغال , ودرجات التكييف ماهية الا سرعات للمروحة بس مش سرعات كباس

[beshomilan]

اشكركم اخواتى على الردود الجميلة
بس ميكونش فيه عيب فى سربنتينة التكييف وهى اللى بتؤدى لسخونة العربية كده؟؟؟
او فلتر الهوا خلاص ودع وده يؤدى لعدم دخول الهوا للماتور وهو واقف فبيسخن جامد وبيبرد اول مايمشى؟؟؟

[SAMEH_FOUAD]

سربنتينة التكييف لو فيها عيب يبقى التكييف اداءة هيضعف ومش هتلاقى التبريد كويس

وفلتر الهواء بيؤدى الى عدم انتظام العربية وهية فى السلانسية , العربية بتبقى مخنوقة فى الجرى ومابتسحبش بسهولة

لكن ليس لهما علاقة بسخونة السيارة

طالما عندك الحرارة بتعلى فقط مع التكييف واثناء التوقف لمدة طويلة فى اشارة دة معناة وجود ضعف فى الردياتير او طلمبة البنزين , لان طبعا طلمبة البنزين كل مابتزود بنزين الطلمبة بتشد اكتر فامش بتبان ضعفها غير لما تقف فترة , تانى حاجة الردياتير لو مسدود مش بيبرد كويس فمع ضغط التكييف كل دة بيبان اوجة قصورة

فحضرتك الاول افتح الغطاء بتاع الردياتير واكشف على قوة ضغط الطلمبة , ثانيا اكشف على الردياتير دة عند واحد كويس لان مهما بيتسلك خلاص الردياتير بيبقى تعب

[wael ahmed]

يا عم وائل أكشف بس عند حد ثانى بـ 10 جنية وشوف هيقولك اية قبل ما تغير اى حاجه وخد بالك عشان معظم الناس بتشحن فريون صينى وبيبقى مضر لأجزاء التكييف على المدى القصير، فى نوع هندى تقريباً أسمه rb ده كويس.

وللأخ بيشو بتاع الاكسيل الاستهلاك مش بيزيد مع زيادة سرعة المروحة و موضوع الحرارة أكشف على المراوح والشكمان

علم يا باشا وجارى التنفيذ

كنت عايز اعرف سعر ترموستات الكوعه كام ؟
وسلك الفتيس علشان اقربت اتجنن منه بظبتطه وبشده ويفضل كويس شويه وبعد كده بحس انى مظبطتش حاجه

[beshomilan]

سربنتينة التكييف لو فيها عيب يبقى التكييف اداءة هيضعف ومش هتلاقى التبريد كويس

وفلتر الهواء بيؤدى الى عدم انتظام العربية وهية فى السلانسية , العربية بتبقى مخنوقة فى الجرى ومابتسحبش بسهولة

لكن ليس لهما علاقة بسخونة السيارة

طالما عندك الحرارة بتعلى فقط مع التكييف واثناء التوقف لمدة طويلة فى اشارة دة معناة وجود ضعف فى الردياتير او طلمبة البنزين , لان طبعا طلمبة البنزين كل مابتزود بنزين الطلمبة بتشد اكتر فامش بتبان ضعفها غير لما تقف فترة , تانى حاجة الردياتير لو مسدود مش بيبرد كويس فمع ضغط التكييف كل دة بيبان اوجة قصورة

فحضرتك الاول افتح الغطاء بتاع الردياتير واكشف على قوة ضغط الطلمبة , ثانيا اكشف على الردياتير دة عند واحد كويس لان مهما بيتسلك خلاص الردياتير بيبقى تعب

اشكرك استاذ سمسم وهعمل اللى قلت عليه